यहोसु 22:8 - लिम्‍बु

⁸ हे़क्‍क्‍याङ् खे़ङ्‌हाॽ अक्‍खे मे़त्तुसि, “यरिक् याङ्‌साकुन्‍धे नु यरिक् थक्‍साहाॽ याङ्‌ङासिम्‍मे़ॽ हे़क्‍क्‍याङ् साम्‍म्‍याङ्, युप्‍पा, कासा, फे़न्‍जेॽ नु यरिक् चाङ्‌हाॽ तेॽरे़म्‍मे़ॽआङ् खिनिॽ आप्‍फेक् आप्‍फेक् हिम्‍हाॽओ नुःक्‍खे़म् पेगे़म्‍मे़ॽ॥ खिनिॽ निङ्‌मिहाॽओलाम् के़नाप्‍तुम्‍सिम्‍बा के़रे़क् पाःन्‍हाॽ खिनिॽ आप्‍फेक् फुॽनुसाॽहाॽओ फःक्‍खे़म्‍मे़ॽ॥”

यहोसु 22:8 Referans Kwoze

खानिःत् 31:27

थङ्‌ङो के़बेःक्‍पा थक्‍सुबाहाॽरे़ खुन्‍छिॽ लुम्‍मो नु वेॽ के़रे़क् सङ्‌जुम्‍भोःल्‍ले़ खुन्‍छिॽ लुम्‍मो खे़न् चिगक्‌वा सामाहाॽ कुलक् ने़त्‍छि चोगे़म्‍मे़ॽआङ् फःक्‍खे़म्‍मे़ॽ॥

खाहुन् 3:16

सिक्‍कुम्‍दिङ् निङ्‌वाःल्‍ले़ कुजुक्‌वा हुक्‍को थाःक् चाॽमान् नु कुभे़ङ्‌वा हुक्‍को याङ्‌साकुन्‍धे नु मिङ्‌सो इङ्‌धाङ् पोङ्‌लो॥

१ सामुए़ल 30:24

खे़निॽ के़बाःत्तुम्‍बा हे़क्‍केग हात् ते़म्‍बाबे? चिगक्‌वा कोसे़ के़युङ्‌बाहाॽरे़ थङ्‌ङो के़बेःक्‍पाहाॽनु कुदङ्‌बा लक् मे़घोसुॽ॥ के़रे़क्‍ले़ कुदङ्‌बा लक् मे़घोसुॽ॥”

हिब्रु 11:26

मिस्र लाजेॽसमा याङ्‌साकुन्‍धेःन्‍नुःल्‍ले़ग ख्रिस्‍तरे़ कुलागि निङ्‌घुम्‍मो थामाए नुबा इःत्तुरो, थेआङ्‌भे़ल्‍ले़ खुने़ॽ कुनिङ्‌वाॽइन् ताःन्‍दि खोगे़दे़प्‍पा थुम्‍घोओ पत्‍छे़रो॥

१ कोरन्‍थि 15:58

खे़ल्‍ले़चोगुल्‍ले़ आमिःम् फुॽनुसाॽ नु ने़ॽनुसाॽसे, खिनिॽ के़धुम्‍बा पोःक्‍खे़म्‍मे़ॽआङ् मे़म्‍मुन्‍ने वये़म्‍मे़ॽओ॥ दाङ्‌बाल्‍ले़ कुयाःम्‍बक्‍को सदादिङ् पोरे़म्‍मे़ॽर पेगे़म्‍मे़ॽओ॥ थेआङ्‌भे़ल्‍ले़ दाङ्‌बाल्‍ले़ लागि खिनिॽ याम्‍बुधिक्‍किन् चामे़सोःक्‍ने़न् फाॽआङ् के़निसुम्‍माङ् के़वयिॽरो॥

निङ्‌वाॽफु साम्‍लोसुम् 68:12

“हाङ् नु थक्‍सुबाहाॽ हःन्‍दामे़ले़क्‍ल मे़घे़त्‍छिङ् मे़बेःक्‍लो, तुराहाॽरे़ मे़नाप्‍तुसिबा चिगक्‌वाहाॽ हिम्‍मो के़वाॽमा मे़न्‍छुमाहाॽरे़ मे़हासु मे़भःक्‍खुरो॥

२ साप्‍मुःन्‍धुम् 17:5

यहवे दाङ्‌बे़ल्‍ले़ खे़ल्‍ले़ कुयुक्‍को खुने़ॽ कुहाङ्‌जुम्‍मिन् थधप् मे़ल्‍लॽमनाबा चोगु, हे़क्‍क्‍याङ् यहुदाबा के़रे़क्‍ले़ खुने़ॽओ हुक्‌वाहाॽ मे़दोन्‍दु॥ खुने़ॽ साॽरिक् याङ्‌साकुन्‍धेसाबा नु कुमिङ्‌सो कुधाःङ्‌सो के़इङ्‌बा पोःक्‍खे़॥

१ सामुए़ल 30:16

हे़क्‍क्‍याङ् खे़ल्‍ले़ लाम् ओःन्‍धाक्‍तुर यो तेॽरु॥ खे़प्‍मो अमाले़किहाॽ के़रे़क् पिसाङ् मे़से़रे़आङ् मे़जर, मे़धुङुर हे़क्‍क्‍याङ् पलिस्‍ति नु यहुदा लाजेॽहाॽलाम् मे़नाप्‍तुसिबा चिगक्‌वाहाॽ लुम्‍सिङ्‌बा ते़न्‍नो सोसोःत्‍लराःङ् चोःक्‍नु मे़यागे़॥

२ साप्‍मुःन्‍धुम् 32:27

हिजकियाःल्‍ले़ यरिक् कुयाङ्‌साकुन्‍धे कत्तुआङ् वये़ हे़क्‍क्‍याङ् मिङ्‌सोधाःङ्‌सो खोसुआङ् वये़॥ खुने़ॽ कुसाम्‍म्‍याङ् नु कुयुप्‍पा, इमे़ल्‍लुङ्‌बा मुधिङ्‌लुङ्‌हाॽ नु मारुक्‍हाॽ, खोहाॽ नु वेॽ कुमे़न् के़घिःक्‍पा सामाहाॽरे़ लागि थाःङ्‌हाॽ चोगु॥

१ साप्‍मुःन्‍धुम् 5:9

नाङ्‌गे़न् पिसाङ् खे़ङ्‌हाॽरे़ युफ्रेतिस वहःङ् थारिक् के़बोबा मुरे़क् खारे़क् थेआङ् के़होप्‍पा ये़ःङ्‌घादे़न्‍निल्‍ले़ कुयाओ थे़म्‍बा लत्‍छा ते़ङ्‌गप्‍पिन् मे़युक्‍तुआङ् ने़स्‍से़, थेआङ्‌भे़ल्‍ले़ गिलादओ खे़ङ्‌हाॽरे़ खुन्‍छिॽ पित्‍थक्‍साहाॽ यरिक् मे़बोन्‍दे़आङ् वये़॥