यहवे दाङ्बा खिनिॽ निङ्वाॽफुमाङ्ङिल्ले़ खिनिॽ लागि मिस्र लाजेॽओ चोगुबा कुइसिक् आत्तिन् माङ्ङिल्ले़ कुसुवाङ्ङिन् वेॽसमा सुवाङ्लाम् लःत्तुसिआङ् आप्फेक् कुमना चोगुसिआङ् वाॽबे? खिनिॽए मिक् तगि खुने़ॽ पयम् यम्बा कुमुक्साम्मिन् नु कुमुक्किन् ओगप् चोगु॥ खुने़ॽ पयम् यम्बा माङ्दुक्मा नु ते़न्धङ् पोगे़र याःन्दु, ने़हिनिङ्वाॽरे़ मे़न्धाप्मनाबा नु निङ्वाॽ के़माबा याःम्बक्हाॽ चोगुआङ् किप्मा के़घुबा पाःन्हाॽ पोःक्खे़र याःन्दु॥
यहोसु 24:7 - लिम्बु7 कर खिनिॽ पाधे़बाहाॽरे़ यहवे दाङ्बे़न् पेलि मे़भाक्तु, हे़क्क्याङ् खुने़ॽ खिनिॽ नु मिस्र के़युङ्बाहाॽरे़ खुन्छिॽ लुम्मो खामाक्ते़र याःन्दुआङ् मिस्रिहाॽओ वरःङ्ङिन् नुःक्तुआङ् खे़ङ्हाॽ हुम्सु केःत्तुसि॥ मिस्र लाजेॽओ आङ्गाॽ थे़मा चोगुङ्, खे़न् खिनिॽ आप्फेक् मिक्किल्ले़ के़निसुम्॥ खे़ब्याङ् खिनिॽ यरिक् ये़न् थारिक् मुरे़क् खारे़क् थेआङ् के़होप्पादे़न्नो के़वयि॥ Gade chapit la |
यहोसु 24:7
14 Referans Kwoze
इस्राइलिहाॽरे़ यहवे दाङ्बे़ल्ले़ कुइङ्जाङ्ङिन् मे़न्इःत्तुन् मे़न्नाःत्तुम्बाल्ले़ चोगुल्ले़ मिस्रलाम् के़लःम्बा के़भे़म्बा के़रे़क् मनाहाॽ, इग्र थक्सुबा पोङ्मा के़लाॽबाहाॽ मे़म्मे़क्के थारिक् खे़ङ्हाॽ मुरे़क् खारे़क् थेआङ् के़होप्पादे़न्नो लिबोङ् तङ्बे खाराक् लाङ्मे़घेगे़आङ् मे़वये़॥ थेआङ्भे़ल्ले़ खे़ङ्हाॽरे़ खुन्छिॽ पाधे़बाहाॽ पिनिङ् मे़त्तुसिआङ् माङ्हुप् चोगुबा पित्नु नु सक्वाघु के़गुङ्बा लाजेन् खे़ङ्हाॽरे़ निमा मे़ङ्घोसुन्ॽ फाॽआङ् खुन्छिॽनु यहवे दाङ्बे़ल्ले़ माङ्हे़क् चोगुआङ् वये़॥
Piblisite