यहोसु 24:14 - लिम्बु14 “कल्ले़चोगुल्ले़ आल्ल यहवे दाङ्बे़न्नु खिनिॽ किसे़म्मे़ॽ, हे़क्क्याङ् नसाःन्साबा पोःक्खे़म्मे़ॽआङ् खुने़ॽ माङ्से़वा मे़त्ते़म्मे़ॽ॥ खिनिॽ पाधे़बाहाॽरे़ युफ्रेतिस वहःङ् नाधाःम्बि नु मिस्र लाजेॽओ से़वा मे़मे़त्तुसिबा माङ्हाॽ लाप्फुसे़म्सिम्मे़ॽ, हे़क्क्याङ् यहवे दाङ्बाओ माङ्से़वा याःम्बक् चोगे़म्मे़ॽ॥ Gade chapit la |
यहोसु 24:14
34 Referans Kwoze
कल्ले़चोगुल्ले़ आल्ल इस्राइलिसे, यहवे दाङ्बा खिनिॽ निङ्वाॽफुमाङ्ङिल्ले़ खिनिॽलाम् खोमा इःत्तुबा पाःन्हाॽ हाबा कन्लो—यहवे दाङ्बा निङ्वाॽफुमाङ्ङिन्नु खिनिॽ किसे़म्मे़ॽ, खुने़ॽ के़रे़क् कुलाम्हाॽओ लाङ्घेगे़म्मे़ॽ, खुने़ॽ मिःम्जि मे़त्ते़म्मे़ॽ, खिनिॽ के़रे़क् सिक्लुङ्माॽ नु सक्मा साम्मिल्ले़ निङ्वाॽफुमाङ्ङिन् माङ्से़वा मे़त्ते़म्मे़ॽ,
कन् इक्सा खाम्बेःक्मोरक् मेःन्, कर खिनिॽ तगिआङ् निङ्वाॽफुमाङ्ङिल्ले़ कुनिङ्वाॽ कुइसिक् आनिगे ये़प्ले़क्किन् सेसे नु कुदोःप्मा कत्तुम्बे़ के़लॽबा पाःन्निन् मुरा मे़न्याए पाःप्मा सुक्तुम्बे़रो॥ कङ्ग मे़न्छाम् याप्मि सिक्कुम् निङ्वाॽरे़ कत्तुम्बे़बा मेःन्, कर निङ्वाॽफुमाङ्ङिल्ले़ कुलुङ्गुम्लाम्बा कत्तुम्बे़बारो॥
खे़ने़ॽ के़से़वारोबा माङ्निङ्वाॽपान् के़बाःप्पाहाॽलाम् खे़न् आनिगे याप्मि के़बिरे़आङ् वये़॥ खे़न् आनिगे युक्तुम्बे़आङ् युङिगे़बा लाजेन् लत्थिक् आसुत्थो लाजेॽ चोक् फाॽआङ् खे़ङ्हाॽरे़ आनिगे याप्मि मे़मे़त्तिगे़आङ् वये़ थेआङ्भे़ल्ले़ खे़प्मो के़युङ्बा मनाहाॽरे़ खे़न् लाजेन् थिक् कुसुक्पोनु वेॽसमा कुसुक्पो थारिक् याम्गे़सिङ्बा याःम्बक्हाॽरे़ मे़धिम्सुआङ् ने़ःॽ॥
खे़ङ्हाॽरे़ आल्ल मे़ःन्दा नारा नावाइत्लाहाॽ से़वा मे़म्मे़त्तुसिन्ल हे़क्क्याङ् खुन्छिॽ मे़दोन्दुबा सिदुङ्जभाःल्ले़ आङ्गाॽनु नसान् के़ले़ङ्बा चोगुसिआङ् याम्बोःप्मा याःम्बक् के़जोःक्पा हे़क्तङ्बा मे़जोगुसिन्ल॥ खे़ङ्हाॽ नु खे़ङ्हाॽरे़ खुन्छिॽ थाःक्थाःक्ले़ लागि कन् सदादिङ्बा थिम् पोङ्ल॥’
हे़क्क्याङ् सामुए़लरे़ के़रे़क् इस्राइलि सुवाङ्हाॽ अक्खे मे़त्तुसि, “खे़निॽ के़हिन्दिआङ् काक् निङ्वान् के़हिसुम् हे़क्क्याङ् यहवे दाङ्बाओ के़नुःक्खिबाने़फग्र थिम्मे़न्दङ् सुवाङ्हाॽरे़ खुनिॽ माङ्हाॽ नु अस्तोरेत नावाइत्लाहाॽ खे़निॽलाम् खे़त्ताम् तेसाम्से़ॽ॥ खे़निॽ आबाङे के़रे़क् निङ्वाॽरे़ यहवे दाङ्बाओ तोःन्नासिम्मे़ॽ हे़क्क्याङ् खुने़ॽरक् माङ्से़वा मे़त्ताम्मे़ॽ, हे़क्के के़जोगुम्ने़फग्र खुने़ॽ पलिस्तिहाॽरे़ खुनिॽ हुक्लाम्बा के़से़ःप्ति॥”
यहवे दाङ्बान् खे़निॽ मिङ्सो इङ्धाङ् के़बिरुम्माङ् खुने़ॽ कुसे़वा के़जोगुम्, हे़क्क्याङ् खुने़ॽ पाःत्तुबा पाःन्हाॽरे़ कुदक्ले़ङ्वाओ मे़म्बोःक्के इःप्मा नाःप्मा ते़न्दिङ् के़जोगुम्, हे़क्क्याङ् खे़निॽ हाङ्ङिन् नु खे़निॽ यहवे दाङ्बा निङ्वाॽफुमाङ्ङो नसाःन्साबा के़बोक्खिने़भग्र, खे़निॽ के़नुरि के़दासिॽ॥
मे़न्छाम् याप्मिए, आत्तिन् पाःन्निन् नुबा चोक्, खुने़ॽ खे़न् खे़ने़ॽ ओसेःन्गे़धाक्ते़आङ् वाॽरो॥ हे़क्क्याङ् यहवे दाङ्बे़ल्ले़ खे़ने़ॽलाम् थे़मा खोमा निङ्वाॽ चोगु? खे़ने़ॽ कुदोःप्मा याःम्बक् चोगे़ॽ, कम्भ्रक् निङ्वाॽ चोगुॽ हे़क्क्याङ् वेॽहाॽ लुङ्माॽ तुक्ते़से़ॽओ खे़ब्याङ् निङ्वाॽफुमाङ्ङिन्नु नःम्नःम्माङ् वये़ॽओ॥
Piblisite