यहोसु 7:7 - लिम्‍बु

⁷ हे़क्‍क्‍याङ् यहोसुःल्‍ले़ पाःत्तु, “नाॽराङ्‌स्‍याङ्‌लो! यहवे दाङ्‌बा निङ्‌वाॽफुमाङ्‌ङे, खे़ने़ॽ कन् मनाहाॽ यर्दन कत्‍नाहाङ्‌दाङ् के़भे़त्तुसि हे़क्‍क्‍याङ् एमोरिहाॽरे़ खुन्‍छिॽ हुक्‍को के़धासुसिआङ् आनिगे मे़ङ्‌मारे़ लागि थेआङ् याप्‍मि के़भे़त्ते़बाबे? खे़न्‍नुःल्‍ले़ग आनिगे निङ्‌वाॽ तासुम्‍बे़आङ् यर्दन नाधाःम्‍बिए वयिगे़मे़न्॥

यहोसु 7:7 Referans Kwoze

हिब्रु 12:5

खिनिॽ आबुगे़न् आस्‍सासे लॽरिक् के़म्‍मे़त्तिबा खाहुन्‍निन् निङ्‌वाॽ के़भेःत्‍छुम्‍बि? “आबुगे़न् आस्‍साए, यहवे दाङ्‌बाल्‍ले़ कुहे़न्‍थिम्‍मिन् याङ्‌याङ् मे़इःत्ते़न्‍ने़ॽओ, हे़क्‍क्‍याङ् खुने़ॽ के़भे़ःक्‍किल्‍ले़ के़निङ्‌साङ् मे़बुगे़न्‍ने़ॽओ,

२ हाङ् 3:10

खम्‍भ्‍याङ् इस्राइलबा हाङ्‌ङिल्‍ले़ पाःत्तु, “थे यहवे दाङ्‌बे़ल्‍ले़ आनिॽ सुम्‍भुए हाङ्‌हाॽ मोआबरे़ कुहुक्‍को थामारे़ लागिरक् आभे़त्ते़बाबि?”

मत्ति 17:20

ये़सुरे़ मे़त्तुसि, “थेआङ्‌भे़ल्‍ले़ खिनिॽ नसाःन्‍निन् सुःन्‍लो॥ इङ्‌गाॽ से़क्‍खाए मे़त्‍निङ्, खिनिॽ नसाःन्‍निन् यःङ्‌गेॽ याॽरिःम्‍बाधिक् याःत्‍छाङ् कन् कोःक्‍मान् ‘खे़प्‍मोलाम् खे़त्‍छिङ्‌ङे़ॽ’ के़मे़त्तुम्‍मिल्‍ले़, खे़न् खे़त्‍छिङ् पेःक्‍लो॥ हे़क्‍क्‍याङ् खिनिॽलाम्‍बा पोङ्‌मा मे़न्‍छुक्‍मना थेआङ् होप्‍लो॥”

मत्ति 17:17

ये़सुरे़ मे़त्तुसि, “नसान् के़होप्‍पा नु ताक्‍के़भे़ॽबा मनासे, आप्‍फाल्‍ले़ थारिक् इङ्‌गाॽ खिनिॽनु वाॽआबाबे? आप्‍फाल्‍ले़ थारिक् नासि थःत्‍निङ्‌बाबे? खे़न् चुक्‍पे़न् कत्‍ना फे़त्ते़म्‍मे़ॽ॥”

निङ्‌वाॽफु साम्‍लोसुम् 116:11

आङ्‌गाॽ किसाङ्‌ङाङ् पाःत्तुङ्‌लो, “हाःत्ताङ् कुनासाॽमा मे़सुक्‍काल्‍लो॥”

खानिःत् 14:3

निङ्‌वाॽफुमाङ्‌ङिल्‍ले़ ताभेःल्‍ले़ आनिगे से़प्‍मारे़ लागि थेआङ् कन् ते़न्‍नो फे़त्तिगे़र पत्‍छिगे़बाबे? आनिगे मेःत्‍हाॽ नु साहाॽ नाप्‍मनाबा चिगक्‌वा हे़क्‍के मे़दे़म्‍सुसिॽ॥ आल्‍ल आनिॽ मिस्र लाजेॽओए नुःङ्‌मा पेःक्‍मा नुबा मे़बोङ्‌ने़म्‍बि?”

लाम्‍दिक् 17:3

कर मनाहाॽ साॽरिक्‍के खुन्‍छिॽ वामिसे़ हे़क्‍क्‍याङ् अक्‍खे मे़लॽरे़आङ् मोसाःल्‍ले़ कुदक्‍ले़ङ्‌वाओ मने़मे़धिक्‍ते़, “खे़ने़ॽ आनिगे, आनिगे साहाॽ नु आनिगे थक्‍साहाॽ वामिःक्‍माल्‍ले़ से़प्‍मारे़ लागि थेआङ् मिस्र लाजेॽलाम् याप्‍मि के़भे़त्ते़बाबे?”

