यहोसु 7:2 - लिम्बु2 खे़ब्याङ् यहोसुःल्ले़ यरिहोलाम् बेथेलबा नाङ्गे़न् पिसाङ् बेथ-आवन निःत्ताङ्बा ऐ ये़क्यक्को मनाहाॽ अक्खे मे़त्तुसिआङ् पाङ्घुसि, “खिनिॽ पेगे़म्मे़ॽआङ् खे़न् लाजेन् थोःप्से़म्मे़ॽ॥” खे़न् मनाहाॽ मे़बेआङ् ऐ ये़क्यक्किन् मे़धोःप्सु॥ Gade chapit la |
यहोसु 7:2
18 Referans Kwoze
पलिस्तिहाॽ इस्राइलिहाॽनु थङ् चोःक्से़ मे़जुप्से़॥ खे़ङ्हाॽनु हे़न्छिङ् सुम्बोङ् अन्लाधा नु अन्लाधा के़लोङ्बा हे़न्छिङ् तुक्सि मे़वये़॥ हे़क्क्याङ् वरःङ्ङिल्ले़ कुयाओबा ये़ःङ्घा कुइसिक् आत्तातान्ने यरिक् निःप्मा सुक्मे़न्दे़त्ते खाम्मो के़धक्पा तिल्लिङ्गाहाॽ मे़वये़॥ खे़ङ्हाॽ बेथहावनबा नाम्गे़त् पिसाङ् मिकमासओ थो मे़बेआङ् मे़युङ्सिङ्॥
खे़प्मोलाम् खुने़ॽ थासिङ्ङाङ् बेथेललाम् नाम्गे़न् पिसाङ्बा कोःक्माहाॽओ चत्छिङ्बे, हे़क्क्याङ् बेथेलले़न् नाम्धा पिसाङ् नु ऐ ये़क्यक्किन् नाम्गे़न् पिसाङ् तक्मे़त्तुआङ् कुसाःङ्गा हिम्मिन् खिङ्सु॥ खुने़ॽ यहवे दाङ्बाल्ले़ कुलागि याम्मो ले़त्ति तोःम्मादे़न् थिक् चोगुआङ् यहवे दाङ्बाल्ले़ कुमिङ्ङो पेलि फाक्तु॥
खे़ब्याङ् नुनरे़ कुस्सा यहोसुःल्ले़ सित्तिमलाम् थोःम्जिबा ने़त्छि स्वाःत् पाङ्घुसिआङ् मे़त्तुसि, “खे़न् लाजेन् नु से़क्खाःल्ले़ यरिहोबा सिबिॽ पाःन्हाॽ फे़त्ते़से़ॽआङ् फे़रे़से़ॽ॥” हे़क्केलॽरिक् खुन्छिॽ पेसि, हे़क्क्याङ् राहाब मिङ् के़वाःप्मा के़त्निमे़ल्ले़ कुहिम्मो के़रे़सि, खे़ब्याङ् आम्भा खे़प्मो याङ्धोःक्ते़सि॥
हे़क्क्याङ् खे़ङ्हाॽ मे़नुःक्खे़ मे़भे़रे़आङ् यहोसुन् मे़मे़त्तु, “के़रे़क् मे़म्बेःक्मासाङ् नुॽ, के़त्मे़ङ्गे़त् हे़न्छिङ् ने़त्छि सुम्सि मनाहाॽ मे़बेःक्काङ् ऐ ये़क्यक्किन् मे़भत्तुर॥ के़रे़क् मनाहाॽ खे़प्मो पेःक्मारे़ लागि तुक्खे मे़जाःत्ते़से़न्ने़ॽ, थेआङ्भे़ल्ले़ खे़प्मो सुःल्लिक्लक् मना मे़वाॽ॥”
“हेस्बोन के़युङ्बासे, खिनिॽ फिःक्ते़म्मे़ॽओ, थेआङ्भे़ल्ले़ एे ये़क्यक्किन् खाप्पुथ्यःङ् पोःक्खे़रो॥ रब्बाबा मनासे, खिनिॽ हाबे़म्मे़ॽओ! खिनिॽ मे़रिङ् थक्मा चाङ्हाॽ चाक्खे़म्मे़ॽओ, लुङ्धाक्हाॽओ ना नु कत्ना लोःक्ते़म्मे़ॽओ, हे़नाङ्भे़ल्ले़ मोलेख माङ्ङिन् कुयक्याबाहाॽ हे़क्क्याङ् कुसुहाङ्गे़म्बाहाॽनु सोरिक् मे़दे़म्सु मे़देॽरुरो॥
Piblisite