यहोसु 6:17 - लिम्बु17 कन् ये़क्यक्किन् नु कप्मो के़वाॽबा के़रे़क् पाःन्हाॽ मे़क्मारे़ लागि यहवे दाङ्बाओ तोःम्नाआङ् वाॽ॥ के़त्निमा राहाबे़न् नु खे़ल्ले़ कुहिम्मो खुने़ॽनु के़वाॽबाहाॽरक् मे़हिङ्ॽ, थेआङ्भे़ल्ले़ आनिॽ पाङ्मनासिबा थोःम्जिबाहाॽ खे़ल्ले़ चिक्खुसिआङ् वये़॥ Gade chapit la |
यहोसु 6:17
26 Referans Kwoze
‘सियोनरे़ कुस्सा मे़न्छुमाए, पोगे़ॽआङ् चाधाप्से़ॽओ, थेआङ्भे़ल्ले़ आङ्गाॽ खे़ने़ॽ फे़न्जेॽ ताङ्हाॽ पिने़रो, आङ्गाॽ खे़ने़ॽ कासा लाङ्तोॽभेत् पिने़रो, हे़क्क्याङ् चाधाम्मनाबा हे़क्के मे़न्छाम् सुवाङ्हाॽ के़धाप्सुसिरो॥ खे़ङ्हाॽरे़ फे़न्याःम्बक् मे़जोगुआङ् मे़सुप्सुबा पोगुगे़न् कुजाहाॽ हे़क्क्याङ् खे़ङ्हाॽरे़ खुन्छिॽ याङ्साकुन्धेहाॽ काक् इक्सादिङ् खाम्बेःक्कोबा यहवे दाङ्बाओ के़दोःन्दुरो॥’”
“हे़क्क्याङ् आल्ल, नासिगे़न् थक्ला के़गप्पा मे़न्छाम् याप्मिए, आङ्गाॽ मुक्साम्दाङ्बा यहवे दाङ्बे़ल्ले़ अक्खे पाःत्तुङ्ॽ—के़रे़क् परिक्पा पुसाहाॽ नु के़रे़क् ताम्भुङ् थक्साहाॽ खे़ने़ॽ उःत्ते़से़ॽ॥ खे़ने़ॽ खे़ङ्हाॽ मे़त्ते़से़ॽ—‘आङ्गाॽ पयम् यम्बा सिदुङ्जभा आसाभःङ्जाःल्ले़ लागि खिनिॽ सोरिक् फुङ्ङासिम्मे़ॽ॥ माःङ्घा नु निःत्ताङ्लाम् इस्राइलबा कोःक्मा फाङ्जङ् थे़गु माङ्वाहाॽओ त्ये़म्मे़ॽ, हे़क्क्याङ् खिनिॽ खे़प्मो ने़क्सान् नु सामाक्खिन् च्ये़म्मे़ॽ थुङे़म्मे़ॽ!
