यहोसु 4:24 - लिम्बु24 इक्सादिङ् खाम्बेःक्मोबा के़रे़क् मनाहाॽरे़ यहवे दाङ्बे़ल्ले़ कुहुक्कोबा मुक्साम्मिन् निङ्वाॽ मे़घोसुर, हे़क्क्याङ् यहवे दाङ्बा खिनिॽ निङ्वाॽफुमाङ्ङिन्नु खिनिॽ आभे़ल्ले़साङ् किसे़म्मे़ॽ फाॽआङ् कन् के़रे़क् पोःक्खे़बारो॥” Gade chapit la |
यहोसु 4:24
24 Referans Kwoze
खे़ङ्हाॽ किमा नु यङ्मा के़प्माल्ले़ सुःप्तुसिआङ् वाॽरो॥ यहवे दाङ्बाए! खे़ङ्हाॽरे़ खे़ने़ॽ के़मुक्साम्मिन् मे़निसुरो, खे़ने़ॽ योःक्लाम् के़से़न्दु के़भे़त्तुसिबा के़मनाहाॽ, लाङ्मे़घेःक्काङ् नाधाःम्बि मे़बेःक्किल्ले़ निङ्मिहाॽ किमाल्ले़ चिरिम्लिम्ना मे़यङ्ङाङ् मे़म्बाःत्ते मे़ये़प्लो॥
आङ्गाॽ खे़ङ्हाॽनु आभे़ल्ले़आङ् मे़न्नुप्मनाबा लत्छा माङ्हुप् चोगुङ्ॽ॥ खे़ङ्हाॽरे़ खुन्छिॽ लागि नुॽमादामा के़बोङ्बा याःम्बक् चोःक्मा आङ्गाॽ आफाल्ले़आङ् मे़ले़रुङ्ङिन् हे़क्क्याङ् आबाङे खुन्छिॽ के़रे़क् सिक्लुङ्माल्ले़ आङ्गाॽ याप्मि इङ्धाङ् के़बिबा खे़ङ्हाॽ चोगुङ्सिङ्ॽ खे़ब्याङ् खे़ङ्हाॽ आफाल्ले़आङ् आङ्गाॽलाम्बा मे़न्इःम्सिङ् मे़म्बेःक्ने़न्॥
खे़ब्याङ् नामाने़न् नु खुने़ॽ कुसे़वारोबाहाॽ के़रे़क् निङ्वाॽफुमाङ्ङिल्ले़ कुमनाओ मे़नुःक्खे़ मे़बे॥ खे़ङ्हाॽ के़रे़क् खुने़ॽ कुदगि मे़ये़म्सिङ् हे़क्क्याङ् नामानरे़ पाःत्तु, “इस्राइलओरक् निङ्वाॽफुमाङ् वाॽ के़रे़क् इक्सादिङ् खाम्बेःक्मो हाःत्ताङ् निङ्वाॽफुमाङ् होप् फाॽआङ् आल्ल आङ्गाॽ निङ्वाॽ खोसुङ्॥ चिसाजि आल्ल खे़ने़ॽ के़से़वारोबालाम् कुभा हुक्वा ताःक्ते़ॽओ॥”
आइन्बा ये़न्नो यहवे दाङ्बाल्ले़ खे़ने़ॽ आहुक्को के़धासे़आङ् वाॽ, हे़क्क्याङ् आङ्गाॽ से़त्ने़आङ् के़धेगेःक्किन् खक्तुङ्ॽ॥ आइन्बा कन् ये़न्नो पलिस्तिहाॽरे़ खुनिॽ कुसिवे़त् थक्हाॽ ताङ्साङ्बोबा पुहाॽ नु खाम्बेःक्कोबा थक्साहाॽ चामा पिरुङ्सिङ्ॽ, हे़क्क्याङ् इस्राइलओ निङ्वाॽफुमाङ् वाॽरे़छ फाॽआङ् इक्सादिङ् खाम्बेःक्मो के़रे़क् पिसाङ्बा मनाहाॽरे़ कुसिङ् मे़निःत्तुरो॥
Piblisite