सागप्मा तुङ्ङिल्ले़ तरुमा सावामान् याःप्पा हे़क्तङ्बा इक्लाधिक् खे़प्सुङ्लो के़रे़क्नुःल्ले़ तगि अङे़ःक्वा सागे़गप्मा मे़न्छुमान् फिःक्पा हे़क्के खे़प्सुङ्लो॥ हे़ङ्गे़ःक्काङ् हे़ङ्गे़क् लॽर सक्मा सोःन्छिङ्लो हे़क्क्याङ् कुहुक्किन् सन्छुरो खे़ब्याङ् नुमासुक्मा यरुसले़ःम्मिल्ले़ अक्खे पाःत्तुर फिःक्लो “चिःत्ते़स्ये़रो, आङ्गाॽ आसक्मा पुॽरे़आङ् वाॽरो! खे़ङ्हाॽ आङ्गाॽ आसे़त्छे़ मे़दार मे़बत्लो!”
मे़रिङ् साप्पन् 1:17 - लिम्बु17 “पेलि फाक्मारे़ लागि सियोनरे़ कुहुक्किन् सल्लिक् सन्छुरो, कर खे़न् आःन्छिङ्मा के़बिबा आत्तिन्नाङ् होप्लो॥ यहवे दाङ्बे़ल्ले़ याकुबरे़ कुदक्ले़ङ्वाओ कुहिम्बेसाङ्बाहाॽ कुनिङ्मि मे़बोङ्ल फाॽआङ् इङ्जाङ् पिरुसिआङ् वाॽरो॥ खे़ङ्हाॽरे़ खुन्छिॽ लुम्मो यरुसले़ःम्मिन् लत्छा आसुत्थो पान् पोःक्खे़आङ् ने़रो॥ Gade chapit la |
मे़रिङ् साप्पन् 1:17
29 Referans Kwoze
खे़ल्ले़ कुजिःन्जिःन्घुमान् कुसिम्मो खिप्तुरो, खे़ल्ले़ के़दाबा ताप्फे़ःम्बा कुये़न्निन् निङ्वाॽ मे़इःत्तुन्लो॥ खे़ल्ले़ कुमे़क्मे़न् किप्मा के़घुबा चोगे़रो, खे़न् हाङ्हाङ् के़मे़प्पा हाःत्ताङ् होःप्ते़रो॥ “यहवे दाङ्बाए, आङ्गाॽ तुक्खे तुमुङ्बे़न् ओमे़त्ते़ॽओ, थेआङ्भे़ल्ले़ निङ्मिहाॽ के़नाःम्बा मे़बोःक्खे़आङ् वाॽरो॥”
“कन् के़रे़क् पाःन्हाॽरे़ चोगुल्ले़ आङ्गाॽ हाःप्मार वाॽआरो, आङ्गाॽ आमिक्कोलाम् आमिक्वा ते़रे़रे़ थाप्लो॥ आङ्गाॽ हाङ्हाङ् मे़प्मारे़ लागि आबेसाङ् हाःत्ताङ् होप्लो, आयाम्साम्मिन् याम्मो कुहिङ्वे़त् के़जोःक्पा आसाःत्ताङ् होप्लो॥ आङ्गाॽ अङे़ःक्वा आस्सा ये़म्बित्छाहाॽ एःक्से़त्छा मे़वाॽरो, थेआङ्भे़ल्ले़ निङ्मिन् थङ् के़नाःम्बा पोःक्खे़आङ् वाॽरो॥
कल्ले़चोगुल्ले़ सिदकियाह हाङ्ङिल्ले़ हाङ्युक् चोगुबा फाङ्सिगेक्पा तङ्बे थिबोङ्गेक्पा ला थिबोङ्गेक्पा ये़न्नो बेबिलोनबा हाङ् नबुकदनेसरे़न् खुने़ॽ के़रे़क् कुधक्सुबाहाॽनु सोरिक् यरुसले़ःम्मिल्ले़ कुदक्ले़ङ्वाओ तगि थासिङ्ङाङ् फे़रे़, हे़क्क्याङ् खे़न् किर्गप् कबुआङ् थक्सुबा ने़त्ना साःङ्गाहिम् नु चन्छिङ्मा खाम्लुङ्हाॽ फोःक्खु॥
“नासिगे़न् थक्ला के़गप्पा मे़न्छाम् याप्मिए, इस्राइलबा मनाहाॽ खुन्छिॽ आबाङे लाजेॽओ मे़युङे़ल्ले़, खे़ङ्हाॽरे़ खुन्छिॽ फे़न्याःम्बक्किल्ले़ चोगुल्ले़ खे़ङ्हाॽरे़ कन् लाजेन् मे़जिःन्दु॥ आङ्गाॽ आलागि खे़ङ्हाॽरे़ खुन्छिॽ ये़प्ले़क्किन् कुसिम् वाहप्मा के़वाॽमा मे़न्छुमाःल्ले़ कुजाङ्ङिन् कुइसिक् आसुत्थो चोगे़॥
