यहोसु 6:18 - लिम्बु18 कर खाप्पुथ्यःङ् मे़ङ्से़ तोःम्मनाबा पाःन्हाॽलाम् खिनिॽ लाःत्लाःत् वये़म्मे़ॽ, मेःन्ने़भग्र खे़न् तोःम्मनाबा पाःन्हाॽ के़याङ्ङासिआङ् खिनिॽओ मे़क्मान् के़दारुम्ॽ, हे़क्क्याङ् इस्राइलिहाॽरे़ खुनिॽ साःङ्गाहिम्मो माङ्दे साङ्ग्रा के़दारुम्ॽ खे़ब्याङ् खे़प्मो तुक्खे लाक्खे थार के़जोगुम्ॽ॥ Gade chapit la |
यहोसु 6:18
20 Referans Kwoze
कर खाप्पुथ्यःङ् मे़जोगुआङ् यहवे दाङ्बाओ मे़दोन्दुबा पाःन्हाॽओ इस्राइलिहाॽरे़ लायो मे़जोगु॥ यहुदा थाःक्कोबा, जेरहरे़ कुस्सा जब्दिरे़ कुमुॽइदाङ्सा कार्मिरे़ कुस्सा आकान मे़प्मनाबा मनाधिक्ले़ कन् मे़दोन्दुबा पाःन्हाॽ कुभा खुःत्तुआङ् वये़, खे़ल्ले़चोगुल्ले़ यहवे दाङ्बे़न् इस्राइलिहाॽनु साॽरिक् कुसिक् पोगे़॥
यहोसुःल्ले़ मे़त्तु, “खे़ने़ॽ आनिगे सम्धाङ् थेआङ् अक्तङ्बा तुक्खे लाक्खेहाॽ के़दारुबाबे? आइन् यहवे दाङ्बे़ल्ले़ खे़ने़ॽ के़सम्धाङ् तुक्खे लाक्खे तारुरो॥” खे़ब्याङ् के़रे़क् इस्राइलिहाॽरे़ खे़न् लुङ्ङिल्ले़ मे़ले़प्तु, हे़क्क्याङ् वेॽहाॽआङ् मे़ले़प्तु मे़सुरुआङ् फुत्लुम् थ्यःङ् मिमे़धिक्खु मे़देसुसि॥
दाउदरे़ तङ्बेॽ सुम्सि हाङ् चोगुबा ये़म्मो साॽरिक् के़जाॽबा साक् पोगे़॥ हे़क्क्याङ् दाउदरे़ यहवे दाङ्बे़न् सेःन्दोसु॥ यहवे दाङ्बे़ल्ले़ दाउदे़न् मे़त्तु, “सावल नु खुने़ॽ कुहिम्सयङ्हाॽ मना के़से़प्पा मे़मे़त्तुसि, थेआङ्भे़ल्ले़ खे़ङ्हाॽरे़ गिबोनिहाॽ मे़से़रुसि॥ खे़ल्ले़चोगुल्ले़ साक् पोगे़आङ् वाॽ॥”
खाप्पुथ्यःङ् चोःक्मारे़ लागि से़म्मनाबा थे़मा पाःन्हाॽआङ् खिनिॽ मे़देॽरे़म्मिन्ने़ॽ, हे़क्क्याङ् यहवे दाङ्बे़ल्ले़ साॽरिक् किप्मा के़घुबा कुस्साक्के़न्निन् चिप्तुॽ॥ खुने़ॽ खिनिॽ लुङ्गुम् ओःन्गे़धाक्तिॽ हे़क्क्याङ् लुङ्माॽ के़दुक्तिआङ् खिनिॽ पाधे़बाहाॽनु चोगुबा कुमाङ्हुप् इसिःक् खुने़ॽ खिनिॽ यरिक् के़भोसिॽ,
“पोगे़ॽ! मनाहाॽ सेसेसाङ्साङ् चोगे़से़ॽ॥ खे़ङ्हाॽ ताःन्दिक्ले़ लागि आबाङे सुत्थो मे़जोक्सिङ्लो फाॽआङ् मे़त्ते़से़ॽ, थेआङ्भे़ल्ले़ इस्राइलबा यहवे दाङ्बा निङ्वाॽफुमाङ्ङिल्ले़ पाःत्तुॽ—‘इस्राइलिसे, खिनिॽ लुम्मो कुभा तोःम्मनाबा सामाहाॽ वाॽ॥ खिनिॽ लुम्मोलाम् खे़न् तोःम्नाबा सामाहाॽ लाप्मे़न्देए थारिक् खिनिॽ निङ्मिहाॽ नाःम्मा के़न्छुक्तुम्सिम्मिन्॥
कर सावल नु कुमनाहाॽरे़ अगागे़न् नु नुःब्नुबा मे़ल्लुक् हे़क्क्याङ् कुम्बाबा कुम्मामा पित्, वरुप्लुप्पा पित्सात्, नु मे़ल्लुक्साःत् खे़ब्याङ् चाहाब् के़जोःक्पा के़रे़क् चिगक्वा सामाहाॽ हाबा मे़से़ःप्तु मे़गत्तुसि॥ कर याःम्बक् मे़म्बिमनाबा नु कुमे़ल्लुङ् के़होःप्पाहाॽग खाप्पुथ्यःङ् मे़जोगु॥
Piblisite