यहोसु 22:4 - लिम्‍बु

⁴ आल्‍ल यहवे दाङ्‌बा खिनिॽ निङ्‌वाॽफुमाङ्‌ङिल्‍ले़ पाःत्तुबा कुइसिक् खिनिॽ फुॽनुसाॽहाॽ नाःम्‍सिङ्‌मा के़बिरुम्‍सिम्‍माङ् वाॽ॥ कल्‍ले़चोगुल्‍ले़ आल्‍ल खिनिॽ नुःक्‍खे़म्‍मे़ॽआङ् यहवे दाङ्‌बे़ल्‍ले़ कुसे़वारोबा मोसाःल्‍ले़ यर्दन नाधाःम्‍बि खिनिॽ युक्‍मारे़ लागि के़बिरिबा खिनिॽ आप्‍फेक् लाजेॽओ पेगे़म्‍मे़ॽ॥

यहोसु 22:4 Referans Kwoze

यहोसु 13:8

यहवे दाङ्‌बे़ल्‍ले़ कुसे़वारोबा मोसाःल्‍ले़ खे़ङ्‌हाॽ पिरुसिबा कुइसिक् रुबेनिहाॽ नु गादिहाॽ हे़क्‍क्‍याङ् मनस्‍सेबा कुभ्रे़ःङ् थाःक्‍हाॽरे़ नाङ्‌गे़न् पिसाङ् यर्दन नाधाःम्‍बि खे़ङ्‌हाॽरे़ खुन्‍छिॽ खोमा लक्‍किन् मे़घोसुरो॥

खानिःत् 32:18

इस्राइलबा के़रे़क् मनाहाॽरे़ खुन्‍छिॽ युक्‍कोबा लक्‍हाॽ मे़ङ्‌घोसुन्‍ल थारिक् हिम्‍मो आनिगे मे़नुःक्‍खिगे़न्‌ॽ॥

साम्‌योथिम् इङ् 3:20

यहवे दाङ्‌बे़ल्‍ले़ खिनिॽ हे़क्‍केए खिनिॽ फुॽनुसाॽहाॽ नाःम्‍सिङ्‌मा मे़म्‍बिसे थारिक्, हे़क्‍क्‍याङ् यहवे दाङ्‌बा खिनिॽ निङ्‌वाॽफुमाङ्‌ङिल्‍ले़ यर्दन नाम्‍धा पिसाङ् पिरुसिबा लाजेन् खे़ङ्‌हाॽरे़ युक् मे़न्‍जोःक्‍के थारिक्, खिनिॽ अक्‍खे चोगे़म्‍मे़ॽ॥ खे़न् एगाङ् आङ्‌गाॽ खिनिॽ युक्‍को पिनिङ्‌बा लाजेॽओ खिनिॽ के़रे़क् नुःङ्‌माभे़म्‍मा के़सुक्‍तिॽ॥”

यहोसु 13:15

मोसाःल्‍ले़ रुबेनरे़ कुधाःक्‍हाॽ हिम्‍सयङ् कुइसिक् खे़ङ्‌हाॽ अक्‍खेलॽरिक् फःक्‍खु पिरुसिरो—

साम्‌योथिम् इङ् 29:8

हे़क्‍क्‍याङ् आनिॽ खे़ङ्‌हाॽरे़ खुन्‍छिॽ लाजेॽहाॽ हुक्‍काप् चोःक्‍मनाआङ्, रुबेनि, गादि नु मनस्‍सेरे़ कुभ्रे़ःङ् कुधाःक्‍हाॽ खे़न् खुन्‍छिॽ खोमा लक् कुसिङ् आबिरुम्‍सिम्॥

साम्‌योथिम् इङ् 12:9

थेआङ्‌भे़ल्‍ले़ यहवे दाङ्‌बा खिनिॽ निङ्‌वाॽफुमाङ्‌ङिल्‍ले़ खिनिॽ नाःम्‍सिङ्‌मादे़न् नु लक्‍खोमा पिमा के़जोगिआङ् ने़रो, खे़प्‍मो आल्‍लसाङ् खिनिॽ मे़ङ्‌गे़त्ते के़वयिॽ॥

