यहोसु 6:2 - लिम्‍बु

² खे़ब्‍याङ् यहवे दाङ्‌बे़ल्‍ले़ यहोसुन् मे़त्तु, “ओमे़त्ते़ॽ, यरिहोन्, खे़प्‍मोबा हाङ्‌ङिन् नु के़धुम्‍बा थक्‍सुबाहाॽआङ् खे़ने़ॽ के़युक्‍को थासुङ्‌सिङ्‌ङाङ् वाॽरो॥

यहोसु 6:2 Referans Kwoze

साम्‌योथिम् इङ् 7:24

हे़क्‍क्‍याङ् खुने़ॽ खे़ङ्‌हाॽरे़ खुन्‍छिॽ हाङ्‌हाॽ खिनिॽ हुक्‍को थासुसि के़बिरिॽ, खम्‍भ्‍याङ् खिनिॽ ताङ्‌साङ्‌बाल्‍ले़ कुसिगाङ्‌लाम् खे़ङ्‌हाॽरे़ खुन्‍छिॽ मिङ्‌ङे के़मासुम् के़बिरुम्‍सिम्‌ॽ॥ आत्तिन् मनाहाॽआङ् खिनिॽ तगि ये़प्‍मा मे़न्‍छुक्‍ने़न्॥ खिनिॽ खे़ङ्‌हाॽ के़मे़क्‍खुम्‍सिम्‌ॽ॥

यहोसु 8:1

खे़ब्‍याङ् यहवे दाङ्‌बे़ल्‍ले़ यहोसुन् मे़त्तु, “मे़गिसे़न्‍ने़ॽ, के़निङ्‌वाॽ स्रोःन् मे़लॽरे़न्‍ने़ॽ॥ के़रे़क् थक्‍सुबाहाॽ सोरिक् तेॽरे़से़ॽ॥ पेगे़ॽ, ऐ ये़क्‌यक्‍को थङ् चोगे़ॽ॥ ओमे़त्ते़ॽ, ऐ ये़क्‌यक्‍कोबा हाङ्‌ङिन्, खे़ल्‍ले़ कुमनाहाॽ, खे़ल्‍ले़ कुये़क्‌यक्‍किन् नु खे़ल्‍ले़ कुलाजेन् आङ्‌गाॽ खे़ने़ॽ हुक्‍सुप्‍ने़आङ् वाॽ॥

यहोसु 2:24

यहोसुन् खे़न्‍हाॽरे़ मे़त्ते़सु, “से़क्‍खाए यहवे दाङ्‌बे़ल्‍ले़ कन् के़रे़क् लाजेन् आनिॽ हुक्‍को आबिरे़आङ् ने़रो॥ आनिॽ आजोगुम्‍मिल्‍ले़ खे़प्‍मो के़युङ्‌बा के़रे़क् यक्‌युङ्‌बाहाॽरे़ खुन्‍छिॽ लुम्‍मो किमा यङ्‌मा पोःक्‍खे़आङ् वाॽरो॥”

यहोसु 2:9

हे़क्‍क्‍याङ् खुने़ॽ खे़न् मनाहाॽ मे़त्तुसि, “कन् लाजेन् यहवे दाङ्‌बे़ल्‍ले़ खिनिॽ के़बिरिआङ् ने़रो फाॽआङ् आङ्‌गाॽ निसुङ्‌ॽ, खे़ब्‍याङ् आनिगे लुम्‍मो खे़निॽ के़जोगुम्‍बाल्‍ले़ चोगुल्‍ले़ साॽरिक् किमा यङ्‌मा पोःक्‍खे़आङ् वाॽ, हे़क्‍क्‍याङ् कॽयो के़युङ्‌बा मनाहाॽ खिनिॽ के़म्‍गिरिआङ् यङ्‌मा मे़हेःक्‍ते़आङ् मे़वाॽ॥

