आल्ल खिनिॽ युक् चोःक्मा फाॽआङ् पेःक्मा के़जोगिबा लाजेॽओ यहवे दाङ्बा खिनिॽ निङ्वाॽफुमाङ्ङिल्ले़ के़भे़त्तिॽ, हे़क्क्याङ् खिनिॽनुःल्ले़ आत्तातान्ने यरिक् नु पधुम् के़धुम्बा कन् नुसि मे़न्छाम् सुवाङ्, हित्ति, गिर्गासि, एमोरि, कनानि, परिज्जि, हिब्बि नु यबुसिहाॽ खिनिॽ तगिलाम् खुने़ॽ नाःत्तुदेसुसिॽ,
यहोसु 3:10 - लिम्बु10 कुहिङ्वे़त् निङ्वाॽफुमाङ्ङिन् खिनिॽ लुम्मो वाॽ हे़क्क्याङ् खिनिॽ तगिलाम् कनानि, हित्ति, हिब्बि, परिज्जि, गिर्गासि, एमोरि नु यबुसिहाॽ से़क्खाए नाःत्तुदेसुसि के़लॽबान् हाबा कन्लाम्बाए खिनिॽ निङ्वाॽ के़घोसुम्ॽ॥ Gade chapit la |
यहोसु 3:10
37 Referans Kwoze
दाउदरे़ खुने़ॽ कुबेसाङ् के़ये़प्पा मनाहाॽ सेःन्दोसुसि, “कन् पलिस्तिःन् के़से़प्पा नु अक्तङ्बा कुनामे़न्छाॽ पाःन्निन् इस्राइललाम्बा के़घे़प्पा के़देबा मनाःल्ले़ आक्तङ्बा थुम्घो खोसुबे? कुहिङ्वे़त् निङ्वाॽफुमाङ्ङिल्ले़ कुधक्सुबाहाॽ कुनामे़न्छाॽ के़मे़प्पा कन् हर्दो मे़ङ्हे़क्मनाबा पलिस्तिःन् हाःप्पे?”
कर यहवे दाङ्बाए, खे़ने़ॽग से़क्खाबा निङ्वाॽफुमाङ्ने़रो, खे़ने़ॽग कुहिङ्वे़त् निङ्वाॽफुमाङ्ने़रो हे़क्क्याङ् नुप्मे़न्दिङ्बा पयम् यम्बा हाङ्ने़रो॥ खे़ने़ॽ के़याःक्ले़ॽइल्ले़ इक्सादिङ् खाम्बेःक्मान् लोःक्खुरो॥ इक्सादिङ् खाम्बेःक्मोबा आत्तिन् मे़न्छाम् सुवाङ्हाॽआङ् के़सिक् पोःक्किल्ले़ के़दगि ये़प्मा मे़न्छुक्ने़न्लो॥”
पोङ्मा सुक् खे़न् खाम्बाङ्ङो थङ् के़जोःक्पा थक्मोबे़ल्ले़ के़रे़क् कुबाःन्हाॽ यहवे दाङ्बा आदाङ्बारे़ के़निङ्वाॽफुमाङ्ङिल्ले़ खे़प्सुर, कुहिङ्वे़त् निङ्वाॽफुमाङ्ङिन् कुनामे़न्छाॽ मे़प्मारे़ लागि खे़न् खुने़ॽ कुन्दाङ्बा अस्सुरबा हाङ्ङिल्ले़ पाङ्घु फे़न्छुआङ् वये़, हे़क्क्याङ् यहवे दाङ्बा आदाङ्बारे़ के़निङ्वाॽफुमाङ्ङिल्ले़ खे़न् पाःन्निन् खे़प्सुआङ् खुने़ॽ खे़न् फे़ःक्तुर॥ कल्ले़चोगुल्ले़ के़हिङ्बाहाॽरे़ लागि आल्लसाङ् पेलिगे़न् तुवा तोःन्दे़ॽ॥”
