यहोसु 8:4 - लिम्बु4 खुने़ॽ खे़ङ्हाॽ अक्खे मे़त्तुसिआङ् इङ्जाङ् पिरुसि, “ओमे़त्ते़म्मे़ॽ, खिनिॽ कन् ये़क्यक्किल्ले़ कुएगाङ् ले़प्माङ् सुगे़म्मे़ॽआङ् युङे़म्मे़ॽ॥ ये़क्यक्लाम् माःङ्घा मे़बेगे़म्मिन्ने़ॽ, हे़क्क्याङ् चाःत्चाःत् लॽरे़म्मे़ॽ॥ Gade chapit la |
यहोसु 8:4
14 Referans Kwoze
कर खे़ङ्हाॽरे़ खुनिॽ पाःन्निन् मे़घे़प्से़न्ने़ॽओ, थेआङ्भे़ल्ले़ लिबोङ्ङाङ्धो मनाहाॽरे़ पावले़न् से़प्मा फाॽआङ् मे़सुगुआङ् मे़युङ्लो॥ खे़ङ्हाॽरे़ग खुने़ॽ मे़न्छे़त्ते थारिक् थेआङ् मे़जाम्बे़न् मे़धुङुम्बे़न् लॽरिक् माङ्मे़हे़क्सिङ्ङाङ् यारिप् मे़बोःक्खे़आङ् मे़वाॽ॥ खे़ङ्हाॽरे़ खे़ने़ॽ के़निङ्वाॽ पाःन्निल्ले़ इङ्जाङ् खोमारक् मे़हाङ्घुआङ् मे़युङ्लो॥”
इस्राइलबा के़रे़क् मनाहाॽरे़ खुन्छिॽ आप्फेक् आप्फेक् ते़न्हाॽ मे़ले़रुआङ् बाल-तामारओ थङ् चोःक्मारे़ लागि मे़साःम्सिङ्, हे़क्क्याङ् मना के़सुक्पाआङ् के़युङ्बाहाॽ गिबाबा नाम्धालाम् लिगक् मे़लःन्दे़ मे़भे़रे़॥ खे़ब्याङ् इस्राइलबा थिबोङ् हे़न्छिङ् मे़सेगुसिबा थक्सुबाहाॽरे़ तगिलाम्बा गिबाःन् मे़भत्तु॥
हाङ्ङिन् से़न्दिक्सा पोगे़आङ् कुसुहाङ्युक्पाहाॽ मे़त्तुसि, “अरामिहाॽरे़ थे मे़जोगुबा फाॽआङ् आङ्गाॽ खिनिॽ मे़त्निङ्ॽ॥ आनिॽ साक्के़ल्ले़ आसिर आबत् फाॽआङ् खे़ङ्हाॽरे़ मे़निसुॽ॥ कल्ले़चोगुल्ले़ खे़ङ्हाॽरे़ अक्तङ्बा निङ्वाॽ मे़इःत्तुआङ् थक्सुबा ने़त्ना साःङ्गाहिम्मिन् मे़ले़रु हे़क्क्याङ् कुया कुयाओबा इक्ताप्पाहाॽओ चिङ्सिङ्से़ मे़बेआङ् मे़वाॽ, ‘कन्हाॽ से़क्खासाङ् ये़क्यक्लाम् लाःक्कात् मे़लन्, हे़क्क्याङ् आनिॽ खे़ङ्हाॽ कुहिङ्वे़त् ते़म्सुम्मिम्माङ् ये़क्यक्को आनिॽ लासिरो॥’”
Piblisite