यहोसु 9:24 - लिम्‍बु

²⁴ खे़ङ्‌हाॽरे़ यहोसुन् मे़मे़त्तु, “यहवे दाङ्‌बा खे़ने़ॽ के़निङ्‌वाॽफुमाङ्‌ङिल्‍ले़ कुसे़वारोबा मोसान् पिरुबा कन् लाजेन् के़रे़क् खिनिॽ पिमा नु कन् लाजेॽओ के़युङ्‌बाहाॽ के़रे़क् मे़ङ्‌मासि इङ्‌जाङ् पिरुबा पाःन्‍निन् खे़ने़ॽ के़योःग्‍बाहाॽ नुरिक्‍काङ् मे़मे़त्तिगे़आङ् वये़॥ कल्‍ले़चोगुल्‍ले़ साॽरिक् किसिगे़आङ् आनिगे हिङ्‌मन् से़ःप्‍मारे़ लागि अक्‍खे चोगुम्‍बे़बारो॥

यहोसु 9:24 Referans Kwoze

मत्ति 10:28

नासिङ्‌गे़न् थक्‍किन् के़से़प्‍पाहाॽनु खिनिॽ मे़गिसे़म्‍मिन्‍ने़ॽओ, थेआङ्‌भे़ल्‍ले़ खे़ङ्‌हाॽरे़ खिनिॽ याम्‍साम्‍मिन् से़प्‍मा मे़न्‍छुक्‍तुन्‍लो॥ कर नासिङ्‌गे़न् थक्‍किन् नु याम्‍साम्‍मिन् ने़प्‍माङ् खे़मायङ्‌सङ्‌ङो मे़ङ्‌मा के़सुक्‍पा निङ्‌वाॽफुमाङ्‌ङिन्‍नु किसे़म्‍मे़ॽओ॥

अयुब 2:4

माफे़न्‍साम्‍मिल्‍ले़ नुगप् पिरु, “होरिक्‍पाल्‍ले़ कुले़क्‌वा होरिक्‍पा! मनाःल्‍ले़ आबाङे कुहिङ्‌मन्‍निन् से़ःप्‍मारे़ लागि खुने़ॽ कत्तुबा के़रे़क् पाःन्‍हाॽ ले़रुदेसु॥

यहोसु 9:9

खे़ङ्‌हाॽरे़ खुने़ॽ मे़मे़त्तु, “खे़ने़ॽ के़योःग्‍बाहाॽ यरिक् माःङ्‌घाबा लाजेॽलाम् यहवे दाङ्‌बा खे़ने़ॽ के़निङ्‌वाॽफुमाङ्‌ङिल्‍ले़ कुमिङ्‌ङिन् खे़प्‍सुम्‍बे़आङ् आनिगे त्‍ये़ॽइगे़बारो, थेआङ्‌भे़ल्‍ले़ खुने़ॽ के़इङ्‌बा कुमिङ्‌ङिन् नु मिस्र लाजेॽओ चोगुबा याःम्‍बक्‍हाॽ आनिगे खे़प्‍सुम्‍बे़आङ् वयिगे़,

यहोसु 2:9

हे़क्‍क्‍याङ् खुने़ॽ खे़न् मनाहाॽ मे़त्तुसि, “कन् लाजेन् यहवे दाङ्‌बे़ल्‍ले़ खिनिॽ के़बिरिआङ् ने़रो फाॽआङ् आङ्‌गाॽ निसुङ्‌ॽ, खे़ब्‍याङ् आनिगे लुम्‍मो खे़निॽ के़जोगुम्‍बाल्‍ले़ चोगुल्‍ले़ साॽरिक् किमा यङ्‌मा पोःक्‍खे़आङ् वाॽ, हे़क्‍क्‍याङ् कॽयो के़युङ्‌बा मनाहाॽ खिनिॽ के़म्‍गिरिआङ् यङ्‌मा मे़हेःक्‍ते़आङ् मे़वाॽ॥

यहोसु 2:11

कन् खे़प्‍सुम्‍बे़नुमे़ःन्‍ने आनिगे किसिगे़ हे़क्‍क्‍याङ् खिनिॽ के़जोगुम्‍बाल्‍ले़ चोगुल्‍ले़ आनिगे आत्तिन्‍हाॽरे़आङ् आःन्‍छिङ्‌मा मे़सुक्‍तिगे़न्, थेआङ्‌भे़ल्‍ले़ यहवे दाङ्‌बा खिनिॽ निङ्‌वाॽफुमाङ्‌ङिन्‍ने थाःङ् साङ्‌ग्राम्‍पेदाङ्‌ङो नु मु इक्‍सादिङ् खाम्‍बेःक्‍मोबा निङ्‌वाॽफुमाङ्‌लो॥

यहोसु 6:21

खे़ब्‍याङ् खे़ङ्‌हाॽरे़ खे़न् ये़क्‌यक्‍किन् खाप्‍पुथ्‍यःङ् मे़जोगुआङ् यहवे दाङ्‌बाओ मे़दोन्‍दु, हे़क्‍क्‍याङ् ये़क्‌यक्‍को के़वाॽबा ये़म्‍बित्‍छाहाॽ, मे़न्‍छुमाहाॽ, थाङ्‌बे़न्‍हाॽ, काप्‍पो तुम्‍साहाॽ, खम्‍भ्‍याङ् पित्‍हाॽ, मे़ल्‍लुक्‍हाॽ नु अदङ्‌हाॽ ताभेःल्‍ले़ के़रे़क् मे़से़रुसि॥

यहोसु 10:2

खुने़ॽ नु कुमनाहाॽ साॽरिक् मे़गिसे़, थेआङ्‌भे़ल्‍ले़ गिबोने़न् लत्‍छा यम्‍बा ये़क्‌यक् ने़स्‍से़, हाङ्‌युक्‍ना ये़क्‌यक् हे़क्‍के खे़न् ऐ ये़क्‌यक्‍किन्‍नुःल्‍ले़आङ् यम्‍बा चोगे़ हे़क्‍क्‍याङ् खे़प्‍मोबा के़रे़क् मनाहाॽ मुक्‍के़गुबा मे़जोगे़॥