मुक्साम्दाङ्बा यहवे दाङ्बे़ल्ले़ अक्खे पाःत्तुॽ—“खे़न् ये़न्नो के़रे़क् मे़न्छाम् सुवाङ्हाॽलाम् नु के़रे़क् पाःन्दाङ् के़बाःप्पाहाॽओलाम् थिबोङ् मनारे़ लत्छा यहुदिन् कुदेःत् फे़राओ मे़दे़म्सुआङ् अक्खे मे़मे़त्तुॽ, ‘आनिगे खे़ने़ॽनु सोरिक् पेगिगे़, थेआङ्भे़ल्ले़ निङ्वाॽफुमाङ्ङिन् खे़ने़ॽनु वाॽ फाॽआङ् आनिगे खे़प्सुम्बे़आङ् वयिगे़रो॥’”
यहोसु 24:18 - लिम्बु18 यहवे दाङ्बे़ल्ले़ आनिगे तगिलाम् के़रे़क् सुवाङ्हाॽ कन् लाजेॽओ के़युङ्बा एमोरिहाॽआङ् नाःत्तुदेसुसि॥ कल्ले़चोगुल्ले़ आनिगे़आङ् यहवे दाङ्बाओ माङ्से़वा याःम्बक् चोगुम्बे़, थेआङ्भे़ल्ले़ खुने़ॽए आनिगे निङ्वाॽफुमाङ्लो॥” Gade chapit la |
यहोसु 24:18
13 Referans Kwoze
यरिक् मे़न्छाम् सुवाङ्हाॽ मे़दाआङ् अक्खे मे़बाःत्तुरो, “त्ये़म्मे़ॽओ, यहवे दाङ्बे़ल्ले़ कुगोःक्मान् लिङुम्लो, हे़क्क्याङ् याकुबरे़ कुनिङ्वाॽफुमाङ्ङिल्ले़ कुहिम्मो पेगिरो॥ खुने़ॽ कुलाम्मो लाङ्घेःक्मा आनिॽ आहुॽरो, हे़क्केलॽरिक् आनिॽ खुने़ॽ कुलाम्मो लाङ्घेःक्मा आसुक्लरो॥” थेआङ्भे़ल्ले़ साम्योथिम् इङ्जाङ्ङिन् सियोनलाम् तारो, हे़क्क्याङ् यहवे दाङ्बे़ल्ले़ कुबाःन्जाक्किन् यरुसले़मलाम् लःन्लो॥
हे़क्केलॽरिक् मिस्रिहाॽ अदङ् चोगुङ्सिङ्ङाङ् खुन्छिॽ निङ्वान् हादिङ् के़धक्पा चोगुङ् पिरुङ्सिङ् हे़क्क्याङ् खे़ङ्हाॽरे़ खुन्छिॽ लुम्मो निङ्वाॽ के़माबा याःम्बक्हाॽ चोगुङ्बान् खिनिॽ सामे़न्छाॽहाॽ मे़प्मा के़सुक्तुम्सिम्ल॥ हे़क्क्याङ् खिनिॽ के़रे़क्ले़ आङ्गाॽ यहवे दाङ्बाआ फाॽआङ् कुसिङ् के़निःत्तुम्ॽ॥”
“आङ्गाॽ खिनिॽ इःन्दोन् हे़ःत्ताङ्बा वरःङ्ङोनु पलिस्तिहाॽरे़ खुन्छिॽ लुम्बा वरःङ् थारिक्, हे़क्क्याङ् मुरे़ःक् खे़रे़ःक् थेआङ् के़होःप्पादे़न्नाङ् कत्ना युफ्रेतिस थारिक्के ने़स्सुङ् पिनिङ्ॽ॥ आङ्गाॽ खे़न् लाजेॽबा यक्युङ्बाहाॽ खिनिॽ हुक्को थासुङ्सिङ्ॽ, खे़ब्याङ् खिनिॽ खे़ङ्हाॽ के़नाःत्तुम् के़देसुम्सिम्ॽ॥
थेआङ्भे़ल्ले़ यहवे दाङ्बा आनिगे निङ्वाॽफुमाङ्ङिल्ले़ए आनिगे नु आनिगे पाधे़बाहाॽ मिस्र लाजेॽबा योक् पोङ्मा हिम्मोलाम् चोःक्युम्भो पिरुसिआङ् लःत्तु फे़त्तुसिबारो, हे़क्क्याङ् आनिगे मिक्किल्ले़ निसुरए हे़क्तङ्बा यम्बा निङ्वाॽ के़माबा याःम्बक् चोगु॥ खम्भ्याङ् आनिगे आत्ति पेगिगे़साङ्, आत्तिन् सुवाङ्हाॽरे़ खुन्छिॽ लुम्मोलाम् आनिगे फे़रिगे़साङ् खुने़ॽ आनिगे ताङ्से़ःप्तिगे़॥
Piblisite