यहोसु 23:4 - लिम्‍बु

⁴ खिनिॽ निङ्‌वाॽ इःत्ते़म्‍मे़ॽ, यर्दनलाम् नाम्‍धा ले़प्‍माङ् लुम्‍बा वरःङ्‌ङो थारिक् कन् के़दाङ्‌बा के़याःक्‍पा मे़न्‍छाम् सुवाङ्‌हाॽरे़ इग्र आङ्‌गाॽ नाःन्‍दुङ्‌सिङ्‌बा मे़न्‍छाम् सुवाङ्‌हाॽरे़ खुन्‍छिॽ लाजेन् खिनिॽ थाःक्‍हाॽरे़ खुन्‍छिॽ युक्‍को फःक्‍खुङ् पिरुङ्‌सिङ्‌ङाङ् ने़रो॥

यहोसु 23:4 Referans Kwoze

यहोसु 18:10

हे़क्‍क्‍याङ् यहोसुःल्‍ले़ यहवे दाङ्‌बे़ल्‍ले़ कुदगि सिलोओ खे़ङ्‌हाॽरे़ खुन्‍छिॽ तॽयाःन्‍सोन् के़सु, हे़क्‍क्‍याङ् हाबा खे़प्‍मोए यहोसुःल्‍ले़ खे़ङ्‌हाॽरे़ खुन्‍छिॽ लक् कुइसिक् इस्राइलिहाॽ खे़न् लाजेन् फःक्‍खु पिरुसिरो॥

यहोसु 13:2

आल्‍लसाङ् के़याःक्‍पा लाजेॽहाॽ हाबा कन्‍हाॽएरो—पलिस्‍तिहाॽरे़ खुन्‍छिॽ के़रे़क् ते़ङ्‌गप्‍हाॽ नु गसुरिहाॽ,

लाम्‍दिक् 23:30

आङ्‌गाॽ खे़ङ्‌हाॽ खिनिॽ तगिलाम् याःक्‌याःक्‍काङ् नाःत्तुङ्‌देसुङ्‌सिङ्‌ॽ हे़क्‍क्‍याङ् कन् लाजेन् के़रे़क् खिनिॽ हुक्‍को मे़न्‍धाए थारिक् आङ्‌गाॽ खिनिॽ फोनिङ्‌ॽ॥

साम्‌योथिम् इङ् 12:29

खिनिॽ ते़न्‍धङ् के़जोगिआङ् नाःप्‍मादेमा के़जोगुम्‍सिम्‍बा मे़न्‍छाम् सुवाङ्‌हाॽ, यहवे दाङ्‌बा खिनिॽ निङ्‌वाॽफुमाङ्‌ङिल्‍ले़ खे़ङ्‌हाॽ खिनिॽ तगाङ्‌ङे मे़क्‍खुसिॽ॥ कर खे़ङ्‌हाॽ के़नाःत्तुम् के़देसुम्‍सिम्‍माङ् आल्‍ल खुन्‍छिॽ लाजेॽओ के़युङिॽ,

खासे़न्‍लोःम्‍बा 2:21

आल्‍ल यहोसुःल्‍ले़ कुसिमा ये़म्‍मो ले़रुधसिबा कन् के़रे़क् सुवाङ्‌हाॽलाम् लत्‍छा आत्तिन् सुवाङ्‌ङिन्‍नाङ् इस्राइललाम् आङ्‌गाॽ मे़नाःत्तान् मे़देआन्॥

निङ्‌वाॽफु साम्‍लोसुम् 78:55

खे़न् लाजेॽओ खुने़ॽ कुमनाहाॽ तगि मे़बोरे़ल्‍ले़ खे़प्‍मोबा मे़न्‍छाम् सुवाङ्‌हाॽ नाःत्तुदेसिरो, खे़ङ्‌हाॽरे़ खुनिॽ लाजेॽ सिङ्‌बुङ्‌हाॽ इस्राइलि सुवाङ्‌हाॽ हाःत्तुसिरो, हे़क्‍क्‍याङ् खे़प्‍मोबा मनाहाॽरे़ खुनिॽ हिम्‍धाःङ्‌हाॽओ इस्राइलि सुवाङ्‌हाॽ युक्‍खुसिरो॥

निङ्‌वाॽफु साम्‍लोसुम् 105:11

खुने़ॽ पाःत्तु, “खे़ने़ॽ कनान लाजेन् पिने़रो, हे़क्‍क्‍याङ् खे़न् खे़ने़ॽ के़लक् पोङ्‌लो॥”

सपन्‍याह 3:6

“आङ्‌गाॽ मे़न्‍छाम् सुवाङ्‌हाॽ मे़क्‍खुङ्‌सिङ्‌ङाङ् वाॽआरो, खे़ङ्‌हाॽरे़ खुन्‍छिॽ माराम्‍हाॽ मना मेःन्‍नेबा चोगुङ्‌ङाङ् ने़रो, खे़प्‍मो आत्तिन्‍हाॽआङ् लाङ्‌मे़ङ्‌घेःक्‍ने़न्‍लो॥ खे़ङ्‌हाॽरे़ खुन्‍छिॽ ये़क्‌यक्‍हाॽ खाप्‍पुथ्‍यःङ् पोःक्‍खे़आङ् ने़रो, खे़प्‍मो हाःत्ताङ् मे़न्‌युङ्‌ने़न्‍लो॥