आङ्गाॽ सेगुङ्सिङ्बा आमनाहाॽनु आयाक् ले़ॽरे़आङ् वयाङ्लो, हे़क्क्याङ् आङ्गाॽ खे़ङ्हाॽ आबाङे आमना हे़क्के नुरिक् मे़म्मे़प्पासिरो॥ आङ्गाॽ खे़ङ्हाॽ खे़ने़ॽ के़हुक्को थासुङ्सिङ्लो, कर खे़ङ्हाॽ खे़ने़ॽ लुङ्माॽ के़न्दुक्तुसिल्लो॥ काप्पोबा काप्मुमाहाॽआङ् खे़ने़ॽ साॽरिक् के़लिःप्पा के़गक्किन् के़गुःत्तुसिरो॥
मे़रिङ् साप्पन् 1:14 - लिम्बु14 “आङ्गाॽ आलायोहाॽ लत्छा खे़ःप्सिङ्ङो इघेःक्खुआङ् पत्लो, खुने़ॽ कुहुक्किल्ले़ खे़ङ्हाॽ इघेःक्खुरो, खे़न् आङ्गाॽ आभक्ताङ्ङो मे़भत्छुआङ् पत्लो, यहवे दाङ्बे़ल्ले़ आङ्गाॽ आधुम्मे़न् युम्सुआङ् वाॽरो॥ खुने़ॽ आनिङ्मिहाॽरे़ खुन्छिॽ हुक्को थासाङ्लो, खे़ङ्हाॽनु आङ्गाॽ थक्मा मे़सुक्कान्लो॥ Gade chapit la |
मे़रिङ् साप्पन् 1:14
21 Referans Kwoze
कल्ले़चोगुल्ले़ साक्मे़न्जा, वमे़न्धुङ्, ले़क्चाॽ नु के़रे़क् पाःन्हाॽरे़ कुहोःप्मा कुसाक्मो के़ध्ये़ॽइआङ् यहवे दाङ्बे़ल्ले़ खिनिॽ तक्ले़ङ्वाओ पाङ्घु तासुसिबा निङ्मिहाॽ याःम्बक् के़जोगुम् के़बिरुम्सिम्ॽ॥ खुने़ॽ खिनिॽ खाप्पुथ्यःङ् के़म्मे़क्खिन्ल थारिक् खिनिॽ फक्ताङ्ङो फे़न्जेॽ खे़ःप्सिङ्ङिन् फत्छु के़बिरिॽ॥
खासे़न् चोःक्मा आहुक्किल्ले़ आङ्गाॽ खिनिॽ साःम्निङ्ॽ॥ नाप्मनाबा चिगक्वा कुइसिक् आङ्गाॽ यरिक् मे़न्छाम् सुवाङ्हाॽरे़ खुन्छिॽ हुक्को थानिङ्ॽ॥ सुवाङ् पोङ्मालाम् आङ्गाॽ खिनिॽ मिङ् खक्तुङ् पिनिङ्ॽ हे़क्क्याङ् आङ्गाॽ खिनिॽ वरे़ङ्ले़ङ् मे़ङ्निङ्ॽ॥ खम्भ्याङ् आङ्गाॽए यहवे दाङ्बाआ फाॽआङ् खिनिॽ निङ्वाॽ के़घोसुम्लो॥”
आङ्गाॽ नाङ्गे़न् पिसाङ् मुरे़क् खारे़क्पा ये़ःङ्घादे़न्नो ताक्के़गम्बाआङ् के़वाॽबाहाॽरे़ खिनिॽ लाजेन् मे़लाःक्तु मे़सॽरुर याःन्दुङ्सिङ्ॽ॥ खे़ङ्हाॽरे़ खिनिॽ लुम्मो खुन्छिॽ थक्सुबा तुराहिम्हाॽ मे़घिङ्घुॽ हे़क्क्याङ् खिनिॽ लाजेॽओ खे़ङ्हाॽरे़ खुन्छिॽ साःङ्गाहिम्हाॽ मे़लेःत्तुॽ॥ खे़ङ्हाॽरे़ खिनिॽ सिङ्सेॽहाॽ मे़दुबु खम्भ्याङ् खिनिॽ थक्साहाॽलाम् पित्नुन् मे़धुङुॽ॥
आङ्गाॽ मुक्साम्दाङ्बा यहवे दाङ्बा इस्राइलबा निङ्वाॽफुमाङ्ङिल्ले़ पाःत्तुङ्ॽ, कन् के़रे़क् मे़न्छाम् सुवाङ्हाॽ फे़न्जेॽ खे़ःप्सिङ्ङिन् कुःत्तुङ्सिङ् हे़क्क्याङ् कङ्हाॽरे़ बेबिलोनबा नबुकदनेसर हाङ्ङिल्ले़ कुयाःम्बक् मे़जोगुर याःन्दुङ्सिङ्ॽ, आङ्गाॽ ताम्भुङ्ङोबा थक्साहाॽआङ् खुने़ॽ कुयुक्को वाॽमा पाङ्घुङ्सिङ्॥’”