नहेम्‍याह 9:24

खे़ङ्‌हाॽरे़ खुनिॽ थिन्‍दाङ् सायोबोराहाॽ खे़प्‍मो मे़लासे़आङ् कनान लाजेन् मे़नाःन्‍दुरो, खे़ने़ॽ के़मनाहाॽरे़ खे़प्‍मोबा मनाहाॽ थङ् मे़नाःन्‍दुसिर के़याःन्‍दुसिरो॥ खे़ने़ॽ के़मना इस्राइलिहाॽरे़ खुन्‍छिॽ आबाङे निङ्‌वाॽ कुइसिक् चोःक्‍मारे़ लागि, कनानबा हाङ्‌ङिन् नु कुमनाहाॽ, के़मनाहाॽ हुक्‍के़सुप्‍तुसिरो॥

दानिए़ल 4:17

इङ्‌घङ् के़साबाहाॽरे़ निःन्‍धो पाःन्‍निन् मे़मे़त्तुसिआङ् वाॽरो, सेसे मनाहाॽरे़ कुनुप्‍मा पाःन्‍निन् उवा मे़जोगुरो, हे़क्‍केलॽरिक् मनाहाॽरे़ खुन्‍छिॽ हाङ्‌जुम्‍हाॽओबा काक् युक्‍किन् के़रे़क्‍नुःल्‍ले़ यम्‍बा निङ्‌वाॽफुमाङ्‌ङिल्‍ले़ए कत्तु फाॽआङ् कुहिङ्‌वे़त्‍हाॽरे़ निङ्‌वाॽ मे़घोसुररो, हे़क्‍क्‍याङ् खुने़ॽ कुसिराॽ के़धाङ्‌बाहाॽ खे़न् हाङ्‌जुम्‍हाॽ पिरुसिरो मनाहाॽओ के़रे़क्‍नुःल्‍ले़ नःम्‍नःम्‍बाहाॽ खे़न् हाङ्‌जुम्‍हाॽओ फोःक्‍खुसिरो॥

दानिए़ल 2:21

खुने़ॽए ये़म् नु याक्‌वाहाॽ ले़क्‍खुरो॥ खुने़ॽए हाङ्‌हाॽ हाङ्‌युक्‍नाओ युक्‍खुसिरो हे़क्‍क्‍याङ् खुने़ॽए खे़ङ्‌हाॽ खे़त्तुसिरो॥ खुने़ॽ सिक्‍कुम्‍साबाहाॽ ने़हिनिङ्‌वाॽ पिरुसिरो खे़ब्‍याङ् खासिङ् के़निःप्‍पाहाॽ सिक्‍कुम् निङ्‌वाॽ पिरुसिरो॥

२ सामुए़ल 5:19

हे़क्‍क्‍याङ् दाउदरे़ यहवे दाङ्‌बे़न् सेःन्‍दोसु, “आङ्‌गाॽ पलिस्‍तिहाॽरे़ खुन्‍छिॽ तक्‍ले़ङ्‌वाओ पेःक्‍काबि? खे़ङ्‌हाॽ आङ्‌गाॽ आहुक्‍को हुक्‍के़सुप्‍पाबि?” यहवे दाङ्‌बे़ल्‍ले़ मे़त्तु, “पेगे़ॽ, आङ्‌गाॽ पलिस्‍तिहाॽ से़क्‍खाए खे़ने़ॽ के़हुक्‍को हुक्‍सुप्‍ने़॥”

खासे़न्‍लोःम्‍बा 11:24

खिनिॽ माङ् कमोसरे़ खिनिॽ थे के़बिरिसाङ् के़दाःक्‍तुम्‌ॽ मेःम्‍बि? हे़क्‍केलॽरिक्‍के यहवे दाङ्‌बा आनिगे निङ्‌वाॽफुमाङ्‌ङिल्‍ले़ आनिगे थे पिरिगे़ खे़न्‍ने ताःक्‍तुम्‍बे़॥

खासे़न्‍लोःम्‍बा 11:21

खे़ब्‍याङ् यहवे दाङ्‌बा इस्राइलबा निङ्‌वाॽफुमाङ्‌ङिल्‍ले़ सिहोने़न् नु खे़ल्‍ले़ के़रे़क् कुमनाहाॽ इस्राइलिहाॽरे़ खुन्‍छिॽ हुक्‍को थासुसि, खम्‍भ्‍याङ् इस्राइलिहाॽरे़ खे़ङ्‌हाॽ मे़नाःन्‍दुसिआङ् खे़न् ते़न्‍नो के़युङ्‌बा एमोरिहाॽरे़ खुन्‍छिॽ के़रे़क् लाजेॽहाॽ मे़युक्‍तु॥

