यहोसु 9:19 - लिम्‍बु

¹⁹ कर के़रे़क् लाम्‍लोबाहाॽरे़ सङ्‌जुम्‍भोबा मनाहाॽ मे़मे़त्तुसि, “आनिगे खे़ङ्‌हाॽनु यहवे दाङ्‌बा इस्राइलबा निङ्‌वाॽफुमाङ्‌ङो माङ्‌हे़क् चोगुम्‍बे़आङ् वाॽ॥ कल्‍ले़चोगुल्‍ले़ आनिगे खे़ङ्‌हाॽ सुमा मे़सुक्‍तुम्‍सिम्‍बे़न्‌ॽ॥

यहोसु 9:19 Referans Kwoze

खाहुन्‍साबा 8:2

आङ्‌गाॽ पाःत्तुङ्‌ॽ, हाङ्‌ङिल्‍ले़ कुइङ्‌जाङ्‌ङिन् चोगे़ॽ, खे़न् चोगे़ॽ, थेआङ्‌भे़ल्‍ले़ खे़ने़ॽ निङ्‌वाॽफुमाङ्‌ङिल्‍ले़ कुदगि माङ्‌हे़क् के़जोगुआङ् के़वाॽ॥

यर्मिया 4:2

खिनिॽ से़क्‍खाओ, खासे़न्‍नो हे़क्‍क्‍याङ् साम्‌योबा कुदोःप्‍मा लाम्‍मो ‘से़क्‍खाए यहवे दाङ्‌बे़न् कुहिङ्‌वे़त् वाॽबा कुइसिक्’ माङ्‌गे़हे़क्‍कासिने़भग्र वेॽ मना सुवाङ्‌हाॽरे़ खुने़ॽलाम्‍बा हाङ्‌वामुॽइ मे़घोसुरो हे़क्‍क्‍याङ् खुने़ॽओए खे़ङ्‌हाॽ मिमिदिङ् मे़जोक्‍लो॥”

खाहुन्‍साबा 9:2

खे़ल्‍ले़ थेआङ् एॽए मे़से़न्‍दुन्॥ साम्‌योबा नु लायोबा, नुबा नु ताप्‍फे़ःम्‍बा, सुत्‍थो नु आसुत्‍थो सिदुङ्‌जभा के़दोम्‍बा मना नु मे़न्‍दोःम्‍मनाबा के़रे़क् तॽयाःन्‍निन् लत्‍छा परिक्‍पा चोक्‍लो, लायोबान्‍नुःल्‍ले़ नुबा मनाःल्‍ले़ कुलागि थेआङ् इन्‍धा होप्‍लो, माङ्‌हे़क् मे़न्‍जोःक्‍मनाबान्‍नुःल्‍ले़ के़जोःक्‍पाल्‍ले़ कुलागि कुजक् थेआङ् होप्‍लो॥

यहोसु 9:20

आनिॽ अक्‍खेए चोःक्‍मा पोङ्‌ॽ—आनिॽ खे़ङ्‌हाॽ कुहिङ्‌वे़त्ते ले़प्‍मासि पोङ्‌ॽ, मेःन्‍ने़भग्र आनिॽ आजोगुम्‍बा माङ्‌हे़क्‍किल्‍ले़ चोगुल्‍ले़ निङ्‌वाॽफुमाङ्‌ङिल्‍ले़ कुसाक्‍के़न्‍निन् आनिॽ सम्‍धाङ् थारो॥

यहोसु 9:18

इस्राइलिहाॽ खे़ङ्‌हाॽनु मे़न्‍धक्‍ते़न्, थेआङ्‌भे़ल्‍ले़ सङ्‌जुम्‍भोबा लाम्‍लोबाहाॽरे़ खे़ङ्‌हाॽनु यहवे दाङ्‌बा इस्राइलबा निङ्‌वाॽफुमाङ्‌ङो माङ्‌हे़क् मे़जोगुआङ् वये़॥ के़रे़क् सङ्‌जुम्‍भोहाॽ लाम्‍लोबाहाॽरे़ खुन्‍छिॽ तक्‍ले़ङ्‌वाओ मने़धिक्‍मा मे़हेःक्‍ते़॥