यहोसु 3:7 - लिम्‍बु

⁷ हे़क्‍क्‍याङ् यहवे दाङ्‌बे़ल्‍ले़ यहोसुन् मे़त्तु, “आक्‍खेलॽरिक् आङ्‌गाॽ मोसाःन्‍नु सोरिक् वयाङ् हे़क्‍केलॽरिक्‍के आङ्‌गाॽ खे़ने़ॽनुआङ् सोरिक् वाॽआ फाॽआङ् कन्‍हाॽरे़ निङ्‌वाॽ खोमारे़ लागि आइन्‍बा ये़न्‍नाङ्‌धो के़रे़क् इस्राइलिहाॽरे़ खुन्‍छिॽ तगि खे़ने़ॽ यम्‍बा लाम्‍लोबा चोःक्‍ने़रो॥

यहोसु 3:7 Referans Kwoze

यहोसु 4:14

खे़ल्‍ले़ याःन्‍दिक् के़रे़क् इस्राइलिहाॽरे़ खुनिॽ निमो यहवे दाङ्‌बे़ल्‍ले़ यहोसुन् यम्‍बा लाम्‍लोबा चोगु हे़क्‍क्‍याङ् खे़ङ्‌हाॽरे़ खुने़ॽ कुहिङ्‌हिङ् मोसान् हे़क्‍केए यहोसुन् मिङ्‌सो इङ्‌धाङ् मे़बिरु॥

यहोसु 1:5

खे़ने़ॽ के़हिङ्‌हिङ् थारिक् खे़ने़ॽ के़दक्‍ले़ङ्‌वाओ हाःत्ताङ् पोःक्‍मा मे़सुक्‍ने़न्॥ आङ्‌गाॽ आक्‍खेलॽरिक् मोसाःन्‍नु वयाङ्, हे़क्‍केलॽरिक्‍के आङ्‌गाॽ खे़ने़ॽनु वाॽआ॥ आङ्‌गाॽ खे़ने़ॽ मे़नाॽने़न्‌ॽ, हे़क्‍क्‍याङ् खे़ने़ॽ लाप्‍मे़भुने़न्॥

१ साप्‍मुःन्‍धुम् 29:25

के़रे़क् इस्राइलिहाॽरे़ खुन्‍छिॽ मिक्‍साओ यहवे दाङ्‌बे़ल्‍ले़ सोलोमने़न् साॽरिक् थोधोक्‍पा चोगु, हे़क्‍क्‍याङ् इस्राइलओ आत्तिन् हाङ्‌ङिन्‍नाङ् मे़म्‍बिए के़वाॽबा हाङ्‌वा माङ्‌वान् खुने़ॽ सोलोमने़न् पिरुरो॥

निङ्‌वाॽफु साम्‍लोसुम् 18:35

यहवे दाङ्‌बाए, खे़ने़ॽ आङ्‌गाॽ के़नाङाङ्‌लो हे़क्‍क्‍याङ् के़से़न्‍लप्‍रे़ खोःन् के़बिराङ्‌लो, खे़ने़ॽ के़भाॽराङ् के़जोगाङ्‌बाल्‍ले़ चोगुल्‍ले़ यम्‍बा पोःक्‍खाङ्‌लो हे़क्‍क्‍याङ् के़मुक्‍साम्‍मिल्‍ले़ नुरिक् कत्ताङ्‌ङाङ् वाॽआरो॥

यहोसु 1:17

आक्‍खेलॽरिक् मोसाःल्‍ले़ कुबाःन्‍हाॽ के़रे़क् आनिगे खे़प्‍सुम्‍बे़आङ् वये़ हे़क्‍केलॽरिक्‍के आनिगे खे़ने़ॽ के़बाःन्‍निन्‍नाङ् खे़प्‍सुम्‍बे़ॽ॥ यहवे दाङ्‌बा खे़ने़ॽ के़निङ्‌वाॽफुमाङ्‌ङिन् आक्‍खेलॽरिक् मोसाःन्‍नु वये़, हे़क्‍केलॽरिक्‍के खे़ने़ॽनुआङ् वाॽर॥

अयुब 7:17

मे़न्‍छाम् याप्‍मिन् थे़माबे? खे़न् थेआङ् खे़म्‍म्‍याक् साॽरिक् खे़ने़ॽ के़ये़ःक्‍पा के़लेःत्तुबाबे? थेआङ् खे़ल्‍ले़ कुयाःम्‍बक्‍किन् खे़ने़ॽ मिक्‍चो के़मे़त्तुबाबे?

