यहोसु 24:32 - लिम्‍बु

³² याकुबरे़ किप् थिक् युप्‍पा कुआःत्‍हाॽरे़ सकेमरे़ कुम्‍बा हमोररे़ कुस्‍साहाॽलाम् इङुबा कुलक् थिक् लाजेॽओ इस्राइलिहाॽरे़ मिस्र लाजेॽलाम् मे़भे़त्तुबा योसेफरे़ कुये़प् कुलुङ्‌सिहाॽ मे़लुप्‍तु॥ खे़न् ते़न्‍निन् योसेफरे़ कुमुॽइदाङ्‌साहाॽरे़ खुन्‍छिॽ लक्‍खोमो थ्‍ये़॥

यहोसु 24:32 Referans Kwoze

तोलिङ्‌सोमु 50:25

हे़क्‍क्‍याङ् युसुफरे़ इस्राइलरे़ कुस्‍साहाॽ माङ्‌हे़क्‍सिङ्‌मा पाङ्‌घुसिआङ् मे़त्तुसि, “निङ्‌वाॽफुमाङ्‌ङिल्‍ले़ खिनिॽ ओगे़मे़त्तिरो, हे़क्‍क्‍याङ् खे़न् ये़म्‍मो आङ्‌गाॽ आये़प्‍पाहाॽ कॽयोलाम् खे़न् लाजेॽओ तेॽरे़म्‍मे़ॽओ॥”

तोलिङ्‌सोमु 33:19

याकुबरे़ खुने़ॽ साःङ्‌गाहिम् लेःत्तुबा ते़न्‍निन् सकेमे़ल्‍ले़ कुम्‍बा हामोरे़ल्‍ले़ कुस्‍साहाॽलाम् किप् थिक् युप्‍पा याङ्‌इत्‍छि कुमे़ल्‍लुङ् केःत्तुआङ् इङु॥

लाम्‍दिक् 13:19

मोसाःल्‍ले़ युसुफरे़ कुये़प् कुलुङ्‌सिहाॽ खुने़ॽनु सोरिक् तेॽरु थेआङ्‌भे़ल्‍ले़ युसुफरे़ इस्राइलिहाॽरे़ हे़क्‍के मे़जोगुर फाॽआङ् खे़ङ्‌हाॽनु माङ्‌हुप् चोगुआङ् वये़॥ योसेफरे़ मे़त्तुसिआङ् वये़, “आल्‍ल निङ्‌वाॽफुमाङ्‌ङिल्‍ले़ खिनिॽ चोःक्‌युम्‍भो के़बिरिल्‍ले़, आङ्‌गाॽ आये़प् आलुङ्‌सिहाॽआङ् खिनिॽ कन् ते़न्‍नोलाम् के़देॽरुम्‍ल पोङ्‌ॽ॥”

सेःक्‌युक्‍मिबाहाॽ 7:16

खुनिॽ थक्‍हाॽ सेक्‍केम लाजेॽओ मे़देॽरुआङ् अब्राहामरे़ हामोररे़ कुस्‍साहाॽलाम् इङुआङ् वये़बा इःप्‍पुङ्‌दे़न्‍नो मे़लुप्‍तुसिरो॥

हिब्रु 11:22

नसाःन्‍लाम्‍बाए युसुफरे़आङ् सिमा इःत्ते़ल्‍ले़ इस्राइलिहाॽ मिस्र लाजेॽलाम् मे़लन् मे़बेःक्‍पा पाःन्‍निन् चे़क्‍खुआङ् खे़न् ये़म्‍मो कुये़प्‍पिन्‍नाङ् खुनिॽनुए मे़देॽरुर लॽरिक् इङ्‌जाङ् पिरुसिरो॥

युहुन्‍ना 4:5

हे़क्‍केलॽरिक् खुने़ॽ याकुबरे़ कुस्‍सा युसुफे़न् पिरुबा योॽबाःल्‍ले़ कुबेसाङ् सुखार मे़प्‍मनाबा सामरिया पाङ्‌भेॽओ के़रे़॥

तोलिङ्‌सोमु 48:22

खे़न्‍नुःल्‍ले़ वेॽग के़म्‍भुॽ के़न्‍साॽसिनुःल्‍ले़ खे़ने़ॽ यरिक् के़जोःक्‍पाल्‍ले़ चोगुल्‍ले़ आङ्‌गाॽ आबाङे आदाभे नु आदोःङ् आलिरे़ एमोरिहाॽरे़ खुन्‍छिॽ हुक्‍कोलाम् आङ्‌गाॽइन् चोगुङ्‌बा कोःक्‍मा थे़गुधिक् खे़ने़ॽ पिने़रो॥”

सेःक्‌युक्‍मिबाहाॽ 7:15

हे़क्‍क्‍याङ् याकुब नु कुहिम्‍सयङ्‌हाॽ मिस्रओ मे़बे॥ याङ्‌सि खुने़ॽ नु कुस्‍साहाॽ खे़प्‍मोए मे़स्‍ये़॥

तोलिङ्‌सोमु 50:24

खे़ब्‍याङ् युसुफरे़ कुम्‍भुॽसि मे़त्तुसि, “आङ्‌गाॽ आसिमा ये़म् के़रे़, कर से़क्‍खासाङ् निङ्‌वाॽफुमाङ्‌ङिल्‍ले़ के़भाॽरिरो, हे़क्‍क्‍याङ् खुने़ॽ कन् मिस्र लाजेॽलाम्‍बा आब्राहाम्, इसहाक हे़क्‍क्‍याङ् याकुबे़न्‍नु माङ्‌हुप् चोगुबा लाजेॽओ खिनिॽ के़देॽरिरो॥”