Biblia Todo Logo
Bib sou entènèt

- Piblisite -




यहोसु 8:8 - लिम्‍बु

8 ये़क्‌यक्‍किन् हुक्‍काप् के़जोगुम्‍मिल्‍ले़ खिनिॽ खे़प्‍मो मि याक्‍ते़म्‍मे़ॽ॥ यहवे दाङ्‌बे़ल्‍ले़ कुबाःन्‍जाक् इसिःक् खिनिॽ चोगे़म्‍मे़ॽ॥ ओमे़त्ते़म्‍मे़ॽ, आङ्‌गाॽ खिनिॽ कन् इङ्‌जाङ्‌हाॽ पिनिङ्‌ङाङ् वाॽ॥”

Gade chapit la Kopi




यहोसु 8:8
12 Referans Kwoze  

अब्‍सालोमरे़ कुमनाहाॽ अक्‍तङ्‌बा इङ्‌जाङ् पिरुसि, “खे़प्‍से़म्‍मे़ॽ, अमनोने़न् सेजङ्‌वाःल्‍ले़ मयुॽ, हे़क्‍क्‍याङ् आङ्‌गाॽ ‘अमनोने़न् थगे़म्‍मे़ॽ’ मे़त्‍निङ्‌ङिल्‍ले़ खे़न् से़रे़म्‍मे़ॽ॥ मे़गिसे़म्‍मिन्‍ने़ॽ॥ कङ्‌ग आङ्‌गाॽ आइङ्‌जाङ्‌लो॥ थधप् मे़ल्‍लॽए हाङ्‌हाङ् लॽरे़म्‍मे़ॽ॥”


हे़क्‍क्‍याङ् खे़ङ्‌हाॽरे़ यहोसुन् अक्‍खेलॽरिक् नोगप् मे़बिरु, “खे़ने़ॽ आनिगे आगे़बिबा के़रे़क् इङ्‌जाङ्‌हाॽ चोगुम्‍बे़ॽ, खे़ब्‍याङ् खे़ने़ॽ आनिगे आत्ति आत्ति याप्‍मि के़बाङ्, खे़प्‍मो आनिगे पेगिगे़ॽ॥


खे़ने़ॽ के़धुम्‍बा नु साॽरिक् हाङ्‌हाङ् के़लॽबा पोःक्‍खे़ फाॽआङ् आङ्‌गाॽ इङ्‌जाङ् पिने़आङ् वाॽ, मे़गिसे़न्‍ने़ॽ, यङ्‌मा मे़स्‍ये़न्‍ने़ॽ, थेआङ्‌भे़ल्‍ले़ खे़ने़ॽ आत्ति के़बेःक्‍साङ्, यहवे दाङ्‌बा खे़ने़ॽ के़निङ्‌वाॽफुमाङ्‌ङिन्, खे़ने़ॽनु वाॽरो॥”


खुने़ॽ नप्‍तालिबा केदेसलाम् अबिनोअमरे़ कुस्‍सा बाराके़न् उःप्‍मा पाङ्‌घुसिआङ् खुने़ॽ खे़न् मे़त्तु, “यहवे दाङ्‌बा इस्राइलबा निङ्‌वाॽफुमाङ्‌ङिल्‍ले़ कुइङ्‌जाङ् अक्‍तङ्‌बा वाॽ—‘खे़ने़ॽ पेगे़ॽआङ् नप्‍तालि नु जबुलुनबा थिबोङ् हे़न्‍छिङ् मनाहाॽ फुक्‍खे़से़ॽ हे़क्‍क्‍याङ् खे़ङ्‌हाॽ खे़ने़ॽनु सोरिक् तबोर कोःक्‍माओ तेॽरे़से़ॽ॥


कम्‍भलॽरिक् यहोसुःल्‍ले़ ऐ ये़क्‌यक्‍किन् खाप्‍पुथ्‍यःङ् मिधिक्‍खुआङ् के़लुम्‍सिङ्‌बाआङ् के़ने़बा चोगु, खे़न् हाबा आइन् थारिक्‍काङ् ने़रो॥


खे़ब्‍याङ् खे़ङ्‌हाॽरे़ खे़न् ये़क्‌यक्‍को के़वाॽबा के़रे़क् पाःन्‍हाॽ मिमे़धिक्‍खु मे़देसु, कर साम्‍म्‍याङ्, युप्‍पा हे़क्‍क्‍याङ् कासा नु फे़न्‍जेॽ खप्‍प्‍याहाॽरक् यहवे दाङ्‌बे़ल्‍ले़ कुसामा युङ्‌दे़न्‍नो खे़ङ्‌हाॽरे़ मे़युक्‍खु॥


