यहोसु 24:13 - लिम्‍बु

¹³ कम्‍भलॽरिक् खिनिॽ स्‍याङ्‌मे़न्‍दाङ् याःम्‍बुदिक् मे़न्‍जोःक्‍केबा लाजेन् नु खिनिॽ आप्‍फेक् के़न्‍जोगुम्‍मिम्‍बा ये़क्‌यक्‍हाॽ खिनिॽ पिनिङ्॥ खिनिॽ खे़प्‍मो के़युङिर के़वयिॽ, हे़क्‍क्‍याङ् खिनिॽ आप्‍फेक् के़ल्‍लेःत्तुम्‍मिम्‍बा चे़ल्‍ले़क्‍सेॽहाॽ नु चैतुन सिङ्‌सेॽहाॽ के़जाम्‍ल के़वयिॽ॥’

यहोसु 24:13 Referans Kwoze

साम्‌योथिम् इङ् 8:7

थेआङ्‌भे़ल्‍ले़ यहवे दाङ्‌बा खिनिॽ निङ्‌वाॽफुमाङ्‌ङिल्‍ले़ खिनिॽ लत्‍छा नुबा लाजेॽओ के़देॽरिर के़बत्‍छिॽ॥ खे़प्‍मो वहःङ् यहःङ् नु वाबुन्‍दाक्‌वा के़लाक्‍पा के़लःम्‍बा च्‍वाःत्तिन् कोःक्‍मा फाङ्‌जङ् नु ने़ने़बादे़न् पोङ्‌ङाङ् कुङ्‌लो॥

खाहुन् 13:22

के़नुॽबा मनाहाॽरे़ खुन्‍छिॽ सामे़न्‍छाॽहाॽरे़ लागि पालाम्‍बाबा याङ्‌साकुन्‍धे मे़ले़रु मे़धाॽरुसिरो, कर लायोबाहाॽरे़ खुन्‍छिॽ याङ्‌साकुन्‍धेन् साम्‌योबाहाॽरे़ खुन्‍छिॽ लागि मे़लुप्‍सुरो॥

यहोसु 21:45

यहवे दाङ्‌बे़ल्‍ले़ इस्राइलिहाॽनु माङ्‌हुप् चोगुआङ् वये़बा नुबा पाःन्‍हाॽ लत्‍छाआङ् मे़ङ्‌गे़प्‍मनाबा मे़म्‍बोङ्‌ङे के़रे़क् के़रे़रो॥

यहोसु 11:13

यहोसुःल्‍ले़ हासोर ये़क्‌यक्‍किन्‍लक् मिधिक्‍खु कर उःक्‍चम्‍जम्‍बादे़न्‍हाॽओ के़ने़बा वेॽ आत्तिन् ये़क्‌यक्‍किन्‍नाङ् इस्राइलिहाॽरे़ मि मे़न्‍धिक्‍खुन्॥

लाम्‍दिक् 6:8

आत्तिन् लाजेन् आङ्‌गाॽ अब्राहाम, इसहाक नु याकुबे़न् पिनिङ् मे़त्तुङ्‌सिङ्‌ङाङ् माङ्‌हुप् चोगुङ्‌ङाङ् वये़, खे़न् लाजेॽओ आङ्‌गाॽ खिनिॽ के़त्‍निङ्‌ॽ हे़क्‍क्‍याङ् खे़न् लाजेन् आङ्‌गाॽ खिनिॽ युक्‍को पिनिङ्‌ॽ॥ आङ्‌गाॽए यहवे दाङ्‌बाआरो॥’”

साम्‌योथिम् इङ् 19:1

यहवे दाङ्‌बा खिनिॽ निङ्‌वाॽफुमाङ्‌ङिल्‍ले़ खे़न् मे़न्‍छाम् सुवाङ्‌हाॽ मे़क्‍खुसिॽ हे़क्‍क्‍याङ् खे़ङ्‌हाॽरे़ खुनिॽ लाजेन् खिनिॽ युक्‍को के़बिरिॽ खे़ब्‍याङ् खिनिॽ खे़ङ्‌हाॽ लाःक्‍कात् के़नाःत्तुम् के़देसुम्‍मसिम्‌ॽ हे़क्‍क्‍याङ् खे़ङ्‌हाॽरे़ खुन्‍छिॽ हिम्‍हाॽओ के़लासिआङ् के़युङिॽ,