यहोसु 6:15 - लिम्‍बु

¹⁵ नुसिगेक्‍पा ये़न् तानाम् फदिॽ वदिॽ लॽरे़ल्‍ले़सा खे़ङ्‌हाॽ मे़बोगे़, हे़क्‍क्‍याङ् हाबा खे़न् परिक्‍ले़ए ये़क्‌यक्‍किन् मे़गबु, खे़ल्‍ले़ याःन्‍दिक्‍लक् खे़ङ्‌हाॽरे़ ये़क्‌यक्‍किन् नुसिले़ङ् मे़गबु॥

यहोसु 6:15 Referans Kwoze

निङ्‌वाॽफु साम्‍लोसुम् 119:147

नाम् के़प्‍मानुःल्‍ले़ तगि आङ्‌गाॽ फाॽराङ्‌ङे़ॽ फाॽआङ् पेलि फाक्‍ने़रो, खे़ने़ॽ के़माङ्‌हुप्‍पो आनिङ्‌वाॽ युक्‍खुङ्‌लो॥

२ पत्रुस 1:19

हे़क्‍क्‍याङ् माङ्‌निङ्‌वाॽपान् के़बाःप्‍पाहाॽरे़ मे़बाःत्तुबा पाःन्‍निन् से़क्‍खा पोःक्‍खे़आङ् वाॽ के़लॽबा निःन्‍धो आगत्तुम्‍लो॥ खामे़न्‍ओःत्ते नु खिनिॽ निङ्‌वाॽओ तान्‍छोःक्‍पे़न् मे़न्‍लिङ्‌ङे थारिक् खामाक्‍माओ के़ओःप्‍पा सेमिन् हे़क्‍के खे़न् पाःन्‍जाक्‍किन् निङ्‌वाॽओ के़युक्‍खुम्‍मिल्‍ले़ नुबा पोङ्‌लो॥

मत्ति 28:1

नाःम्‍सिङ् ये़न्‍निल्‍ले़ कुदाःन्‍दिक्‍मो, ते़ने़बा ये़न्‍नो खाओःत्ते़र पत्‍छे़ल्‍ले़ मरियम मग्‍दलिनिःन् नु वेॽसमा मरियम्‍मिन् ये़सुन् मे़ने़स्‍सुबा इःप्‍पुङ्‌ङिन् ओमे़त्‍छे़ पेसिरो॥

हिब्रु 11:30

नसाःन्‍लाम्‍बाए इस्राइलिहाॽरे़ नुसि ये़न् थारिक् ये़रिहो ये़क्‌यक्‍किन् मे़गबुआङ् खे़ल्‍ले़ कुघिरिबा लुङ्‌धाक्‍किन् लुःन्‍दे़रो॥

यहोसु 6:14

कम्‍भलॽरिक् निसिगेक्‍पा ये़न्‍नोआङ् खे़ङ्‌हाॽरे़ ये़क्‌यक्‍किन् थिक्‍ले़ङ् मे़गबुआङ् मे़नुःक्‍खे़॥ तुक्‍सि ये़न् थारिक् खे़ङ्‌हाॽरे़ हे़क्‍केए मे़जोगु॥

यहोसु 6:16

आल्‍ल निङ्‌वाॽफुसाम्‍बाहाॽरे़ सादाङ्‌ङिन् नुसिले़ङ् मे़मुःत्तुल्‍ले़ यहोसुःल्‍ले़ मनाहाॽ मे़त्तुसि, “अःक्‍ते़म्‍मे़ॽ! थेआङ्‌भे़ल्‍ले़ यहवे दाङ्‌बे़ल्‍ले़ कन् ये़क्‌यक्‍किन् खिनिॽ के़बिरिआङ् ने़रो॥

यहोसु 3:1

यहोसुन् तानाम् आन्‍देन् पोगे़, हे़क्‍क्‍याङ् खुने़ॽ नु के़रे़क् इस्राइलिहाॽ सित्तिमलाम् यर्दन मे़भे़रे़, खे़प्‍मो खुन्‍छिॽ नाधाःम्‍बि काःक्‍मानुःल्‍ले़ तगि याङ्‌मे़धोःक्‍ते़॥