यहोसु 5:6 - लिम्बु6 इस्राइलिहाॽरे़ यहवे दाङ्बे़ल्ले़ कुइङ्जाङ्ङिन् मे़न्इःत्तुन् मे़न्नाःत्तुम्बाल्ले़ चोगुल्ले़ मिस्रलाम् के़लःम्बा के़भे़म्बा के़रे़क् मनाहाॽ, इग्र थक्सुबा पोङ्मा के़लाॽबाहाॽ मे़म्मे़क्के थारिक् खे़ङ्हाॽ मुरे़क् खारे़क् थेआङ् के़होप्पादे़न्नो लिबोङ् तङ्बे खाराक् लाङ्मे़घेगे़आङ् मे़वये़॥ थेआङ्भे़ल्ले़ खे़ङ्हाॽरे़ खुन्छिॽ पाधे़बाहाॽ पिनिङ् मे़त्तुसिआङ् माङ्हुप् चोगुबा पित्नु नु सक्वाघु के़गुङ्बा लाजेन् खे़ङ्हाॽरे़ निमा मे़ङ्घोसुन्ॽ फाॽआङ् खुन्छिॽनु यहवे दाङ्बे़ल्ले़ माङ्हे़क् चोगुआङ् वये़॥ Gade chapit la |
यहोसु 5:6
20 Referans Kwoze
यहवे दाङ्बा खिनिॽ निङ्वाॽफुमाङ्ङिल्ले़ खिनिॽ के़रे़क् परिक्पा याःम्बक्को हाङ्वागे़न् मुॽइसाम् के़बिरिआङ् वाॽ॥ कन् यम्बा मुरे़क् खारे़क् थेआङ् के़होःप्पादे़न्नोबा लाम्दिक् खाराक् खुने़ॽ खिनिॽ ताप्थेक् याम्धेक् के़गत्तिआङ् वाॽ॥ कन् लिबोङ् तङ्बे थारिक् यहवे दाङ्बा खिनिॽ निङ्वाॽफुमाङ्ङिन् खिनिॽनु सोरिक् वाॽ, हे़क्क्याङ् खिनिॽ थे़मा पाःन्निन्ले़ कुहोःप्मा कुसाक्मोआङ् मे़न्धाए के़वयिॽ॥
कल्ले़चोगुल्ले़ खे़ङ्हाॽ मिस्रिहाॽरे़ खुन्छिॽ हुक्कोलाम् ताङ्से़ःप्मासिरे़ लागि नु मिस्र लाजेॽलाम् लःप्मासिआङ् लत्छा ताम्दाम्बा लाजेॽओ के़प्मासिरे़ लागि आङ्गाॽ थ्याङ्ङाङ् वाॽआ॥ खे़न् लाजेन् पित्नु नु सक्वाघु के़गुङ्बा चोक्, खे़प्मो आल्लो कनानि, हित्ति, एमोरि, परिज्जि हिब्बि नु यबुसिहाॽ मे़युङ्ॽ॥
कर मुरे़क् खारे़क् थेआङ् के़होप्पा एःक्सादे़न्नो आङ्गाॽ खे़ङ्हाॽरे़ खुन्छिॽ तक्ले़ङ्वाओ के़प्माए के़बोङ्बा माङ्हे़क् थिक् चोगुङ्॥ आङ्गाॽ खे़ङ्हाॽ पिरुङ्सिङ्ङाङ् ने़स्से़बा इक्सादिङ् खाम्बेःक्मोबा के़रे़क्नुःल्ले़ चाॽरिक् नुबा ते़न्, पित्नु नु सक्वाघु के़गुङ्बा लाजेॽओ खे़ङ्हाॽ मे़भे़त्तुङ्सिङ्ङिन् फाॽआङ् आङ्गाॽ माङ्हे़क् चोगुङ्॥
