मे़रिङ् साप्पन् 1:15 - लिम्बु15 “दाङ्बे़ल्ले़ के़रे़क् आधक्सुबाहाॽ नाॽरुसिआङ् वाॽरो, आङ्गाॽ थाङ्बे़न् आमनाहाॽ तरःम्दरःम् लःम्मासिरे़ लागि आङ्गाॽ आदक्ले़ङ्वाओ के़धुम्बाहाॽ फुक्खुसिआङ् वाॽरो॥ खुने़ॽ चे़ल्ले़क्सेॽ एःम्मादे़न्नो, चे़ल्ले़क्सेॽ एःप्मनाबा हे़क्के यहवे दाङ्बे़ल्ले़ यहुदाःल्ले़ सिसागे़न् कुस्सा मे़न्छ्यान् युःत्तुआङ् वाॽरो॥ Gade chapit la |
मे़रिङ् साप्पन् 1:15
27 Referans Kwoze
खुने़ॽ कुमुराओलाम् इक्सादिङ् खाम्बेःक्मोबा मे़न्छाम् सुवाङ्हाॽ नाःम्मासि फाॽआङ् खागे़सुक्पा ताभेन् लःन्दे़रो॥ हे़क्क्याङ् खे़ङ्हाॽ फे़न्जेॽ तक्काःत्तिल्ले़ युक् चोगुसिॽरो॥ हे़क्क्याङ् खुने़ॽ चे़ल्ले़क्सेॽ एःम्मादे़न्नो लाङ्ङिल्ले़ चे़ल्ले़क्सेॽइन् सॽमनाबा हे़क्के मुक्साम्दाङ्बा निङ्वाॽफुमाङ्ङिल्ले़ कुसाक्के़न्निल्ले़ कुनिङ्मिहाॽ सॽरुसिरो॥
“यहवे दाङ्बा खे़ने़ॽ के़निङ्वाॽफुमाङ्ङिन् आत्तो वाॽबे?” याप्मि के़मे़प्पा आनिङ्मिहाॽरे़ खे़न् मे़निसुरो खे़ब्याङ् खे़ङ्हाॽ साॽरिक् सिरिङ्ममो मे़धारो॥ खे़न् निङ्मिहाॽरे़ तगि आङ्गाॽ किनाःन्दि मे़बिराङ्लो खे़ङ्हाॽ मे़जोःम्बे़न् आमिक्किल्ले़ए निसुरो, आल्लोसाङ् खे़ङ्हाॽ माराम्मोबा ले़ःक्वा हे़क्के लाङ्ङिल्ले़ चिदोॽ चिदोॽ मे़दोॽरुसिरो॥
“बेबिलोनबा हाङ् नबुकदनेसररे़ चदेसिगे़आङ् वाॽरो हे़क्क्याङ् आनिगे चिधक् चिधक् थगिगे़आङ् आनिगे थुम्मिन् लःत्तुदेसुआङ् वाॽरो॥ यम्बा आजाजाबे़ल्ले़ हे़क्के खुने़ॽ लरिगे़देसिगे़आङ् वाॽरो खे़ब्याङ् खुने़ॽ कुसाप्पोःक्किन् आनिगे याङ्साकुन्धेःल्ले़ थिम्सुआङ् वाॽरो॥ आनिगे आबाङे लाजेॽलाम् खुने़ॽ लाःक्कात् लाप्फुसिगे़आङ् वयिगे़रो,”
ओवा, माःङ्घा माःङ्घाबा लाजेॽहाॽलाम् खे़ल्ले़ कुदक्ले़ङ्वाओ त्ये़म्मे़ॽओ॥ खे़ल्ले़ कुजा युङ्मा थाःङ्हाॽ यसे़म् पिरे़म्मे़ॽओ॥ खे़ल्ले़ कुहिम्हाॽ नु कुलुङ्धाक्हाॽ उःक्पे़त् लुम्सिङ्ङाङ् ने़र लुःन्दे़म्देसे़म्मे़ॽओ॥ खे़न् युम्रे़क् मे़क्खे़म्मे़ॽओ, खे़ब्याङ् कुधे़माधिक्काङ् मे़ले़रे़म्मिन्ने़ॽओ!