“चिःन्जिःन्गे़घुबासे! खिनिॽ पेगे़म्मे़ॽओ!” मनाहाॽरे़ खे़ङ्हाॽ मे़भे़ःक्तुसिर मे़मे़त्तुसिरो॥ “माःङ्घा पेगे़म्मे़ॽ! माःङ्घा पेगे़म्मे़ॽ! आनिगे आन्छुसे़म्मिन्ने़ॽओ!” खे़ङ्हाॽ के़घे़त्छिङ्बा नु ताक्कन्निबा मे़बोःक्खे़ल्ले़, मे़न्छाम् सुवाङ्बा मनाहाॽरे़ अक्खे मे़मे़त्तुसिरो, “आल्ल खे़ङ्हाॽ आनिगे़नु कप्मो मे़न्युङ्ने़न्लरो॥”
“मनाहाॽरे़ आङ्गाॽ याःत्ताबान् मे़घे़प्सुआङ् वाॽरो, कर आङ्गाॽ हाङ्हाङ् के़मे़प्पा आत्तिन्नाङ् होप्लो॥ आङ्गाॽ के़रे़क् आनिङ्मिहाॽरे़ आये़त्तुक्खेन् मे़घे़प्सुआङ् वाॽरो, आदाङ्बारे़ अक्खे के़जोगुबाओ खे़ङ्हाॽ मे़सःत्लो॥ आदाङ्बारे़ उवा के़जोगुबा ये़न्निन् के़दारुरो, खम्भ्याङ् खे़ङ्हाॽआङ् आङ्गाॽ कुसिङ्बाए मे़बोङ्लरो॥
से़न्दिक् नाम्दाःत्तात् खे़न् उःक्काङ् उःक् हाःप्लो, खे़ल्ले़ कुने़दे़ङ्बो मिक्वा चक् चक् थाआङ् पत्लो॥ खे़ल्ले़ लुङ्माॽ हिःप्तुसिबाहाॽओलाम्, खे़न् आःन्छिङ्मा के़बिबा हाःत्ताङ् होप्लो॥ खे़ल्ले़ के़रे़क् कुन्जुम्हाॽरे़ खुने़ॽ इङ्ले़क्को मे़धासुआङ् ने़रो, हे़क्क्याङ् खे़ङ्हाॽ खे़ल्ले़ कुनिङ्मि मे़बोःक्खे़आङ् मे़वाॽरो॥
आङ्गाॽ इङ्जाङ् पिरुङ्सिङ् हे़क्क्याङ् खे़ङ्हाॽ कन् ये़क्यक्को मे़नुःङ् मे़दाःॽ॥ खे़ङ्हाॽरे़ कन् ये़क्यक्किन् थङ्ङो मे़भत्तुॽ, खे़ब्याङ् कन् ये़क्यक्किन् मे़दोगुआङ् मे़युक्तु हे़क्क्याङ् फुल्लुम् थ्यःङ् मि मे़याक्तुॽ॥ आङ्गाॽ यहुदाबा ये़क्यक्हाॽ मुरे़क् खारे़क्पा ये़ःङ्घादे़न् हे़क्के आत्तिन्हाॽआङ् युङ्मा मे़ङ्घोने़न्ल मना मेःन्नेबा चोगुङ्॥ आङ्गाॽ यहवे दाङ्बे़ल्ले़ पाःत्तुङ्ङाङ् वाॽरो॥”
हे़क्क्याङ् आल्ल खे़ने़ॽ के़मना इस्राइलिहाॽओ कुभारे़ तुवा मे़जोगुॽ इग्र चुङ्जिगे़न् नःम्नःम्माङ् पेलि मे़दोन्दुॽ खे़ब्याङ् के़रे़क्ले़ खुन्छिॽ निङ्वाॽओबा तुक्खेन् मे़इःत्तुआङ् खुन्छिॽ हुक्हाॽ कन् माङ्हिम् ले़प्माङ् मे़भोःक्खुल्ले़ खे़ने़ॽ के़युक्नादे़न् साङ्ग्राम्पेदाङ्लाम् खे़प्से़ॽ॥ हे़क्क्याङ् ले़प्मि पिरे़से़ॽआङ् याःम्बक् चोगे़ॽओ॥
याम्मो आङ्गाॽ ओमे़त्तुङ्, हे़क्क्याङ् नाम्मिल्ले़ कुसिगाङ् के़बोङ्बार के़बप्पा के़रे़क् मे़न्वाॽमनाबा पाःन्हाॽ निसुङ्लो— तुक्खे चाःप्मा याःम्बक्हाॽरे़ मिक्वान् निसुङ्लो, हे़क्क्याङ् खे़ङ्हाॽ हाङ्हाङ् के़मे़प्पा हाःत्ताङ् होप्लो॥ के़युक्पाहाॽरे़ खुन्छिॽ ले़प्माङ् मुक्साम् वये़रो, हे़क्क्याङ् मे़युक्तुसिबाहाॽ हाङ्हाङ् के़मे़प्पा हाःत्ताङ् होःप्ते़रो॥
Piblisite