यहोसु 22:5 - लिम्बु5 यहवे दाङ्बा खिनिॽ निङ्वाॽफुमाङ्ङिन् मिःम्जि मे़त्ते़म्मे़ॽ, खुने़ॽ के़रे़क् कुलाम्हाॽओ लाङ्घेगे़म्मे़ॽ, खुने़ॽ कुइङ्जाङ्हाॽ इःत्ते़म् नाःत्ते़म्मे़ॽ, खुने़ॽओए पत्छे़म्मे़ॽ, खिनिॽ सिक्लुङ्माॽ नु निङ्वाःल्ले़ खुने़ॽओ माङ्से़वा याःम्बक् चोगे़म्मे़ॽ फाॽआङ् यहवे दाङ्बे़ल्ले़ कुसे़वारोबा मोसाःल्ले़ खिनिॽ के़बिरिबा इङ्जाङ्ङिन् नु साम्योथिम् इङ्जाङ्ङिन् निङ्वाॽ पिरे़म्मे़ॽआङ् इःत्ते़म् नाःत्ते़म्मे़ॽ॥” Gade chapit la |
यहोसु 22:5
50 Referans Kwoze
हे़क्क्याङ् खुने़ॽ पाःत्तु, “यहवे दाङ्बा खिनिॽ आबाङे निङ्वाॽफुमाङ्ङिल्ले़ कुबाःन्निन् ये़क्ये़क्काङ् के़घे़प्सुम्, खुने़ॽ कुनिमो आत्तिन् पाःन्निन् कुदोःप्मा चोक् खे़न् के़जोगुम्, हे़क्क्याङ् खुने़ॽ कुइङ्जाङ्हाॽ निङ्वाॽ के़बिरुम्, खे़ब्याङ् खुने़ॽ कुधिम्हाॽ इःप्मा नाःप्मा के़दे़न्दिने़भग्र, आङ्गाॽ मिस्रिहाॽरे़ खुनिॽ सम्धाङ् तारुङ्बा तुक्मा लाःक्माहाॽ खिनिॽ सम्धाङ् लत्छाआङ् मे़दाःत्तान्, थेआङ्भे़ल्ले़ खिनिॽ के़वेःम्बा आङ्गाॽ यहवे दाङ्बाआरो॥”
खरे़ःङ् मेःम्बा पाःन्नो थेआङ् याङ् चागे़सोःक्खुम्बाबे? हे़क्क्याङ् सिक्मे़न्एःप्मनाबा पाःन्नो थेआङ् स्याङ्मे़न्दाङ् याःम्बक् के़जोगिबाबे? नुरिक्काङ् खे़प्साम्मे़ॽ, सिङ्सिङ् ये़क्ये़क्काङ् आबाःन्निन् खे़प्साम्मे़ॽओ, खे़ब्याङ् आत्तिन् कुजान् नुबा चोक् आम्भा खे़न् चाम्मे़ॽओ, हे़क्केलॽरिक् कुजागे़नुॽबा कुजाहाॽ के़जाम्माङ् खिनिॽ सक्मासाम्मिन् कुनिङ्वाॽ तारो॥
हे़क्क्याङ् सामुए़लरे़ के़रे़क् इस्राइलि सुवाङ्हाॽ अक्खे मे़त्तुसि, “खे़निॽ के़हिन्दिआङ् काक् निङ्वान् के़हिसुम् हे़क्क्याङ् यहवे दाङ्बाओ के़नुःक्खिबाने़फग्र थिम्मे़न्दङ् सुवाङ्हाॽरे़ खुनिॽ माङ्हाॽ नु अस्तोरेत नावाइत्लाहाॽ खे़निॽलाम् खे़त्ताम् तेसाम्से़ॽ॥ खे़निॽ आबाङे के़रे़क् निङ्वाॽरे़ यहवे दाङ्बाओ तोःन्नासिम्मे़ॽ हे़क्क्याङ् खुने़ॽरक् माङ्से़वा मे़त्ताम्मे़ॽ, हे़क्के के़जोगुम्ने़फग्र खुने़ॽ पलिस्तिहाॽरे़ खुनिॽ हुक्लाम्बा के़से़ःप्ति॥”
कर सिङ्सिङ् वये़म्मे़ॽ हे़क्क्याङ् आप्फेक् निङ्वाॽ ये़क्ये़क् लॽरे़म्मे़ॽ, हे़क्केलॽरिक् खिनिॽ मिक्किल्ले़ के़निसुम्बा पाःन्हाॽ निङ्वाॽ मे़भेःत्छे़म्मिन्ने़ॽ हे़क्क्याङ् खे़न् खिनिॽ हिङ्हिङ् थारिक् खिनिॽ निङ्वाॽओनु मे़लःन्ने़न् मे़बेःक्ने़न्ल॥ खे़ङ्हाॽ खिनिॽ साहाॽ नु मे़न्छाॽहाॽ हुॽरे़म्सिम्मे़ॽ॥
खिनिॽ खे़न् इङ्जाङ्हाॽओ ते़न्दे़म्मे़ॽ हे़क्क्याङ् इःत्ते़म् नाःत्ते़म्मे़ॽ, थेआङ्भे़ल्ले़ आम्भा कन्लाम् वेॽ सुवाङ्हाॽरे़ खुन्छिॽ तगि खिनिॽ सिक्कुम्दिङ् निङ्वान् नु खासिङ्निःप्मान् इङ्मे़भोसुॽ॥ कन् के़रे़क् थिम्हाॽ मे़घे़प्सुआङ् खे़ङ्हाॽरे़ अक्खे मे़बाःत्तुॽ, “से़क्खासाङ् कन् पयम् यम्बा सुवाङ्बा मनाहाॽ साॽरिक् सिक्कुम्साबा नु खासिङ् के़निःप्पासिरे़त्छ!”
थिक्ले़ङ् आङ्गाॽ आमनाहाॽ खे़ङ्हाॽरे़ बाल साम्माङ्ङिन् माङ्से़वा मे़प्मा मे़हुॽरुसि कर आल्ल खे़ङ्हाॽरे़ ‘से़क्खाए यहवे दाङ्बे़न् कुहिङ्वे़त् वाॽबा कुइसिक्’ माङ्मे़हे़क्सिङ् हे़क्क्याङ् आमनाहाॽरे़ खुन्छिॽ सुत्नाःन् नुरिक्काङ् मे़हुॽसिङ्ने़भग्र खे़ङ्हाॽ आङ्गाॽ आमनाहाॽरे़ खुन्छिॽ लुम्मो मे़युक्खुसि॥
हे़क्क्याङ् खे़ङ्हाॽरे़ निङ्वाॽफुमाङ्ङिल्ले़ कुसे़वारोबा मोसारे़ कुसाम्लो नु मे़ल्लुक्साःल्ले़ कुसाम्लोन् अक्खेलॽरिक् साम्मे़मे़त्तु, “मुक्साम्दाङ्बा निङ्वाॽफुमाङ्ङे, खे़ने़ॽ के़याःम्बक्हाॽग पयम् यम्बा नु निङ्वाॽ के़माबा चोक्लो॥ काक् मे़न्छाम् सुवाङ्हाॽरे़ खुनिॽ हाङ्ङे, खे़ने़ॽ के़लाम्हाॽग नुबा नु से़क्खाबा चोक्लो॥
Piblisite