खे़ल्ले़चोगुल्ले़ आल्ल खे़ङ्हाॽरे़ खुन्छिॽ साहाॽ साक्मे़न्जाए मे़सिररो, खे़ङ्हाॽग हयङ् ते़न्धङ्ङो मे़से़रुसिररो, मे़न्छुमाहाॽरे़ खुन्छिॽ ये़म्बाहाॽ नु साहाॽ मे़मासुसिररो, ये़म्बित्छाहाॽ तुक्मा लाःक्मा मिङ्देल्ले़ मे़सिररो हे़क्क्याङ् नालिगे़न् थाङ्बे़न्हाॽ थङ्ङो मे़से़रुसिररो॥
खे़ङ्हाॽ अक्खे मे़प्मासि इङ्जाङ् पिराङ्लो, “आङ्गाॽ आमिक्कोलाम् से़न्दिक् ले़न्दिक् आमिक्वा ते़रे़रे़ थाप्लो॥ खे़न् आप्फाल्ले़आङ् चक्मे़लॽने़ल्लरो थेआङ्भे़ल्ले़ सिसागे़न् मे़न्छ्या आस्सा इस्राइलरे़ साॽरिक् तुक्खे तुमुआङ् वाॽरो खे़ब्याङ् आमनाहाॽ यम्बा तुक्खेओ मे़ध्ये़आङ् मे़वाॽरो॥
“निङ्वाॽफुमाङ्ङिल्ले़ कुसाम्योनिमो कुसे़वा याःम्बक् चोःक्मारे़ लागि हात् उःत्तुआङ् वाॽबे? तॽइ नाङ्गे़न् पिसाङ्नु हाङ्ङिन् हाःत्ले़ कुसिक्समे़र याःन्दुआङ् वाॽबे? खुने़ॽ इक्सादिङ् खाम्बेःक्मोबा मे़न्छाम् सुवाङ्हाॽ कुयुक्को मे़दार याःन्दुसिरो, हे़क्क्याङ् हाङ्हाॽ खे़ल्ले़ कुबेसाङ् कुयुक्को तारुसिरो॥ खुने़ॽ खे़ङ्हाॽ कुदाभेःल्ले़ खाम्पु थ्यःङ् चोगुसिरो, हे़क्क्याङ् कुलिःल्ले़ सुरिःत्तिल्ले़ फे़सुबा याॽसिप् हे़क्के चोगुसिरो॥
आल्ल आङ्गाॽ आजे़ल्ले़क्सेॽ इक्किन् थे़मा चोगुङ्ॽ, आङ्गाॽ खे़ल्ले़ कुयाःम्बेओ खे़निॽ मे़त्निङ्लो— आङ्गाॽ खे़ॽयो फाङ्मनाआङ् के़बप्पा कुधेःक्माहाॽ हाॽयाक् वयाक् आःक्खुङ्देसुङ्लो, हे़क्क्याङ् खे़न् खाप्पुथ्यःङ् पोङ्लो॥ खे़न् चे़ल्ले़क्सेॽ इक्किन् थेःक्मारे़ लागि से़प्मनाबा लुङ्धाक्हाॽ लुःन्दुङ्देसुङ्लो, खे़म्ब्याङ् खे़न् चे़ल्ले़क्सेॽ इक्किन् चिराक् चिराक् मे़लाःक्तुरो॥
यहवे दाङ्बाए, खे़ने़ॽ के़साक्के़न्निल्ले़ आङ्गाॽ मि हे़क्के थुक्कारो, आल्ल आङ्गाॽ खे़न् थम्माआङ् कप्मा मे़सुक्कान्लो॥” हे़क्क्याङ् यहवे दाङ्बे़ल्ले़ आङ्गाॽ अक्खे मे़त्ताङ्लो, “खे़न् आसिक् पोःक्मान् लाम्मो के़वाॽबा हिन्जाॽबित्छाॽहाॽ हे़क्क्याङ् थाङ्बे़न्हाॽ मे़जुम्बादे़न्नो थासे़ॽओ॥ ये़म्बा नु मेःत्हाॽ के़रे़क् मे़दे़म्सु मे़देॽरुसिरो, कुधे़गेक् के़भुप्पा काप्पोबाआङ् मे़ल्ले़रुन्छिन्लो॥
कात्च्यान् खिनिॽ याङाम्मे़ॽओ, थेआङ्भे़ल्ले़ चासुम्मा ये़म् पोःक्खे़चुरे़आङ् ने़रो॥ त्ये़म्मे़ॽओ, चे़ल्ले़क्सेॽहाॽ तोॽरे़म्मे़ॽओ, थेआङ्भे़ल्ले़ चे़ल्ले़क्सेॽ एःप्मादे़न्निन् तिम्से़आङ् ने़रो॥ हे़क्क्याङ् कुःन्दाहाॽ तिम्से़आङ् वे़प्पेःक्ल पत्लो, थेआङ्भे़ल्ले़ खे़ङ्हाॽरे़ खुन्छिॽ फे़न्याःम्बक्किन् साॽरिक् इःत्ते़रो॥”
माराम् माराम्हाॽओबा खाम्हिःक्को काप्पोबा नु थाङ्बे़न् मनाहाॽ ले़रे़म्भे़ना मे़जोःन्दे़आङ् मे़ने़रो॥ थाङ्बे़न् नु मे़न्छ्या आमनाहाॽ ताभेःल्ले़ मे़सोःन्दुसिआङ् ने़रो के़सिक् पोगे़बा ये़न्नो आदाङ्बारे़ खे़ङ्हाॽ के़स्ये़रुसिआङ् वाॽरो, लुङ्माॽ स्याःत् मे़ल्लॽए खे़ङ्हाॽ के़स्ये़रुसिआङ् वाॽरो॥
Piblisite