यहोसु 24:12 - लिम्‍बु

¹² आङ्‌गाॽ खिनिॽ तगितगि सावा सक्‌वा थिक् पाङ्‌घुङ्‌देसुङ्, खे़ल्‍ले़ खे़ङ्‌हाॽ, एमोरिहाॽरे़ खुन्‍छिॽ ने़त्‍छि हाङ्‌हाॽआङ् खिनिॽ तगिलाम् नाःत्तुदेसुसि॥ खे़न् खिनिॽ आप्‍फेक् ताभे नु लिःल्‍ले़ चोःक्‍मा मे़बोःक्‍खे़न्॥

यहोसु 24:12 Referans Kwoze

साम्‌योथिम् इङ् 7:20

कन्‍नुःल्‍ले़ वेॽ यहवे दाङ्‌बा खिनिॽ निङ्‌वाॽफुमाङ्‌ङिल्‍ले़ खे़ङ्‌हाॽरे़ खुन्‍छिॽ के़दाङ्‌बा के़याःक्‍पा नु खिनिॽलाम् के़जिङ्‌सिङ्‌बाहाॽ मे़म्‍मे़क्‍ने़न्‍ल थारिक् खे़ङ्‌हाॽरे़ खुन्‍छिॽ लुम्‍मो सावाहाॽ पाङ्‌घु तासुसिॽ॥

लाम्‍दिक् 23:28

खिनिॽ निङ्‌मिहाॽ आङ्‌गाॽ यङ्‌मा मे़सिर याःन्‍दुङ्‌सिङ्‌ॽ॥ खिनिॽ तगि के़बोरिर के़बेगिल्‍ले़ हिब्‍बिहाॽ, कनानिहाॽ, हित्तिहाॽ आङ्‌गाॽ नाःत्तुङ्‌सिङ्‌ॽ॥

लाम्‍दिक् 23:31

“आङ्‌गाॽ खिनिॽ इःन्‍दोन् हे़ःत्ताङ्‌बा वरःङ्‌ङोनु पलिस्‍तिहाॽरे़ खुन्‍छिॽ लुम्‍बा वरःङ् थारिक्, हे़क्‍क्‍याङ् मुरे़ःक् खे़रे़ःक् थेआङ् के़होःप्‍पादे़न्‍नाङ् कत्‍ना युफ्रेतिस थारिक्‍के ने़स्‍सुङ् पिनिङ्‌ॽ॥ आङ्‌गाॽ खे़न् लाजेॽबा यक्‌युङ्‌बाहाॽ खिनिॽ हुक्‍को थासुङ्‌सिङ्‌ॽ, खे़ब्‍याङ् खिनिॽ खे़ङ्‌हाॽ के़नाःत्तुम् के़देसुम्‍सिम्‌ॽ॥

निङ्‌वाॽफु साम्‍लोसुम् 80:9

खे़न् चिनॽनॽ लॽरिक् पोधाङ्‌ल फाॽआङ् खाम्‍मिन् के़साःक्‍तुरो, हे़क्‍क्‍याङ् खे़न् कुसाःप् लेःत्‍छिङ्‌ङाङ् लाजेॽ खाराक् उःङ्‌सिङ्‌ल ताबे़बेरो॥

खानिःत् 21:31

कम्‍भलॽरिक् इस्राइलिहाॽ एमोरिहाॽरे़ खुन्‍छिॽ लाजेॽओ युङ्‌मा मे़हेःक्‍ते़॥

खानिःत् 21:32

मोसाःल्‍ले़ याजेरे़न् थोःम्‍मारे़ लागि मनाहाॽ पाङ्‌घुसि हे़क्‍क्‍याङ् खे़न् एगाङ् इस्राइलिहाॽरे़ खे़न् कब्रिङ् पिसाङ्‌बा पाङ्‌भेॽहाॽ हुक्‍काप् मे़जोगुआङ् खे़प्‍मोबा एमोरिहाॽ मे़नाःत्तुमे़देसुसि॥

साम्‌योथिम् इङ् 4:46

कन् थिम्‍हाॽ मोसाःल्‍ले़ यर्दनलाम् नाङ्‌गे़न् पिसाङ् बेथ-पोर तगाङ्‌बा ने़ने़बादे़न् हेस्‍बोनओ हाङ्‌युक् के़जोःक्‍पा एमोरिहाॽरे़ खुनिॽ हाङ् सिहोनरे़ कुलाजेॽओ पिरुसिआङ् वये़॥ मोसान् नु इस्राइलिहाॽ मिस्रलाम् मे़लःन्‍दे़ मे़भे़रे़र मे़बत्‍छे़ल्‍ले़ सिहोने़न् मे़नाःन्‍दु॥

साम्‌योथिम् इङ् 4:47

इस्राइलिहाॽरे़ खुने़ॽ कुलाजेन् नु बासानबा हाङ् ओगरे़ कुलाजेन्, हे़क्‍क्‍याङ् यर्दन नाङ्‌गे़न् पिसाङ् के़ने़बा ने़त्‍छि एमोरि हाङ्‌हाॽरे़ खुन्‍छिॽ लाजेॽहाॽ युक् मे़जोगु॥

साम्‌योथिम् इङ् 31:4

“एमोरिहाॽरे़ खुन्‍छिॽ हाङ्‌हाॽ सिहोने़न् नु ओगे़न् मे़क्‍खुसिबा कुइसिक् यहवे दाङ्‌बे़ल्‍ले़ खे़ङ्‌हाॽरे़ खुन्‍छिॽ लाजेःन्‍नाङ् मे़क्‍खुॽ॥

यहोसु 2:10

मिस्र लाजेॽलाम् खिनिॽ के़लःन्‍दि के़भे़रिल्‍ले़ खिनिॽ तगि निङ्‌वाॽफुमाङ्‌ङिल्‍ले़ हे़ःत्ताङ्‌बा वरःङ्‌ङोबा च्‍वाःत्तिन् चप्‍प्रे़क् चबे़र याःन्‍दुबा नु यर्दन नाङ्‌गे़न् पिसाङ्‌बा एमोरिहाॽरे़ खुन्‍छिॽ ने़प्‍माङ् हाङ्‌हाॽ, सिहोननु ओगे़न् खिनिॽ वरे़ङ्‌ले़ङ् के़मे़क्‍खुम्‍सिम्‍बान्‍नाङ् आनिगे खे़प्‍सुम्‍बे़आङ् वाॽ॥

निङ्‌वाॽफु साम्‍लोसुम् 80:10

खे़ल्‍ले़ कोःक्‍मा फाङ्‌जङ्‌हाॽ इःप्‍तुरो, हे़क्‍क्‍याङ् कुबोराक्‍हाॽरे़ यम्बयम्‍बा साम्‍माङ्‌सिङ्‌हाॽ थेःक्‍तुरो॥

निङ्‌वाॽफु साम्‍लोसुम् 135:11

खुने़ॽ एमोरिहाॽरे़ खुनिॽ हाङ् सिहोने़न् नु बासानबा हाङ् ओगे़न् से़रुसिरो, खे़ब्‍याङ् कनानबा के़रे़क् हाङ्‌हाॽआङ् से़रुसिरो॥