थेआङ्भे़ल्ले़ कङ्ग यहवे दाङ्बे़ल्ले़ कुये़न्लो, मुक्साम्दाङ्बा यहवे दाङ्बे़ल्ले़ कुनिङ्मिहाॽरे़ लागि कुले़क्वा नुःक्मा ये़न्लो॥ ताभेःल्ले़ कुसिक् मे़न्जिम्मे थारिक् ओवा, माक्खिल्ले़ मे़म्मए थारिक्, ताभेःल्ले़ खल्ले़ःङ् ले़ःक्खुसिरो! युफ्रेतिस वहःङ्ङिल्ले़ कुयाओबा थाङ्गे़त् पिसाङ्बा लाजेॽओ यहवे दाङ्बा, मुक्साम्दाङ्बा यहवे दाङ्बे़ल्ले़ आइन् वयागे़न् सिदुङ्जभा यारिप् चोगुर याक्लो॥
यहवे दाङ्बे़ल्ले़ कुदाभेन् माक्खिॽओ हुमे़आङ् वाॽरो, खे़न् सोःत्ते़ल्ले़ पन्छुआङ् पत्लो— मे़ल्लुक् मे़ःन्दा माक्खिल्ले़ हे़क्क्याङ् मे़ल्लुक् मे़ःन्दा ले़म्भेःप्मोबा सोःत्ते़ल्ले़ खे़न् ताभेन् नाःन्दुआङ् पत्लो॥ थेआङ्भे़ल्ले़ बोज्रा ये़क्यक्को यहवे दाङ्बे़ल्ले़ वयागे़न् सिदुङ्जभा चोगुआङ् वाॽरो, हे़क्क्याङ् एदोम्मो यरिक् माक्खिॽसिवा से़सुआङ् वाॽरो॥
खे़म्ब्याङ् खुने़ॽ केनिहाॽ मे़त्तुसि, “खे़निॽ अमाले़किहाॽरे़ओलाम् लःन्दे़म्मे़ॽआङ् पेगाम्मे़ॽ, हे़क्के के़जोगुम्ने़भाग्र अमाले़किहाॽ से़रुङ्सिङ्ङिल्ले़ खे़निॽ के़न्छ्ये़ॽइन्, थेआङ्भे़ल्ले़ के़रे़क् इस्राइलिहाॽ मिस्रलाम् मे़लःन्दे़ मे़धाङे़ल्ले़ खे़निॽ खे़ङ्हाॽ लुङ्माॽ तुक्मा याःम्बक् ओसेःन् के़धाक्तुम्सिम्॥” कन् पाःन्हाॽ मे़घे़प्सुआङ् खे़ङ्हाॽ अमाले़किहाॽलाम् मे़लःन्दे़ मे़बे॥
कर खाप्पुथ्यःङ् मे़जोगुआङ् यहवे दाङ्बाओ मे़दोन्दुबा पाःन्हाॽओ इस्राइलिहाॽरे़ लायो मे़जोगु॥ यहुदा थाःक्कोबा, जेरहरे़ कुस्सा जब्दिरे़ कुमुॽइदाङ्सा कार्मिरे़ कुस्सा आकान मे़प्मनाबा मनाधिक्ले़ कन् मे़दोन्दुबा पाःन्हाॽ कुभा खुःत्तुआङ् वये़, खे़ल्ले़चोगुल्ले़ यहवे दाङ्बे़न् इस्राइलिहाॽनु साॽरिक् कुसिक् पोगे़॥
खे़ब्याङ् नुनरे़ कुस्सा यहोसुःल्ले़ सित्तिमलाम् थोःम्जिबा ने़त्छि स्वाःत् पाङ्घुसिआङ् मे़त्तुसि, “खे़न् लाजेन् नु से़क्खाःल्ले़ यरिहोबा सिबिॽ पाःन्हाॽ फे़त्ते़से़ॽआङ् फे़रे़से़ॽ॥” हे़क्केलॽरिक् खुन्छिॽ पेसि, हे़क्क्याङ् राहाब मिङ् के़वाःप्मा के़त्निमे़ल्ले़ कुहिम्मो के़रे़सि, खे़ब्याङ् आम्भा खे़प्मो याङ्धोःक्ते़सि॥
आल्ल अमाले़किहाॽनु थङ् चोःक्से़ पेगे़ॽ॥ खे़ङ्हाॽरे़ मे़गत्तुबा के़रे़क् चिगक्वा सामाहाॽ थेधिक्काङ् मे़ल्ले़त्ते के़रे़क् खाप्पुथ्यःङ् चोगे़ॽ॥ खे़ङ्हाॽरे़ खुनिॽ ये़म्बित्छा, मे़न्छुमा, अङे़ःक्वाहाॽ हे़क्क्याङ् नुगे़धुङ्बा अङे़ःक्वा साहाॽ, कुम्बाबा पित्, मे़ःन्दा मे़ल्लुक्, उमे नु अदङ्हाॽ के़रे़क् मे़क्खे़से़ॽ॥”
Piblisite