हे़क्क्याङ् निङ्वाॽफुसाम्बा एलाजाररे़ कुस्सा पिनहासरे़ रुबेन, गाद नु मनस्सेरे़ कुमुॽइदाङ्साहाॽ अक्खे मे़त्ते़सुसि, “यहवे दाङ्बे़न् आनिॽनु वाॽरे़त्छ फाॽआङ् आइन् आनिगे निङ्वाॽ खोसुम्बे़, थेआङ्भे़ल्ले़ यहवे दाङ्बे़ल्ले़ कुदक्ले़ङ्वाओ खिनिॽ ताप्फे़ःम्बा याःम्बक् के़जोगुम्बा मे़ःन्लत्छ॥ आल्ल यहवे दाङ्बे़ल्ले़ कुहुक्कोलाम् इस्राइलिहाॽ खिनिॽ के़से़ःप्तुम्सिम्माङ् मे़वाॽ॥”
खे़ल्ले़ याःन्दिक् आङ्गाॽ आसाक्के़न्निन् खे़ङ्हाॽरे़ खुन्छिॽ सम्धाङ् चुक् हे़क्क्याङ् आङ्गाॽ खे़ङ्हाॽ लाप्फेसुङ्सिङ्ॽ, खम्भ्याङ् आङ्गाॽ आनारान् खे़ङ्हाॽलाम् चिक्खुङ्ङाङ् खे़ङ्हाॽ खाप्पुथ्यःङ् मे़मे़क्॥ यरिक् तुक्खे लाक्खेहाॽ नु के़साक्पा पाःन्हाॽ खे़ङ्हाॽरे़ खुन्छिॽ सम्धाङ् इदारो॥ खे़ब्याङ् खे़ल्ले़ याःन्दिक् खे़ङ्हाॽरे़ अक्खे मे़बाःत्तुॽ, ‘आनिॽ निङ्वाॽफुमाङ्ङिन् आनिॽ लुम्मो होप्पाल्ले़ चोगुल्ले़ए आनिॽ सम्धाङ् अक्तङ्बा के़साक्पा तुक्खे लाक्खेहाॽ त्ये़बाग मेःम्बि?’
कल्ले़चोगुल्ले़ खे़ङ्हाॽ मिस्रिहाॽरे़ खुन्छिॽ हुक्कोलाम् ताङ्से़ःप्मासिरे़ लागि नु मिस्र लाजेॽलाम् लःप्मासिआङ् लत्छा ताम्दाम्बा लाजेॽओ के़प्मासिरे़ लागि आङ्गाॽ थ्याङ्ङाङ् वाॽआ॥ खे़न् लाजेन् पित्नु नु सक्वाघु के़गुङ्बा चोक्, खे़प्मो आल्लो कनानि, हित्ति, एमोरि, परिज्जि हिब्बि नु यबुसिहाॽ मे़युङ्ॽ॥
“हे़क्केसाङ् इस्राइलिहाॽ वरःङ्ङिल्ले़ कुयाओबा ये़ःङ्घा यारिक् यरिक् मे़बोङ्ॽ, खे़ङ्हाॽ सिःक्माआङ् सुक्मे़न्दे़त्ने़न् निःप्माआङ् सुक्मे़न्दे़त्ने़न्॥ खे़ङ्हाॽ आत्ति ‘आङ्गाॽ आमनानिङ् मेःन्,’ मे़मे़त्तुसिआङ् वये़, हाबा खे़प्मोए खे़ङ्हाॽ, ‘कुहिङ्वे़त् निङ्वाॽफुमाङ्ङिल्ले़ कुमुॽइदाङ्सानिङ्’ मे़मे़त्तुसिरो॥
आल्ल यर्दन वहःङ् नाम्धा पिसाङ्बा के़रे़क् हाङ्हाॽरे़ थे़मा पोःक्खे़आङ् वये़ के़लॽबा पाःन्निन् मे़घे़प्सु॥ कन् हाङ्हाॽग नाम्धा पिसाङ्बा थे़गु माङ्वाहाॽओबा लाजेॽहाॽओ नु लुम्बाङ् वरःङ्ङिल्ले़ कुया कुया लेबनान थाङ्गे़त् ले़प्माङ् कोःक्माहाॽओ थारिक् के़युङ्बा हित्ति, एमोरि, कनानि, परिज्जि, हिब्बि नु यबुसिहाॽ मे़वये़॥
Piblisite