२ साप्‍मुःन्‍धुम् 1:1

दाउदरे़ कुस्‍सा सोलोमन हाङ्‌ङिल्‍ले़ कुहाङ्‌जुम्‍मो युक्‍किन् के़धुम्‍बा चोगु, थेआङ्‌भे़ल्‍ले़ यहवे दाङ्‌बा खुने़ॽ कुनिङ्‌वाॽफुमाङ्‌ङिन् खुने़ॽनु सोरिक् वये़॥ निङ्‌वाॽफुमाङ्‌ङिल्‍ले़ खुने़ॽ साॽरिक् यम्‍बा चोगु॥

युहुन्‍ना 17:1

ये़सुरे़ कन् पाःन्‍हाॽ पाःत्तु सुरुआङ् साङ्‌ग्राम्‍पेदाङ् ले़प्‍माङ् ओमये़र तुवा चोगु, “पानुदिङ् आम्‍बे, आल्‍ल ये़म् पोःक्‍खे़रो, के़स्‍साःल्‍ले़ खे़ने़ॽ के़मिमिदिङ् चोगुर फाॽआङ् खुने़ॽ कुमिमिदिङ् चोगे़ॽओ॥

फिलिप्‍पि 1:20

इङ्‌गाॽग आयाःम्‍बक्‍किल्‍ले़ चोगुल्‍ले़ निङ्‌वाॽफुमाङ्‌ङिल्‍ले़ कुदगि सिरिङ्‌ममो आप्‍फाल्‍ले़आङ् मे़धाआन्‍नि कर इङ्‌गाॽ हाङ्‌हाङ् के़लॽबा पोङ्‌ङाङ् सिआसाङ् हिङ्‌ङासाङ् इङ्‌गाॽ आहिङ्‌मन्‍लाम्‍बा आल्‍लो हे़क्‍के सदादिङ् ख्रिस्‍तरे़ कुमिङ्‌सो इङ्‌धाङ् पोङ्‌ल फाॽआङ् पयम् निङ्‌वाॽ नु निङ्‌साङ् चोगुङ्‌लो॥

यहोसु 3:6

यहोसुःल्‍ले़ निङ्‌वाॽफुसाम्‍बाहाॽ अक्‍खे मे़त्तुसि, “माङ्‌हुप् सन्‍दोक्‍किन् पक्‍खे़म्‍मे़ॽआङ् मनाहाॽरे़ खुन्‍छिॽ तगि तगि लाङ्‌घेगे़म्‍मे़ॽ॥” खे़ब्‍याङ् खे़ङ्‌हाॽरे़ माङ्‌हुप् सन्‍दोक्‍किन् मे़बक्‍खुआङ् मनाहाॽरे़ खुन्‍छिॽ तगि तगि मे़बे॥

यहोसु 3:8

माङ्‌हुप् सन्‍दोक् के़बङ्‌बा निङ्‌वाॽफुसाम्‍बाहाॽ खे़ने़ॽ अक्‍तङ्‌बा इङ्‌जाङ् पिरे़से़ॽ, ‘यर्दन वहःङ्‌ङिल्‍ले़ कुयाओ खिनिॽ के़गे़रिआङ् च्‍वाःत्तो लासाम्‍मे़ॽआङ् ये़बे़म्‍मे़ॽ॥’”

यहोसु 1:9

खे़ने़ॽ के़धुम्‍बा नु साॽरिक् हाङ्‌हाङ् के़लॽबा पोःक्‍खे़ फाॽआङ् आङ्‌गाॽ इङ्‌जाङ् पिने़आङ् वाॽ, मे़गिसे़न्‍ने़ॽ, यङ्‌मा मे़स्‍ये़न्‍ने़ॽ, थेआङ्‌भे़ल्‍ले़ खे़ने़ॽ आत्ति के़बेःक्‍साङ्, यहवे दाङ्‌बा खे़ने़ॽ के़निङ्‌वाॽफुमाङ्‌ङिन्, खे़ने़ॽनु वाॽरो॥”