यहोसु 24:21 - लिम्‍बु

²¹ कर मनाहाॽरे़ यहोसुन् मे़मे़त्तु, “मेःन्, यहवे दाङ्‌बाओए आनिगे माङ्‌से़वा याःम्‍बक् चोगुम्‍बे़॥”

यहोसु 24:21 Referans Kwoze

यसैया 44:5

कुभारे़ मे़बाःत्तुरो, ‘आङ्‌गाॽ यहवे दाङ्‌बे़ल्‍ले़ कुमनाआरो॥’ वेॽइल्‍ले़ पाःत्तुरो, ‘आङ्‌गाॽ याकुबरे़ कुधाःक्‍साआरो॥’ कुभारे़ खुन्‍छिॽ हुक्‍को यहवे दाङ्‌बे़ल्‍ले़ कुमिङ् मे़साप्‍तुरो, हे़क्‍क्‍याङ् इस्राइलरे़ कुमिङ्‌ङिन् आबाङे खुन्‍छिॽइन् हे़क्‍के मिङ् मे़लोःक्‍खुरो॥”

लाम्‍दिक् 20:19

खे़ङ्‌हाॽरे़ मोसान् मे़मे़त्तु, “खे़ने़ॽ आनिगे़नु के़बाःत्‍ने़भग्र आनिगे खे़ने़ॽ के़बाःन्‍निन् खे़प्‍सुम्‍बे़, कर निङ्‌वाॽफुमाङ्‌ङिन् आनिगे़नु पाःत्‍ने़भग्र आनिगे स्‍ये़ॽइगे़ फाॽआङ् किसिगे़॥”

लाम्‍दिक् 19:8

के़रे़क् मनाहाॽरे़ थिक्‍ले़ङ्‌ले़ अक्‍खे मे़बाःत्तु, “यहवे दाङ्‌बे़ल्‍ले़ पाःत्तुबा के़रे़क् पाःन्‍हाॽ आनिगे इःत्तुम् नाःत्तुम्‍बे़रो॥” खे़ब्‍याङ् मनाहाॽरे़ मे़बाःत्तुबा नोगप्‍पिन् मोसाःल्‍ले़ यहवे दाङ्‌बे़न् मे़त्तु॥

साम्‌योथिम् इङ् 26:17

यहवे दाङ्‌बे़न् आनिगे निङ्‌वाॽफुमाङ्‌लो, आनिगे खुने़ॽ कुलाम्‍मो लाङ्‌घेगिगे़ हे़क्‍क्‍याङ् खुने़ॽ कुसाक्‍थिम्, कुइङ्‌जाङ् नु कुधिम्‍हाॽ तिम्‍दुम्‍बे़, खे़ब्‍याङ् खुने़ॽ कुबाःन्‍जाक्‍किन् इःत्तुम्‍बे़ नाःत्तुम्‍बे़ फाॽआङ् आइन् निःन्‍धो के़जोगुम्‍माङ् के़वयिॽ॥

लाम्‍दिक् 24:7

खे़न् एगाङ् खुने़ॽ यहवे दाङ्‌बे़ल्‍ले़ कुइङ्‌जाङ्‌हाॽ साप्‍मनाबा माङ्‌हुप् साप्‍पन्‍निन् याङ्‌सिङ् हे़क्‍क्‍याङ् मनाहाॽरे़ खुनिॽ तगि मे़घे़प्‍सुर निरुआङ् खे़म्‍बाङ्‌घुसि॥ मनाहाॽरे़ मे़बाःत्तु, “यहवे दाङ्‌बाल्‍ले़ कुइङ्‌जाङ्‌ङिन् आनिगे इःत्तुम् नाःत्तुम्‍बे़रो हे़क्‍क्‍याङ् यहवे दाङ्‌बाल्‍ले़ इङ्‌जाङ् चोगुबा के़रे़क् पाःन्‍हाॽ आनिगे के़त्तुम्‍बे़रो॥”

लाम्‍दिक् 24:3

मोसान् पेआङ् यहवे दाङ्‌बाल्‍ले़ के़रे़क् कुइङ्‌जाङ्‌हाॽ नु कुसाम्‌यो साक्‍थिम्‍हाॽ मनाहाॽ चे़क्‍तुसि॥ मनाहाॽरे़ थिक्‍ले़ङ्‌ले़ नोगप् मे़बिरु, “यहवे दाङ्‌बे़ल्‍ले़ पाःत्तुबा के़रे़क् पाःन्‍हाॽ आनिगे के़त्तुम्‍बे़॥”

यहोसु 24:20

यहवे दाङ्‌बे़न् खिनिॽ के़ले़रुम्‍माङ् वेॽ माङ्‌हाॽ से़वा के़मे़त्तुम्‍सिम्‍ने़भग्र आल्‍लो थारिक् खुने़ॽ खिनिॽ लागि नुबा चोगुसाङ् खिनिॽ लागि ताप्‍फे़ःम्‍बा चोःक्‍से़ खुने़ॽ नुःङ्‌ङाङ् खिनिॽ युम्रे़क् के़मे़क्‍खिॽ॥”

यहोसु 24:22

खे़ब्‍याङ् यहोसुःल्‍ले़ खे़ङ्‌हाॽ मे़त्तुसि, “यहवे दाङ्‌बाओ माङ्‌से़वा चोःक्‍मा खिनिॽ आप्‍फेक्‍के निःन्‍धो के़जोगुम्‍बा पाःन्‍नो खिनिॽ आप्‍फेक् तोःन्‍दि के़बोःक्‍खिआङ् के़वयिॽ॥” खे़ङ्‌हाॽरे़ मे़बाःत्तु, “आनिगे आप्‍फेक्‍के तोःन्‍दि वयिगे़रो॥”