मे़रिङ् साप्पन् 1:1 - लिम्बु1 आयाक्को मनाहाॽरे़ थिक्ले़ङ् सधे़क् मे़धिम्सुआङ् के़ने़बा ये़क्यक्किन्, आल्ल आभेलॽरिक् चिजि खक्खक् पोःक्खे़आङ् ने़बे! खे़ङ्ग मेमेदुमा हे़क्तङ्मा पोःक्खे़आङ् ने़रो, खे़न् थिक्ले़ङ् मे़न्छाम् सुवाङ्हाॽओ पयम् यम्मा हे़क्क्याङ् ते़ङ्गप्हाॽओ हाङ्सामा हे़क्तङ्मा ने़स्से़रो, आल्ल खे़न् योःग्माओ के़धामा ये़क्यक् पोःक्खे़आङ् ने़रो॥ Gade chapit la |
मे़रिङ् साप्पन् 1:1
38 Referans Kwoze
“मे़गिसे़न्ने़ॽ, खे़ने़ॽ सिरिङ्ममो थामा मे़बोङ्ने़ल्लो, कुनामे़न्छाॽ के़म्मे़त्ते़ल्ले़ मे़ङ्गिओ, खे़ने़ॽ चुक्मा के़म्बोङ्ने़ल्लो॥ खे़ने़ॽ के़वे़न्ने़ल्ले़बा नुःम्मे़न् निङ्वाॽ के़भेःत्छुरो, हे़क्क्याङ् मेमेदुमा के़बोःक्खे़बा इङ्दोन् खे़ने़ॽ याम्मो आभे़ल्ले़आङ् निङ्वाॽ के़न्इःत्तुल्लो॥
कङ्ग आम्भा खे़प्मो कुमिङ् के़इङ्बाआङ् के़ने़बा ये़क्यक्किन्लो खे़ल्ले़ कुनिङ्वाओ अक्खेलॽरिक् पाःत्तुआङ् वये़रो, “आङ्गाॽ पयम् यम्बा, आङ्गाॽनुःल्ले़ वेॽ हाःत्ताङ् होप्लो॥” खे़न् आक्तङ्बा चिजि खक्खक्पादे़न् पोःक्खे़बे, ताम्भुङ् थक्साहाॽरे़ खुन्छिॽ लुङ्फुक्कु पोःक्खे़रो॥ खे़त्नालाम् के़बोङ्बाआङ् के़बेःक्पा के़रे़क्ले़ कुनामे़न्छाॽ मे़मे़त्तुर खुन्छिॽ हुक्चोःक्किल्ले़ मे़सोःक्तुरो॥
के़रे़क् वागप्खेःङ्हाॽओ नु वरःङ्ङिल्ले़ कुयाहाॽओबा के़रे़क् युक्साबाहाॽ खुन्छिॽ हाङ्युक्नाहाॽओलाम् यो मे़धासिङ् मे़युरो हे़क्क्याङ् खे़ङ्हाॽरे़ खुन्छिॽ हाङ्लगेःत्हाॽ नु चाङ्हाॽ मे़भे़न्दुरो॥ खे़ने़ॽ के़मे़क्किल्ले़ खे़ङ्हाॽ यङ्मा मे़सिआङ् थे़गक्कक्ना मे़यङ्ल खाम्बाङ्ङो मे़युङ्सिङ्ॽ॥
सियोनरे़ कुस्सा मे़न्छुमाःल्ले़ कुलाम्लोबाहाॽ मे़म्बाःत्ते स्वाःत्ताङ् खाम्बाङ्ङो हर्जुॽ मे़युङ्लो॥ खे़ङ्हाॽरे़ खुन्छिॽ थे़गेःक्को खाम्हिःक्किन् मे़जुःत्तुआङ् याक्लो हे़क्क्याङ् खे़ङ्हाॽरे़ सगितेत् मे़जाक्खुआङ् मे़वाॽरो॥ यरुसले़ःम्बा मे़न्छ्याहाॽरे़ खुन्छिॽ थे़गेःक्हाॽ खाम्बाङ्ङो थारिक् अःक्खुम् मे़भत्छुआङ् वाॽरो॥
आयाक्को यहवे दाङ्बे़ल्ले़ कुसिक् पोःक्मो सियोनरे़ कुस्सा मे़न्छुमान् माक्सिःङ्ग्याःप्पा खामाक्मे़ल्ले़ सुःप्तुआङ् पत्लो! इस्राइलरे़ कुहाङ्वा कुमाङ्वान् खुने़ॽ ताङ्साङ्बोलाम् इक्सादिङ् खाम्बेःक्मो मक्थाःन्दुआङ् वाॽरो॥ खुने़ॽ कुसिक् पोगे़बा ये़न्नो आप्फेक् कुलाङ्तोॽभेत् सियोने़न्नाङ् खुने़ॽ निङ्वाॽ इःत्तुबा होप्लो॥