थेआङ्भे़ल्ले़ आङ्गाॽ एफ्राइमरे़ कुलागि खिरिङ्बा नु यहुदाःल्ले़ कुहिम्सयङ्ङिल्ले़ लागि यम्बा खिरिङ्बा हे़क्तङ्बा पोङ्ङारो॥ आङ्गाॽए खे़ङ्हाॽ ताराक् ताराक् साःक्सुङ्सिङ्लो खम्भ्याङ् आङ्गाॽ आलाम्मो थासिङ्ङारो, आङ्गाॽ खे़ङ्हाॽ पक्खुङ् तेॽरुङ्सिङ्लो हे़क्क्याङ् खे़ङ्हाॽ के़से़ःप्पा हाःत्ताङ् मे़होप्लो॥
ताःन्दि सिदकियाह हाङ्ङिल्ले़ खुने़ॽ कुउःत्छे़ मना पाङ्घुसि हे़क्क्याङ् हाङ्हिम्मो तेॽरुआङ् हाङ्हिम्मोबा हाःत्ताङ् के़होप्पादे़न्नो खुने़ॽ पान् सेःन्दोसु, “थे यहवे दाङ्बालाम् कुभा इङ्घङ्हाॽ खे़ने़ॽ पाःप्मा के़गत्तुबि?” यर्मियाःल्ले़ मे़त्तु, “ओरो, आङ्गाॽ पाःप्मा कत्तुङ्ॽ! बेबिलोनबा हाङ्ङिल्ले़ खे़ने़ॽ के़दे़म्ॽ॥”
कर कुभा मे़न्छाम् सुवाङ् इग्र हाङ्जुम्मिल्ले़ कुघे़ःप्सिङ्ङिन् पङ्मा इग्र कुयुक्को वाॽमा निङ्वाॽ मे़जोगुन्ने़भग्र खे़न् नबुकदनेसरे़ल्ले़ हदॽ मे़मे़क्खुन्ल थारिक् आङ्गाॽ खे़न् मे़न्छाम् सुवाङ्ङो थङ्, साक्वान् हे़क्क्याङ् मिङ्देॽ तारुङ्ङाङ् खुम्दिङ् पिरुङ्ॽ, यहवे दाङ्बे़ल्ले़ पाःत्तुॽ॥
थो पिसाङ्बा के़रे़क् मे़न्छाम् सुवाङ्हाॽ नु बेबिलोनबा हाङ् आसे़वारोबा नबुकदनेसरे़ल्ले़ कुउःत्छे़ आङ्गाॽ पाङ्घुङ्सिङ्ल पत्ता॥ कन् लाजेन् नु कप्मोबा यक्युङ्बाहाॽ हे़क्क्याङ् हिम्बेसाङ्बा वेॽ के़रे़क् मे़न्छाम् सुवाङ्हाॽनु थङ् चोःक्मारे़ लागि आङ्गाॽ खे़ङ्हाॽ तारुसिङ्ल पत्ता॥ कन् मे़न्छाम् सुवाङ्ङिन् नु कल्ले़ कुहिम्बेसाङ्बा मे़न्छाम् सुवाङ्हाॽ आङ्गाॽ मे़क्खुङ्सिङ्ॽ हे़क्क्याङ् खाप्पुथ्यःङ् चोगुङ्सिङ्ङाङ् ले़रुङ्सिङ्ॽ, खे़न् मे़निसुआङ् खे़प्मोलाम्बा लाङ्गे़घेःक्पाहाॽ के़रे़क् चिजिङ् यङ्मा मे़सिरो, हे़क्क्याङ् खे़न् ये़क्यक्किन् कुनामे़न्छाॽ मे़प्मा चाहाक् चोगुङ्ॽ॥ आङ्गाॽ यहवे दाङ्बान् पाराङ्ङाङ् वाॽ॥
कल्ले़चोगुल्ले़ यहवे दाङ्बे़ल्ले़ खे़ङ्हाॽ अक्खे मे़त्तुसिरो, “आङ्गाॽ कन् मनाहाॽरे़ खुन्छिॽ लागि अक्तङ्बा मे़क्मासिमा निङ्सेक् चोगुङ्ल वाॽआरो, खे़न् लाम्बा खिनिॽ हिङ्मा के़न्छुक्तिन्लो॥ खिनिॽ आङ्दिङ्ङाङ् लाङ्घेःक्मा के़न्याःन्दुम्मिन्लो, थेआङ्भे़ल्ले़ खे़न् लत्छा ये़त्तुक्खेबा ये़म् पोङ्लो॥
Piblisite