यहोसु 7:6 - लिम्बु6 खे़ब्याङ् यहोसुःल्ले़ कुजाङ्हाॽ थे़ःक्खु हे़क्क्याङ् यहवे दाङ्बे़ल्ले़ कुमाङ्हुप् सन्दोक्किल्ले़ कुदगाङ् युःन्छिक् थारिक् खाम्बाङ्ङो साबन् हबत् फन्छिङ्॥ हे़क्क्याङ् खुने़ॽ नु इस्राइलबा साम्योसिक्साम्बाहाॽरे़ खुन्छिॽ थे़गेक्पान् खाम्भुत्राःल्ले़ मे़जुःत्तुआङ् आम्भा मे़युङे़ मे़गरे़॥ Gade chapit la |
यहोसु 7:6
30 Referans Kwoze
सियोनरे़ कुस्सा मे़न्छुमाःल्ले़ कुलाम्लोबाहाॽ मे़म्बाःत्ते स्वाःत्ताङ् खाम्बाङ्ङो हर्जुॽ मे़युङ्लो॥ खे़ङ्हाॽरे़ खुन्छिॽ थे़गेःक्को खाम्हिःक्किन् मे़जुःत्तुआङ् याक्लो हे़क्क्याङ् खे़ङ्हाॽरे़ सगितेत् मे़जाक्खुआङ् मे़वाॽरो॥ यरुसले़ःम्बा मे़न्छ्याहाॽरे़ खुन्छिॽ थे़गेःक्हाॽ खाम्बाङ्ङो थारिक् अःक्खुम् मे़भत्छुआङ् वाॽरो॥
हे़क्क्याङ् खे़ङ्हाॽरे़ खाम्हिःक्किन् खुनिॽ थे़गेक् सम्दाङ् मे़जुःत्छिङ्ङाङ् मे़हाःप्ल, मे़भिःक्ल, मे़रिङ् थक्नु अक्खे मे़बाःत्तुॽरो, “आयाक्को, आयाक्को! कन् पयम् यम्बा ये़क्यक्कोग, यरिक् वालाधा दाङ्बाहाॽरे़ खे़ल्ले़ कुयाङ्साकुन्धेलाम् याङ्साकुन्धेसाबा मे़बोःक्खे़रो॥ कर सप्फारे़सा खे़न् ये़क्यक्किन् काक् मे़गे़रो॥
यरिक् माःङ्घा लाम्बाए खे़ङ्हाॽरे़ अयुबे़न् मे़निसु कर कुसिङ् निःप्मा मे़न्छुक्तुन्॥ अयुबे़न् कुसिङ् मे़निःत्तुआङ् खे़ङ्हाॽ हाःप्मा नु मे़रिङ् थक्मा मे़हेःक्ते़ हे़क्क्याङ् मिङ्वाःल्ले़ कुधिम् मे़बोःक्खे़र आबाङे खुन्छिॽ तेःत्हाॽ मे़धे़ःक्खुआङ् थे़गेक् सम्दाङ् खाम्हिःक्किन् मे़से़सु॥
खे़ब्याङ् के़रे़क् इस्राइलि थक्सुबाहाॽ मे़नुःक्खे़आङ् बेथेल मे़बे, हे़क्क्याङ् खे़प्मो खे़ङ्हाॽ युःन्छिक् थारिक्के मे़रिङ् मे़धक्ते़र यहवे दाङ्बे़ल्ले़ कुदगि तःक्ने़त् मे़युङे़॥ खे़ङ्हाॽरे़ यहवे दाङ्बे़ल्ले़ कुदगि मिधिङ्मनादेमनाबा वयागे़न् सिदुङ्जभा नु तङ्जुम् वयागे़न् सिदुङ्जभा मे़दोन्दु॥
खे़ब्याङ् इस्राइलिहाॽ थो मे़धोःक्सिङ् मे़बे, हे़क्क्याङ् यहवे दाङ्बे़ल्ले़ कुदगि युःन्छिक् थारिक् मे़हाबे़, खम्भ्याङ् इस्राइलिहाॽरे़ यहवे दाङ्बे़न् सेःन्मे़दोसु, “थे आनिगे फुॽनुसाॽ बेन्यामिनिहाॽरे़ खुन्छिॽ तक्ले़ङ्वाओ थङ् चोःक्से़ याम्मो पेगिगे़बि?” यहवे दाङ्बे़ल्ले़ मे़त्तुसि, “खे़ङ्हाॽरे़ खुन्छिॽ तक्ले़ङ्वाओ खिनिॽ थाःङ् थोःक्कासिम् पेगे़म्मे़ॽ॥”
हे़क्क्याङ् यहोसुःल्ले़ पाःत्तु, “नाॽराङ्स्याङ्लो! यहवे दाङ्बा निङ्वाॽफुमाङ्ङे, खे़ने़ॽ कन् मनाहाॽ यर्दन कत्नाहाङ्दाङ् के़भे़त्तुसि हे़क्क्याङ् एमोरिहाॽरे़ खुन्छिॽ हुक्को के़धासुसिआङ् आनिगे मे़ङ्मारे़ लागि थेआङ् याप्मि के़भे़त्ते़बाबे? खे़न्नुःल्ले़ग आनिगे निङ्वाॽ तासुम्बे़आङ् यर्दन नाधाःम्बिए वयिगे़मे़न्॥
आल्ल खुने़ॽ कन् कुस्सान् निसुआङ् खुने़ॽ कुजाङ्ङिन् थे़ःक्खुआङ् मे़त्तु, “चिःत्ते़स्ये़रो आस्साए, खे़ने़ॽग आङ्गाॽ आनिङ्साङ् पुगे़र के़जोगुरो! खे़ने़ॽ साॽरिक् के़साक्पा तुक्खेन् आङ्गाॽ आसम्धाङ् के़दारुआङ् वाॽ॥ आङ्गाॽ यहवे दाङ्बे़न्नु लत्छा माङ्हुप् चोगुङ्ङाङ् वाॽ, हे़क्क्याङ् आङ्गाॽ खे़न् नुःक्मा मे़नुॽने़न्॥”
ए़ज्रान् माङ्हिम्मिल्ले़ कुदगि कुधे़गेःक्किन् तर्घुॽ मे़त्तुआङ् पेलिगे़न् तुवा चोःक्नु, हाबे़र खे़ङ्हाॽरे़ लायो मे़जोगुबाए फाॽआङ् पाःत्तुर युङे़॥ इस्राइलबा ये़म्बित्छा, मे़न्छुमा नु हिन्जाॽबित्छाॽहाॽरे़न् लत्छा यम्बा मनालुप् थिक् खुने़ॽ कुघिरि मे़जुप्से़॥ मना लुप्पोबा मनाहाॽआङ् खुन्छिॽ निङ्वाॽ लोरे़र मे़हाबे़र मे़ये़बे़॥
Piblisite