यहोसुःल्ले़ के़रे़क् मनाहाॽ मे़त्तुसि, “ओमे़त्ते़म्मे़ॽ, कन् लुङ्ङिन् आनिॽ तक्ले़ङ्वाओ तोःन्दि पोङ्ॽ, थेआङ्भे़ल्ले़ यहवे दाङ्बे़ल्ले़ आनिॽ आमे़त्ते़बा के़रे़क् पाःन्हाॽ कल्ले़ खे़प्सुआङ् वाॽ॥ खिनिॽ आबाङे निङ्वाॽफुमाङ्ङिन् के़नाॽरुम्ने़भग्र खे़न् खिनिॽ तक्ले़ङ्वाओ तोःन्दि पोङ्ॽ॥”
यहोसु 22:27 - लिम्बु27 कर आनिगे नु खिनिॽ लुम्मो हे़क्क्याङ् आनिॽ ताःन्दिबा थाःक्हाॽरे़ खुन्छिॽ लुम्मो कन् लत्छा तोःन्दिरे़ लागि पोङ्ल, हे़क्केलॽरिक् आनिॽ मिधिङ्मनादेमनाबा वयागे़न् सिदुङ्जभाहाॽ, सिदुङ्जभाहाॽ नु तङ्जुम् वयागे़न् सिदुङ्जभाहाॽ आयाङ्ङासिआङ् यहवे दाङ्बाओ खुने़ॽ कुदगिए आनिॽ माङ्से़वा आजोगुम्ॽ॥ हे़क्क्याङ् खिनिॽ मुॽइदाङ्साहाॽरे़ आनिगे मुॽइदाङ्साहाॽ अक्खे मे़प्मा मे़ङ्घोसुसिन्ल, ‘यहवे दाङ्बाओ खिनिॽ खोमा लक् थेआङ् होप्॥’ Gade chapit la |
यहोसु 22:27
14 Referans Kwoze
खे़ब्याङ् यहवे दाङ्बा खिनिॽ निङ्वाॽफुमाङ्ङिल्ले़ आप्फेक् कुमिङ् युङ्मारे़ लागि खुने़ॽ सेगुबा ते़न्नो आङ्गाॽ खिनिॽ पिनिङ्बा इङ्जाङ् खिनिॽ मिधिङ्मनादेमनाबा सिदुङ्जभा, वयागे़न् सिदुङ्जभाहाॽ, खिनिॽ थिबोङ्लक्, तोःम्माए के़बोङ्बा हुक्वाहाॽ नु खिनिॽ यहवे दाङ्बे़ल्ले़ कुलागि माङ्हुप् के़जोगुम्बा नुःब्नुबा पाःन्हाॽ तारे़म्मे़ॽ॥
निङ्वाॽसोक्ले़ लागि लुम्मनाबा कन् लुङ्ङिन् नु कन् सित्लाङ्ङिन् पर्माङ्गि तोःन्दि पोङ्ल, कन् लुङ् लुम्मनाबा ते़न्निन् काःक्तुङ्ङाङ् नाहाङ्दाङ् आङ्गाॽ खे़ने़ॽओ हान्ति चोःक्से़ मे़भे़न्आन् हे़क्क्याङ् खे़ने़ॽआङ् निङ्वाॽसोक्ले़ लागि कन् लुम्मनाबा लुङ्ङिन् नु सित्लाङ्ङिन् मे़गाःक्ते़न्ने़ॽआङ् आङ्गाॽओ हान्ति चोःक्से़ मे़म्भे़न्ने़ॽ॥
“हे़क्क्याङ् खे़ङ्हाॽरे़ आनिगे इग्र आनिगे मुॽइदाङ्साहाॽ ताये़म्मो हे़क्के मे़मे़त्तुसिल्ले़ आनिगे अक्खे मे़त्तुम्सिम्बे़ फाॽआङ् निङ्वाॽ इःत्तुम्बे़, ‘ओमे़त्ते़म्मे़ॽ, आनिगे पाधे़बाहाॽरे़ यहवे दाङ्बाओ ले़त्ति तोःम्मादे़न् हे़क्तङ्बा थिक् मे़जोगुआङ् युङ्ॽ, कन् मिधिङ्मनादेमनाबा वयागे़न् सिदुङ्जभाहाॽ नु सिदुङ्जभाहाॽरे़ लागि मेःन्, कर आनिगे नु खिनिॽ लुम्मो तोःन्दिरे़ लागि मे़जोगुबारो॥’
Piblisite