यहोसु 8:33 - लिम्बु33 इस्राइलिहाॽ हाङ्वागे़न् मुॽइसाम् पिमासि पोङ्ॽ फाॽआङ् यहवे दाङ्बे़ल्ले़ कुसे़वारोबा मोसाःल्ले़ तगिए इङ्जाङ् पिरुसिबा कुइसिक्, वेॽ लाजेॽबा, आप्फेक् लाजेॽबा, के़रे़क् इस्राइलिहाॽ, खे़ङ्हाॽरे़ खुन्छिॽ साम्योसिक्साम्बाहाॽ, युक्साबाहाॽ, खासे़न्लोःम्बाहाॽ खे़ङ्हाॽनु सोसोरिक् यहवे दाङ्बे़ल्ले़ कुमाङ्हुप् सन्दोक् के़बङ्बा ले़बि निङ्वाॽफुसाम्बाहाॽरे़ खुनिॽ तगि सन्दोक् नाहाङ् कत्नाहाङ् कुभ्रे़ःङ् एबाल कोःक्मा तगि नु वेॽ कुभ्रे़ःङ् गिरिज्जिम कोःक्मा तगि मे़ये़म्सिङ्॥ Gade chapit la |
यहोसु 8:33
22 Referans Kwoze
ये़म्बित्छा नु मे़न्छुमा, हिन्जाॽबित्छाॽ नु खिनिॽ ये़क्यक्को के़वाॽबा वेॽ लाजेॽबाहाॽ के़रे़क् सुप्से़म्सिम्मे़ॽ, हे़क्क्याङ् खे़ङ्हाॽरे़ मे़घे़प्सुआङ् यहवे दाङ्बा खिनिॽ निङ्वाॽफुमाङ्ङिन् किप्मा नु कन् साम्योथिम् इङ्जाङ्ङोबा के़रे़क् पाःन्जाःक्हाॽ सिङ्सिङ् ये़क्ये़क्काङ् इःप्मा नाःप्मा मे़हुॽसिङ्ल॥
यहवे दाङ्बे़ल्ले़ कुमाङ्हुप् सन्दोक् के़बङ्बा निङ्वाॽफुसाम्बाहाॽ यर्दन लुम्मोलाम् मे़धोःक्सिङ् मे़जुरे़आङ् खुन्छिॽ लाङ्दाङ्पेल्ले़ से़ङ्से़ङ्बा खाम्बाङ्ङिन् मे़दोॽरुनुमे़ःन्ने यर्दनबा च्वाःत्तिन् कुलाम्मो नुःक्खे़ ये़ हे़क्क्याङ् तगिबा हे़क्केए कुयाहाॽ थिम्सुर कुङ्मा हेःक्ते़॥
हे़क्क्याङ् मनाहाॽ अक्खे मे़मे़त्तुसिआङ् इङ्जाङ् मे़बिरुसि, “आल्ल यहवे दाङ्बा खिनिॽ निङ्वाॽफुमाङ्ङिल्ले़ कुमाङ्हुप् सन्दोक्किन् के़निसुम्ॽ, हे़क्क्याङ् खे़न् के़बङ्बाआङ् के़देॽबा निङ्वाॽफुसाम्बा ले़बिहाॽ के़निसुम्सिम्ॽ, खे़बे़ल्ले़ खिनिॽ के़युङिबादे़न्हाॽ ले़रे़म्मे़ॽआङ् सन्दोक्किल्ले़ कुएगाङ् थाआसिम्मे़ॽ॥
मनाहाॽ मे़प्मासिरे़ लागि मोसाःल्ले़ यहोसुन् मुरा मे़त्तुआङ् वये़बा हे़क्के, यहवे दाङ्बे़ल्ले़ यहोसुन् पिरुबा इङ्जाङ्ङोबा के़रे़क् याःम्बक्हाॽ मे़न्जुःत्ते थारिक् माङ्हुप् सन्दोक् के़बङ्बा निङ्वाॽफुसाम्बाहाॽ यर्दन लुम्मोए हाबा मे़ये़बे़ मे़गरे़, खे़ब्याङ् मनाहाॽ हाराहारा नाधाःम्बि मे़गाःक्तुआङ् मे़बे॥
Piblisite