“खे़ने़ॽ कन् इङ्घङ्ङिन् यरुसले़ःम्मो के़वाॽबाहाॽ के़रे़क् मे़त्ते़से़ॽ, यहवे दाङ्बे़ल्ले़ अक्खे पाःत्तुरो— “इस्राइलए, खे़ने़ॽ के़धाङ्बे़न् वे़म्मो आक्खे़न् नसाःन्साबा के़वये़ के़लॽबान् आङ्गाॽ आनिङ्वाॽसुम्मो वाॽरो, सिसामेःत्तिल्ले़ हे़क्के खे़ने़ॽ मिःम् के़मे़त्ताङ्लो॥ मुरे़क् खारे़क् थेआङ् के़होप्पादे़न्नो, थेआङ् मे़न्लिङ्मनाबा चिजि खक्खक्पा एःक्सादे़न्नो खे़ने़ॽ आङ्गाॽ आएगाङ् आएगाङ् के़नाःत्ताङ्लो॥
आङ्गाॽ खे़ङ्हाॽरे़ लागि खोसुङ्बा नु कोःम्भो चोगुङ्ङाङ् ने़स्से़बा, के़रे़क् आत्तिन् लाजेॽहाॽनुःल्ले़आङ् साॽरिक् नुबा, पित्नु नु सक्वाघु के़गुङ्बा, लत्छा नुबा लाजेॽओ आङ्गाॽ मिस्रलाम् खिनिॽ लःत्निङ् फे़त्निङ्ॽ मे़त्तुङ्सिङ्ङाङ् खे़ल्ले़ याःन्दिक् आङ्गाॽ लत्छा माङ्हे़क् थिक् चोगुङ्ङाङ् वये़॥
खे़न् ये़न्नो कोःक्मा फाङ्जङ्हाॽओलाम् कुबोक् चे़ल्ले़क्सेॽ थिहाॽ वयु युरो, हे़क्क्याङ् थे़गु माङ्वाहाॽलाम् पित्नु कुङ्मा हेःक्लो यहुदाबा के़रे़क् पाक्लुम्लुम्बादे़न्हाॽओ च्वाःत् लाङ्घेःक्लो, यहवे दाङ्बे़ल्ले़ कुहिम्मोलाम् च्वाःत् वदुन्दाक्वा थिक् लःन्लो हे़क्क्याङ् सित्तिमबा ने़ने़बादे़न्निन् वारक्खुरो॥
मिस्रलाम् आक्ख्यारिक् मे़लःन्दे़ मे़भे़रे़आङ् मे़वये़, खे़ङ्हाॽ के़रे़क्ले़न् हर्दो हे़क्मा याःम्बक् पोःक्खे़आङ् वये़॥ कर मिस्र लाजेॽलाम् मे़लःन्दे़ मे़भे़रे़आङ् एगाङ् मुरे़क् खारे़क् थेआङ् के़होप्पा एःक्सादे़न्नोबा लाम्दिःक्को सागे़वाःन्छिङ्बा आत्तिन्हाॽरे़न्नाङ् हर्दो मे़न्हे़क्के वये़॥
कर खिनिॽ पाधे़बाहाॽरे़ यहवे दाङ्बे़न् पेलि मे़भाक्तु, हे़क्क्याङ् खुने़ॽ खिनिॽ नु मिस्र के़युङ्बाहाॽरे़ खुन्छिॽ लुम्मो खामाक्ते़र याःन्दुआङ् मिस्रिहाॽओ वरःङ्ङिन् नुःक्तुआङ् खे़ङ्हाॽ हुम्सु केःत्तुसि॥ मिस्र लाजेॽओ आङ्गाॽ थे़मा चोगुङ्, खे़न् खिनिॽ आप्फेक् मिक्किल्ले़ के़निसुम्॥ खे़ब्याङ् खिनिॽ यरिक् ये़न् थारिक् मुरे़क् खारे़क् थेआङ् के़होप्पादे़न्नो के़वयि॥
Piblisite