लाम्‍दिक् 16:3

हे़क्‍क्‍याङ् इस्राइलिहाॽरे़ खे़ङ्‌हाॽ मे़मे़त्तुसि, “मिस्रबा सा थोःक्‍मा खप्‍प्‍याहाॽ कब्रिङ् युङिगे़आङ् आनिगे कुजा नु सा चाम्‍बे़बा वये़मे़न्॥ हाबा खे़न् ये़म्‍मो यहवे दाङ्‌बे़ल्‍ले़ कुहुक्‍कोलाम् स्‍ये़ॽइगे़ल्‍ले़ नुबा पोःक्‍खे़मे़न्॥ कर आनिगे कन् के़रे़क् सङ्‌जुम्‍भोहाॽ साक्‍के़ल्‍ले़ सिमारे़ लागि कन् मुरे़क् खारे़क् थेआङ् के़होप्‍पादे़न्‍नो याप्‍मि के़भे़त्तिआङ् के़वयि॥”

खानिःत् 14:16

‘यहवे दाङ्‌बे़ल्‍ले़ खे़न् मनाहाॽ लाजेॽ पिनिङ् मे़त्तुसि हे़क्‍क्‍याङ् माङ्‌हे़क् चोगु कर माङ्‌हुप् चोगुबा लाजेॽओ फे़प्‍मा मे़सुक्‍तुसिन्, कल्‍ले़चोगुल्‍ले़ खुने़ॽ खे़ङ्‌हाॽ मुरे़क् खारे़क् थेआङ् के़होप्‍पादे़न्‍नो स्‍ये़रुसि॥’

यहोसु 7:6

खे़ब्‍याङ् यहोसुःल्‍ले़ कुजाङ्‌हाॽ थे़ःक्‍खु हे़क्‍क्‍याङ् यहवे दाङ्‌बे़ल्‍ले़ कुमाङ्‌हुप् सन्‍दोक्‍किल्‍ले़ कुदगाङ् युःन्‍छिक् थारिक् खाम्‍बाङ्‌ङो साबन् हबत् फन्‍छिङ्॥ हे़क्‍क्‍याङ् खुने़ॽ नु इस्राइलबा साम्‌योसिक्‍साम्‍बाहाॽरे़ खुन्‍छिॽ थे़गेक्‍पान् खाम्‍भुत्राःल्‍ले़ मे़जुःत्तुआङ् आम्‍भा मे़युङे़ मे़गरे़॥

यहोसु 7:8

यहवे दाङ्‌बाए, इस्राइलिहाॽ खुन्‍छिॽ निङ्‌मिहाॽलाम् हारिमे़द्‌ये़आङ् मे़नुःक्‍खे़ मे़भे़रे़ आल्‍ल आङ्‌गाॽ थे़मा पाःत्तुङ्‌बे!

खासे़न्‍लोःम्‍बा 20:23

खे़ब्‍याङ् इस्राइलिहाॽ थो मे़धोःक्‍सिङ् मे़बे, हे़क्‍क्‍याङ् यहवे दाङ्‌बे़ल्‍ले़ कुदगि युःन्‍छिक् थारिक् मे़हाबे़, खम्‍भ्‍याङ् इस्राइलिहाॽरे़ यहवे दाङ्‌बे़न् सेःन्‍मे़दोसु, “थे आनिगे फुॽनुसाॽ बेन्‍यामिनिहाॽरे़ खुन्‍छिॽ तक्‍ले़ङ्‌वाओ थङ् चोःक्‍से़ याम्‍मो पेगिगे़बि?” यहवे दाङ्‌बे़ल्‍ले़ मे़त्तुसि, “खे़ङ्‌हाॽरे़ खुन्‍छिॽ तक्‍ले़ङ्‌वाओ खिनिॽ थाःङ् थोःक्‍कासिम् पेगे़म्‍मे़ॽ॥”

१ सामुए़ल 4:3

हे़क्‍क्‍याङ् इस्राइलबा थक्‍सुबाहाॽ यक्‍को मे़नुःक्‍खे़ मे़द्‌ये़आङ् इस्राइलबा साम्‌योसिक्‍साम्‍बाहाॽरे़ मे़बाःत्तु, “आइन् आनिॽ थेआङ् यहवे दाङ्‌बे़ल्‍ले़ पलिस्‍तिहाॽलाम् हारिआद्‌ये़र आयाःन्‍दे़बाबे? आनिॽ यहवे दाङ्‌बे़ल्‍ले़ कुसन्‍दोःक्‍किन् सिलोओलाम् थाक्‍तुम्, खे़न् आनिॽलुम्‍मोए वाॽर हे़क्‍क्‍याङ् आनिॽ निङ्‌मिहाॽरे़ खुन्‍छिॽ हुक्‍कोलाम् आसे़ःप्‍ल॥”