कर यहवे दाङ्‌बा खिनिॽ निङ्‌वाॽफुमाङ्‌ङिल्‍ले़ खिनिॽ लक्‍खोमा कुइसिक् खिनिॽ पिमा के़इःत्तिबा कन् सुवाङ्‌हाॽरे़ खुन्‍छिॽ ये़क्‌यक्‍हाॽओ चाए कुसक्‍मा के़याक्‍पा थे़माःन्‍नाङ् कुहिङ्‌वे़त् मे़ले़रे़म्‍मिन्‍ने़ॽ॥


खे़ने़ॽ यरिहोन् नु खे़प्‍मोबा हाङ्‌ङिन् आक्‍खे के़जोगुआङ् वये़, ऐ ये़क्‌यक्‍किन् नु खे़प्‍मोबा हाङ्‌ङिन्‍नाङ् हे़क्‍केए के़जोगुॽ, कर खे़प्‍मोबा याङ्‌साकुन्‍धेहाॽ नु खे़प्‍मोबा थक्‍साहाॽरक् खिनिॽ आप्‍फेक् लागि तेॽमा के़सुक्‍तुम्‌ॽ॥ खे़न् ये़क्‌यक्‍किन् कुएगाङ् ले़प्‍माङ् सुगे़म्‍मे़ॽआङ् युङे़म्‍मे़ॽ॥”


खे़ब्‍याङ् खिनिॽ के़सुगुम्‍सिम्‍माङ् के़युङ्‌ङिबा ते़न्‍नोलाम् पोगे़म्‍मे़ॽआङ् खे़न् ये़क्‌यक्‍किन् हुक्‍काप् चोगे़म्‍मे़ॽ, थेआङ्‌भे़ल्‍ले़ यहवे दाङ्‌बा खिनिॽ निङ्‌वाॽफुमाङ्‌ङिल्‍ले़ खिनिॽ हुक्‍को खे़न् हुक्‍के़सुःप्‍तिॽ॥


कम्‍भलॽरिक् यहोसुःल्‍ले़ खे़ङ्‌हाॽ पाङ्‌घुसि, हे़क्‍क्‍याङ् खे़ङ्‌हाॽ मे़बेआङ् ऐ ये़क्‌यक् नाम्‍धा ले़प्‍माङ् बेथेल नु ऐ ये़क्‌यक्‍किल्‍ले़ कुलुम्‍मो मे़सुगुसिआङ् मे़युङे़॥ कर यहोसुन् खे़न् से़न्‍दिक् साःङ्‌गाहिम्‍मोए युङे़॥


ये़क्‌यक्‍को के़गे़प्‍पा इस्राइलिहाॽआङ् ऐबा मनाहाॽ फप्‍मासिरे़ लागि ये़क्‌यक्‍लाम् मे़लःन्‍दे़ मे़भे़रे़॥ कम्‍भलॽरिक् कुभा कत्‍नाहाङ् ले़प्‍माङ्‌लाम् नु कुभा नाहाङ् ले़प्‍माङ्‌लाम् मे़बोःक्‍खे़आङ् ऐबा मनाहाॽ इस्राइलिहाॽरे़ खुन्‍छिॽ लुम्‍मो मे़जुक्‍ते़, हे़क्‍क्‍याङ् इस्राइलिहाॽरे़ खे़ङ्‌हाॽ लत्‍छाआङ् पिम्‍मा नु हिङ्‌मा मे़ङ्‌घोए मे़से़रुसि॥


थङ् चोःक्‍मारे़ लागि यम्‍बा साःङ्‌गाहिम्‍मो यारिप् मे़जोगुसिबा थक्‍सुबा थाङ्‌गे़त् ले़प्‍माङ् मे़युक्‍खुसि हे़क्‍क्‍याङ् वेॽ थक्‍सुबाहाॽ ये़क्‌यक्‍लाम् नाम्‍धा ले़प्‍माङ् युङ्‌मा मे़बाङ्‌घुसि॥ यहोसुन् चैँ ने़ने़बादे़न्‍नोए नाम्‍दाःत्तात् युङे़॥


Swiv nou:

Piblisite


Piblisite