यहोसु 4:19 - लिम्बु19 थिक्सिगेक्पा लाओबा थिबोङ् ये़न्नो मनाहाॽ यर्दनलाम् मे़धोःक्सिङ् मे़धाङे़आङ् यरिहो नाङ्गे़न् ले़प्माङ् इःन्दोओ गिलगाल मे़प्मनाबादे़न्नो खुन्छिॽ साःङ्गाहिम् मे़जोगु॥ Gade chapit la |
यहोसु 4:19
18 Referans Kwoze
आङ्गाॽ आमनासे, मोआबबा बालाक हाङ्ङिल्ले़ थे़मा सुजापान् पाःत्तुङ्आङ् वये़बे? हे़क्क्याङ् बओररे़ कुस्सा बालामरे़ खुने़ॽ थे नुगप् पिरुबे? खे़न् पाःन्निन् खिनिॽ निङ्वाॽ इःत्ते़म्मे़ॽओ॥ सित्तिमलाम् गिलगाल थारिक् लाम्दिक् के़जोगिबान् खिनिॽ निङ्वाॽसुम् लॽरे़म्मे़ॽओ, हे़क्केलॽरिक् यहवे दाङ्बे़ल्ले़ कुसाम्योबा याःम्बक्हाॽ खिनिॽ कुसिङ् निःप्मा के़सुक्तुम्लरो॥”
खे़न् इःन्दोन् आकारबा ने़ने़बादे़न्लाम् दबिर थारिक् थोःक्सिङ् पेआङ् ने़स्से़, हे़क्क्याङ् कम्भलॽरिक् थाङ्गे़त् ले़प्माङ्, वहःङ् लाङ्गे़त् ले़प्माङ् के़ने़बा अदुम्मिमबा थाम्माङ्ङो कुदोःप्मा गिलगाल ले़प्माङ् पेआङ् ने़स्से़॥ खम्भ्याङ् खे़न् इःन्दोन् एन-सेमेस मे़प्मनाबा वरक्किल्ले़ कुया कुया पोःक्खे़र एन-रोगेलओ लःन्दे़आङ् ने़स्से़॥
कल्ले़चोगुल्ले़ गिबोनबा मनाहाॽरे़ गिलगालबा साःङ्गाहिम्मो मनाहाॽ अक्खे मे़मे़त्तुसिआङ् यहोसुओ मे़बाङ्घु मे़देसुसि, “आनिगे़ओ हारा फे़रे़म्मे़ॽआङ् आनिगे आसे़ःप्ते़ॽ, हे़क्क्याङ् आभाॽरे़ॽ॥ खिनिॽ योःग्बाहाॽ लाप्आम्भेसे़म्मिन्ने़ॽ, थेआङ्भे़ल्ले़ कोःक्मा लाजेॽओ के़युङ्बा एमोरिहाॽरे़ खुन्छिॽ के़रे़क् हाङ्हाॽ आनिगे तक्ले़ङ्वाओ मे़जुप्से़आङ् मे़वाॽ॥”
यहवे दाङ्बे़ल्ले़ कुमाङ्हुप् सन्दोक् के़बङ्बा निङ्वाॽफुसाम्बाहाॽ यर्दन लुम्मोलाम् मे़धोःक्सिङ् मे़जुरे़आङ् खुन्छिॽ लाङ्दाङ्पेल्ले़ से़ङ्से़ङ्बा खाम्बाङ्ङिन् मे़दोॽरुनुमे़ःन्ने यर्दनबा च्वाःत्तिन् कुलाम्मो नुःक्खे़ ये़ हे़क्क्याङ् तगिबा हे़क्केए कुयाहाॽ थिम्सुर कुङ्मा हेःक्ते़॥
Piblisite