दानिए़ल 4:35

इक्‍सादिङ् खाम्‍बेःक्‍कोबा के़रे़क् मनाहाॽ खुने़ॽ कुसुम् मे़न्‍दम्‍मना थेनाधेबा लेःत्तुसिरो॥ साङ्‌ग्राम्‍पेदाङ्‌बा मुक्‍साम्‍हाॽ नु खाम्‍बेःक्‍कोबा मनाहाॽ खुने़ॽ निङ्‌वाॽ इःत्तुबा कुइसिक् चोगुसिरो॥ आत्तिल्‍ले़आङ् खुने़ॽ कुहुक्‍किन् थेःक्‍मा मे़सुक्‍तुन्‍लो, इग्र हाःत्‍ले़आङ् खुने़ॽ अक्‍खेलॽरिक् सेःन्‍दोमा मे़सुक्‍तुन्‍लो, “खे़ने़ॽ थे़मा के़जोगुआङ् वाॽबे?”

दानिए़ल 2:44

“कन् हाङ्‌हाॽरे़ खुन्‍छिॽ ये़म्‍मो साङ्‌ग्राम्‍पेदाङ्‌बा निङ्‌वाॽफुमाङ्‌ङिल्‍ले़ आप्‍फाल्‍ले़आङ् मे़न्‍नुप्‍मनाबा हाङ्‌जुम् थिक् चोगुॽ, खे़न् हाङ्‌जुम्‍मिन् आप्‍फाल्‍ले़आङ् वेॽ सुवाङ्‌हाॽरे़ खुन्‍छिॽ हुक्‍को मे़जुक्‍ने़न्॥ कल्‍ले़ खे़न् हाङ्‌जुम्‍हाॽ के़रे़क् खाप्‍पुथ्‍यःङ् चोगुसिआङ् नुप्‍सुसिॽ, कर खे़न् हाङ्‌जुम्‍मिन् सदादिङ् आभे़ल्‍ले़आङ् मे़नुप्‍ने़न्॥

दानिए़ल 5:18

“पयम् हाङ्‌ङे, के़रे़क्‍नुःल्‍ले़ यम्‍बा निङ्‌वाॽफुमाङ्‌ङिल्‍ले़ आदाङ्‌बारे़ के़म्‍बा नबुकदनेसरे़न् लत्‍छा हाङ्‌जुम्‍हाॽओ युक् नु पयम् यम्‍बा हे़क्‍क्‍याङ् मिमिदिङ् नु हाङ्‌वा माङ्‌वा पिरु॥

यहोसु 6:1

आल्‍ल खे़न् ये़म्‍मो इस्राइलिहाॽरे़ मे़जोगुल्‍ले़ यरिहोबा यम्‍बा लाम्‍धेःत्‍हाॽ मे़साक्‍तुआङ् पत्‍छे़॥ आत्तिन्‍हाॽआङ् सिगाङ् लाःप्‍मा नु लाःक्‍कात् लःम्‍मा मे़ङ्‌घोसे़न्॥

यहोसु 6:3

के़रे़क् खजुम्‍घया फे़जुम्‍भे़या के़हेबा थक्‍सुबाहाॽरे़ खे़न् ये़क्‌यक्‍किन् किर्गप् कबे़म्‍मे़ॽआङ् थिक्‍ले़ङ् कब्रिङ् इरे़म्‍मे़ॽ॥ तुक्‍सि ये़न् थारिक् खिनिॽ अक्‍खे चोगे़म्‍मे़ॽ॥

यहोसु 12:9

यरिहोबा लत्‍छा हाङ्, बेथेल निःत्ताङ्‌बा ऐ ये़क्‌यक्‍कोबा लत्‍छा हाङ्,

यहोसु 20:1

खे़ब्‍याङ् यहवे दाङ्‌बे़ल्‍ले़ यहोसुन् अक्‍खे मे़त्तु,