आल्ल काक् इक्सादिङ् खाम्बेःक्मोबा यहवे दाङ्बे़ल्ले़ कुमाङ्हुप् सन्दोक् के़बङ्बा निङ्वाॽफुसाम्बाहाॽरे़ खुन्छिॽ लाङ्दाप्पेन् यर्दन वहःङ्ङोबा च्वाःत्तो चुक्किल्ले़, आम्भा खे़न् ये़म्मो थो नु के़गुङ्बा के़युबा यर्दन वहःङ्ङोबा च्वाःत्तिन् कुङ्मा नाॽ हे़क्क्याङ् लुम्सिङ्ङाङ् ये़प्लो॥”
यहोसु 3:16 - लिम्बु16 थोलाम्बा के़युबा च्वाःत्तिन् साॽरिक् नानाक्, सार्तानलाम् निःत्ताङ् आदम मे़प्मनाबा ये़क्यक्कोए कुङ्मा नाॽरे़ हे़क्क्याङ् लुम्सिङ्ङाङ् ने़स्से़ॽ, खम्भ्याङ् अराबाबा वरःङ्, इग्र युम्लाःक्खाङ् वरःङ् ले़प्माङ् के़गुङ्बा के़बेःक्पा च्वाःत्तिन् स्याक् पुॽरे़आङ् चप्प्रे़क् चबे़॥ कल्ले़चोगुल्ले़ मनाहाॽरे़ कत्नाहाङ्दाङ्लाम् यरिहो ले़प्माङ् मे़गाःक्तुआङ् मे़बे॥ Gade chapit la |
यहोसु 3:16
31 Referans Kwoze
सुपरे़ कुदगिबा यर्दन ने़ने़बादे़न्नो, हे़क्क्याङ् खे़ङ्हाॽ मे़युङे़बादे़न्लाम् थिक्नाहाङ् के़ने़बा पारान, तोफेल, लाबान, हसेरोत नु दिसाहातरे़ कुलुम्मोबा यर्दन नाम् गे़न् पिसाङ्बा मुरे़क् खारे़क् थेआङ् के़होप्पादे़न्नो के़रे़क् इस्राइलिहाॽ मोसाःल्ले़ मे़त्तुसिबा पाःन्जाःक्किन् हाबा कन्लो॥
खे़ब्याङ् मोसाःल्ले़ कुहुक्किन् हे़ःत्ताङ्बा वरःङ्ङिल्ले़ कुसम्धाङ् सन्छु हे़क्क्याङ् यहवे दाङ्बे़ल्ले़ नाङ्गे़न् पिसाङ्लाम् साॽरिक् यम्बा सुरित् केजङ् हुसे़र याःन्दु, हे़क्क्याङ् वरःङ्ङिन् एगाङ् नुःक्खे़बेर चोगुआङ् च्वाःत्ते़न् कुलुम्मो से़न्छिङ् हे़क्क्याङ् वरःङ्ङिन् से़ङ्से़ङ्बा खाम्बाङ् पोःक्खे़॥
आङ्गाॽ खे़ॽयो फे़राङ्ङिल्ले़ थेआङ् हाःत्ताङ् होःप्ते़बाबे? आङ्गाॽ पाःन्छाःत्तुङ्सिङ्ङे़ल्ले़ नुगप् के़बिबा थेआङ् एःन्नाङ् मे़वये़ने़म्बाबे? थे आङ्गाॽ आहुक्किन् खे़निॽ थे़ॽमा मे़न्छुक्मना पोःक्खे़आङ् वये़बि? थे खे़निॽ ताङ्से़ःप्मारे़ लागि आङ्गाॽ आमुक्साम्मिन् सुःम्बि? आङ्गाॽ वरःङ्ङिन् चबे़ःत्छिक् फे़ःक्तुङ्ङिल्ले़ खे़न् चप्प्रे़क् चप्लो, वहःङ्हाॽ आङ्गाॽ मुरे़क् खारे़क्पा ये़ःङ्घादे़न् चोगुङ्लो॥ च्वाःत्तिन् सुःम्बाल्ले़ चोगुल्ले़ खे़प्मोबा ङाहाॽ हर्गिॽ मे़गिरो खे़ब्याङ् वामिःक्माल्ले़ मे़सिरो॥
थे खे़ने़ॽ के़साक्के़न्निन् वहःङ्हाॽरे़ कुदक्ले़ङ्वाओ वये़बि, यहवे दाङ्बाए? थे खे़ने़ॽ के़याःक्ले़ॽमान् हःङ्गुहाॽरे़ कुदक्ले़ङ्वाओ वये़बि? खे़ने़ॽ के़अन्हाॽओ नु थङ् के़नाःम्बा के़अन्लाधाहाॽओ के़लोःक्ते़र के़बत्छे़ल्ले़ थे खे़ने़ॽ वरःङ्ङिल्ले़ कुदक्ले़ङ्वाओ खे़ने़ॽ के़सिक् पोगे़आङ् वये़बि?
इस्राइलिहाॽरे़ वहःङ्ङिन् मे़ङ्गाःक्के थारिक् खुन्छिॽ तगि यहवे दाङ्बे़ल्ले़ यर्दन वहःङ्ङोबा च्वाःत्तिन् चप्प्रे़क् चबे़र याःन्दु के़लॽबा पाःन्निन् यर्दन कत्नाहाङ्दाङ् नाम्धा पिसाङ्बा एमोरिहाॽरे़ खुनिॽ के़रे़क् हाङ्हाॽ नु खाम्दोःक्लुम् वरःङ्ङिल्ले़ कुबेसाङ्बा कनानिहाॽरे़ खुन्छिॽ के़रे़क् हाङ्हाॽरे़ मे़घे़प्सु, खे़ब्याङ् खे़ङ्हाॽ इस्राइलिहाॽनु मे़गिसे़बाल्ले़ चोगुल्ले़ खुन्छिॽ सिक्लुङ्माॽ यङ्मा हेःक्ते़ हे़क्क्याङ् खे़ङ्हाॽ इस्राइलिहाॽनु थक्मारे़ लागि आःन्छिङ्मा मे़न्छुक्ते़न्लो॥
खे़न् किप् सुम्सि मनाहाॽरे़ खुन्छिॽ आप्फेक् आप्फेक् सादाङ्हाॽ मे़मुःत्तुल्ले़, यहवे दाङ्बे़ल्ले़ थक्सुबा ने़त्ना साःङ्गाहिम् कुले़ःम् थिक्किन् वेॽइल्ले़ कुदक्ले़ङ्वाओ फोःक्खुसि॥ खे़ब्याङ् मिध्यानि थक्सुबाहाॽ ससेराबा बेथ-सित्ताओ तब्बातरे़ कुयाओबा हाबिल-महोलाबा इःन्दोओ थारिक् मे़घे़त्छिङ्॥
Piblisite