यहोसु 8:31 - लिम्बु31 यहवे दाङ्बे़ल्ले़ कुसे़वारोबा मोसाःल्ले़ इस्राइलिहाॽ इङ्जाङ् पिरुसिबा कुइसिक् मोसाःल्ले़ पिरुसिबा साम्योथिम् इङ्जाङ् साप्पन्नो साप्ते़आङ् पप्पा हे़क्के, मे़ङ्घक्केबा इग्र फे़न्जेल्ले़ मे़न्छुएबा लुङ्हाॽलाम् लत्छा ले़त्ति तोःम्मादे़न् चोगु, हे़क्क्याङ् खे़प्मो खे़ङ्हाॽरे़ यहवे दाङ्बे़ल्ले़ कुलागि मिधिङ्मनादेःम्नाबा सिदुङ्जभा मे़दोन्दु, खे़ब्याङ् तङ्जुम् सिदुङ्जभाआङ् मे़दोन्दु॥ Gade chapit la |
यहोसु 8:31
16 Referans Kwoze
साम्योथिम् इङ्जाङ्ङोबा कन् साप्पन्निन् खे़ने़ॽ के़म्ब्राओलाम् मे़माने़न्ल, कर ले़न्दिक् से़न्दिक् से़वा चोगे़ॽ हे़क्क्याङ् खे़प्मो साप्ते़आङ् के़बप्पा के़रे़क् पाःन्हाॽ सिङ्सिङ् ये़क्ये़क्काङ् इःत्ते़ ने़त्तुॽ, खम्भ्याङ् खे़ने़ॽ के़रे़क् के़लाम्मो थो के़बोःक्काङ् कुलिङ्दो के़गे़प्पा के़बोङ्ॽ॥
कर खुने़ॽ मोसाःल्ले़ कुसाम्योथिम् इङ्जाङ्ङो “पानुदिङ् पाहाॽ खुन्छिॽ साएहाॽरे़ लागि नु साएहाॽ पानुदिङ् पाहाॽरे़ लागि से़प्मासि मेःन्, के़रे़क् मनाहाॽ खुन्छिॽ आप्फेक् लायोओ मे़सिर” लॽरिक् साप्ते़आङ् के़बप्पा यहवे दाङ्बे़ल्ले़ कुइङ्जाङ्ङिन् इःत्तु नाःत्तुआङ् खे़ङ्हाॽरे़ खुन्छिॽ साहाॽग मे़स्ये़रुसिन्लो॥
हे़क्केसाङ् मोसाःल्ले़ कुसाम्योथिम् इङ्जाङ्ङो साप्ते़आङ् के़बप्पा कुइसिक् अक्खे के़लॽबा यहवे दाङ्बे़ल्ले़ कुइङ्जाङ्ङिन् इःत्तु नाःत्तुआङ् खुने़ॽ मना के़से़प्पाहाॽरे़ खुन्छिॽ ये़म्बित्छासाहाॽ मे़से़रुसिन्—“पाहाॽ खुन्छिॽ साहाॽरे़ लागि हे़क्क्याङ् साहाॽ खुन्छिॽ पाहाॽरे़ लागि मे़से़रे़म्सिम्मिन्ने़ॽ॥ मनाए थक्मा आप्फेक् खुन्छिॽ फे़न्याःम्बक्हाॽरे़ कुले़क्वा मे़सिर॥”
Piblisite