यहोसु 3:17 - लिम्बु17 के़रे़क् इस्राइलिहाॽ से़ङ्से़ङ्बा खाम्बाङ्ङोलाम् मे़गाःक्तुआङ् खे़न् सुवाङ्बा काक् मनाहाॽ यर्दन नाधाःम्बि मे़म्बेःक्के थारिक् यहवे दाङ्बे़ल्ले़ कुमाङ्हुप् सन्दोक् के़बङ्बा निङ्वाॽफुसाम्बाहाॽ यर्दन वहःङ्ङिल्ले़ कुलुम्मोबा से़ङ्से़ङ्बा खाम्बाङ्ङो थधप् मे़ल्लॽए मे़ये़बे़रो॥ Gade chapit la |
यहोसु 3:17
14 Referans Kwoze
मुक्साम्दाङ्बा यहवे दाङ्बा निङ्वाॽफुमाङ्ङिल्ले़ सदादिङ्ले़ लागि सिमे़न् थङ्ङो हारिदासुआङ् वाॽरो॥ खुने़ॽ के़रे़क्ले़ खुन्छिॽ मिक्कोलाम् मिक्वान् तुगु पिरुसिरो, खे़ब्याङ् काक् इक्सादिङ् खाम्बेःक्को कुमनाहाॽ कुनामे़न्छाॽ मे़मे़त्तुसिबान् खुने़ॽ खे़त्तुदेसु पिरुसिरो, कन् पाःन्निन् यहवे दाङ्बे़ल्ले़ आबाङे पाःत्तुआङ् वाॽरो॥
खे़ङ्हाॽ अक्तङ्बा इङ्जाङ् पिरे़से़ॽ, ‘यर्दन वहःङ्ङिल्ले़ कुलुम्मो निङ्वाॽफुसाम्बाहाॽरे़ खुन्छिॽ लाङ्दाप्पेल्ले़ मे़दोॽरुबादे़न्नोलाम् थिबोङ्ङाङ् ने़त्छि लुङ्हाॽ याङ्सिङ्ङे़म्मे़ॽ हे़क्क्याङ् खिनिॽ खे़ङ्हाॽ पक्खे़म् फे़त्ते़म्मे़ॽ, खे़ब्याङ् आक्खोक् से़न्दिक् खिनिॽ आत्ति साःङ्गाहिम् के़लेःत्तुम्माङ् के़युङि हाबा खे़प्मो खे़ङ्हाॽ ने़स्से़म् थ्ये़म्मे़ॽ॥’”
खे़ब्याङ् मोसाःल्ले़ कुहुक्किन् हे़ःत्ताङ्बा वरःङ्ङिल्ले़ कुसम्धाङ् सन्छु हे़क्क्याङ् यहवे दाङ्बे़ल्ले़ नाङ्गे़न् पिसाङ्लाम् साॽरिक् यम्बा सुरित् केजङ् हुसे़र याःन्दु, हे़क्क्याङ् वरःङ्ङिन् एगाङ् नुःक्खे़बेर चोगुआङ् च्वाःत्ते़न् कुलुम्मो से़न्छिङ् हे़क्क्याङ् वरःङ्ङिन् से़ङ्से़ङ्बा खाम्बाङ् पोःक्खे़॥
मनाहाॽ मे़प्मासिरे़ लागि मोसाःल्ले़ यहोसुन् मुरा मे़त्तुआङ् वये़बा हे़क्के, यहवे दाङ्बे़ल्ले़ यहोसुन् पिरुबा इङ्जाङ्ङोबा के़रे़क् याःम्बक्हाॽ मे़न्जुःत्ते थारिक् माङ्हुप् सन्दोक् के़बङ्बा निङ्वाॽफुसाम्बाहाॽ यर्दन लुम्मोए हाबा मे़ये़बे़ मे़गरे़, खे़ब्याङ् मनाहाॽ हाराहारा नाधाःम्बि मे़गाःक्तुआङ् मे़बे॥
इस्राइलिहाॽरे़ वहःङ्ङिन् मे़ङ्गाःक्के थारिक् खुन्छिॽ तगि यहवे दाङ्बे़ल्ले़ यर्दन वहःङ्ङोबा च्वाःत्तिन् चप्प्रे़क् चबे़र याःन्दु के़लॽबा पाःन्निन् यर्दन कत्नाहाङ्दाङ् नाम्धा पिसाङ्बा एमोरिहाॽरे़ खुनिॽ के़रे़क् हाङ्हाॽ नु खाम्दोःक्लुम् वरःङ्ङिल्ले़ कुबेसाङ्बा कनानिहाॽरे़ खुन्छिॽ के़रे़क् हाङ्हाॽरे़ मे़घे़प्सु, खे़ब्याङ् खे़ङ्हाॽ इस्राइलिहाॽनु मे़गिसे़बाल्ले़ चोगुल्ले़ खुन्छिॽ सिक्लुङ्माॽ यङ्मा हेःक्ते़ हे़क्क्याङ् खे़ङ्हाॽ इस्राइलिहाॽनु थक्मारे़ लागि आःन्छिङ्मा मे़न्छुक्ते़न्लो॥
Piblisite