बेबिलोनबाहाॽरे़ खिनिॽ हान्ति के़मे़न्जोगिन् फाॽआङ् गदल्याहरे़ माङ्हे़क्सिङ्ङाङ् खे़ङ्हाॽ मे़त्तुसि॥ खुने़ॽ माङ्हुप् चोगुआङ् मे़त्तुसि, “खे़ङ्हाॽरे़ खुन्छिॽ से़वा याःम्बक् चोःक्मा खिनिॽ मे़गिसे़म्मिन्ने़ॽ॥ कन् लाजेॽओ युङे़म्मे़ॽआङ् बेबिलोनबा हाङ्ङिल्ले़ कुसे़वा याःम्बक् चोगे़म्मे़ॽ हे़क्क्याङ् के़रे़क् पाःन्नो खिनिॽ नुॽमा तामा पोङ्ॽ॥
कोःक्मा फाङ्जङ्हाॽओ सुनाइङ् के़से़बाहाॽरे़ खुन्छिॽ लाङ्हाॽ साॽरिक् के़घे़म्सिङ्बा चोक्लो, खे़ङ्हाॽरे़ सुनाइङ् इङ्मे़भोसुरो, खे़ङ्हाॽरे़ सनारुङ् उवा मे़जोगुरो॥ खे़ङ्हाॽरे़ से़न्लप् खोमा पाःन्हाॽ उवा मे़जोगुरो, खुने़ॽ सियोनबा मनाहाॽ मे़त्तुसिरो, “खे़निॽ निङ्वाॽफुमाङ्ङिल्ले़ हाङ्युक् चोगुरो॥”
आनिगे लायो चोगुम्बे़ल्ले़ आनिगे सम्धाङ् युक् चोःक्मा के़बाङ्घुसिबा हाङ्हाॽओ, आनिगे लाजेॽओ के़धोःक्पा के़रे़क् कुजाहाॽ पेःक्लो॥ खे़ङ्हाॽरे़ आबाङे खुनिॽ निङ्वाॽ हे़क्के आनिगे नु आनिगे थक्साहाॽओ खुनिॽ निङ्वाॽ थाप्थाप् मे़जोगुरो हे़क्क्याङ् यम्बा ये़त्तुक्खेओ आनिगे थ्ये़ॽइगे़आङ् यागिगे़रो!”
खे़ब्याङ् खे़ने़ॽ के़निङ्वाॽओ अक्खे के़बाःत्तुरो, ‘कन्हाॽ आङ्गाॽ आलागि हाःत्ले़ सावाःन्दुसिबे? आङ्गाॽग के़से़मा, कुस्सा के़होःप्मा, वेॽ लाजेॽओ मे़लःत्ताङ् मे़देसाङ् हे़क्क्याङ् मे़नाॽराङ्ङाङ् वयाङ्लो॥ कन्हाॽ आङ्गाॽ आलागि हाःत्ले़ हिङ्घुसि पिराङ्बे? आङ्गाॽग ए़क्लेःक् मे़ले़राङ् मे़देसाङ्ङाङ् वयाङ्लो, कर कन्हाॽ आत्तिलाम् मे़द्ये़बे?’”
यहवे दाङ्बे़ल्ले़ अक्खे पाःत्तुॽ, “मे़न्छाम् सुवाङ्हाॽओ के़रे़क्नुःल्ले़ यम्बा इस्राइल सुवाङ्ले़ लागि सःप्मा से़वासाम्लोन् साम्मे़त्ते़म्मे़ॽओ॥ खिनिॽ अक्खेलॽरिक् आबाङे नाराफोमा से़वासाम्लोन् साम्मे़त्ते़म्मे़ॽओ, ‘यहवे दाङ्बाए, इस्राइलबा के़हिङ्बा के़याःक्पा खे़ने़ॽ के़मनाहाॽ ताङ्से़ःप्ते़से़ॽओ॥’
“नासिगे़न् थक्ला के़गप्पा मे़न्छाम् याप्मिए, यरुसले़ःम्मिन् खाप्पुथ्यःङ् पोःक्खे़ल्ले़ तुरोसे़न् कुनिङ्वाॽ त्ये़आङ् सःत्ते़आङ् वाॽ, खे़ल्ले़ पाःत्तुॽ, ‘हाहो, खे़न् याङ्साकुन्धेसाबा ले़ङ्हङ् चोःक्मा यम्बा लाम्धेःत्तिन् लुःन्दे़आङ् ने़रो, हे़क्क्याङ् आङ्गाॽग लक्खोमाआरो! खे़न् चिजि खक्खक् मे़जोगुआङ् ने़बाल्ले़ चोगुल्ले़, आङ्गाॽ याङ्सा कुन्धेसामा पोङ्ङारो!’
Piblisite