हिब्रु 4:8

थेआङ्‌भे़ल्‍ले़ यहोसुरे़ खे़ङ्‌हाॽ कन् नाःम्‍सिङ्‌मा ते़न्‍निन् पिरुसिआङ् वये़ल्‍ले़ग निङ्‌वाॽफुमाङ्‌ङिल्‍ले़ हे़क्‍केलॽरिक् वेॽसमा नाःम्‍सिङ् ये़न्‍निल्‍ले़ कुयाःम्‍बेओ याङ्‌सि मे़बाःत्तुन्‍बामे़न्॥

लाम्‍दिक् 33:14

हे़क्‍क्‍याङ् यहवे दाङ्‌बे़ल्‍ले़ पाःत्तु, “आङ्‌गाॽ खे़ने़ॽनु पेःक्‍का, खे़ब्‍याङ् आङ्‌गाॽ खे़ने़ॽ नाःम्‍सिङ्‌मा पिने़॥”

यहोसु 1:15

हे़क्‍क्‍याङ् आल्‍ल खिनिॽ नाःम्‍सिङ्‌मा के़बिरिबा हे़क्‍केए यहवे दाङ्‌बे़ल्‍ले़ खे़ङ्‌हाॽआङ् नाःम्‍सिङ्‌मा मे़बिरुसिन्‍ल थारिक् यहवे दाङ्‌बा खिनिॽ निङ्‌वाॽफुमाङ्‌ङिल्‍ले़ खिनिॽ पिमा के़जोगिबा लाजेन् खे़ङ्‌हाॽरे़ युक् मे़न्‍जोःक्‍के थारिक् खिनिॽ खे़ङ्‌हाॽ के़भाॽरुम्‍सिम्‍ल पोङ्‌ॽ॥ खे़न् एगाङ् यहवे दाङ्‌बे़ल्‍ले़ कुसे़वारोबा मोसाःल्‍ले़ यर्दन वहःङ् नाधाःम्‍बिबा नाङ्‌गे़न् ले़प्‍माङ् खिनिॽ के़म्‍बिरिबा लाजेॽओ नुःङ्‌मा फे़म्‍माआङ् खे़न् युक्‍मा के़सुक्‍तुम्‌ॽ॥”

यहोसु 22:3

यरिक् ये़म्‍माङ्‌धो आइन् थारिक् खिनिॽ फुॽनुसाॽहाॽ मे़ल्‍ले़त्ते के़गत्तुम्‍सिम्‌ॽ, कर यहवे दाङ्‌बा खिनिॽ निङ्‌वाॽफुमाङ्‌ङिल्‍ले़ के़बिरिबा याःम्‍बक्‍हाॽ के़गे़त्तुम्‍माङ् के़वयिॽ॥

यहोसु 12:6

यहवे दाङ्‌बे़ल्‍ले़ कुसे़वारोबा मोसान् नु इस्राइलिहाॽरे़ खे़ङ्‌हाॽ मे़नाःन्‍दुसि॥ यहवे दाङ्‌बे़ल्‍ले़ कुसे़वारोबा मोसाःल्‍ले़ रुबेनिहाॽ, गादिहाॽ नु मनस्‍सेबा कुभ्रे़ःङ् थाःक्‍हाॽ युक्‍ले़ लागि खे़न् पिरुसिरो॥

१ साप्‍मुःन्‍धुम् 22:18

“थे यहवे दाङ्‌बा खिनिॽ निङ्‌वाॽफुमाङ्‌ङिन् खिनिॽनु होःप्‍पि? खुने़ॽ के़रे़क् पिसाङ् खिनिॽ ताप्‍थेक् याम्‍धेक् के़गत्तिबा होःप्‍पि? खुने़ॽ कन् लाजेॽओबा मनाहाॽ आङ्‌गाॽ आयुक्‍को युक्‍खुसिआङ् वाॽ॥ खे़ङ्‌हाॽ यहवे दाङ्‌बान् नु खुने़ॽ कुमनाहाॽरे़ खुन्‍छिॽ युक्‍को मे़वाॽ॥