यहोसु 22:20 - लिम्बु20 जेरहरे़ कुस्सा आकानरे़ खाप्पुथ्यःङ् मे़ङ्माआङ् तोःम्मनाबा चिगक्वाहाॽओ फे़न्याःम्बक् चोगुल्ले़ थे यहवे दाङ्बे़ल्ले़ कुस्साक्के़न्निन् इस्राइलबा के़रे़क् सङ्जुम्भोहाॽओ मे़ध्ये़ने़म्बि? कुभे़न् याःम्बक्किल्ले़ चोगुल्ले़ खे़न् मनाःन्लक् मे़स्ये़ने़न्॥’” Gade chapit la |
कर खाप्पुथ्यःङ् मे़जोगुआङ् यहवे दाङ्बाओ मे़दोन्दुबा पाःन्हाॽओ इस्राइलिहाॽरे़ लायो मे़जोगु॥ यहुदा थाःक्कोबा, जेरहरे़ कुस्सा जब्दिरे़ कुमुॽइदाङ्सा कार्मिरे़ कुस्सा आकान मे़प्मनाबा मनाधिक्ले़ कन् मे़दोन्दुबा पाःन्हाॽ कुभा खुःत्तुआङ् वये़, खे़ल्ले़चोगुल्ले़ यहवे दाङ्बे़न् इस्राइलिहाॽनु साॽरिक् कुसिक् पोगे़॥
खे़ब्याङ् के़रे़क् इस्राइलिहाॽनु सोरिक् यहोसुःल्ले़ जेरह थाःक्कोबा आकाने़न् नु खे़न् युप्पाःन्, लगेःत्तिन् हे़क्क्याङ् साम्म्याङ् तक्काःत्तिन्, खे़ब्याङ् खे़ल्ले़ कुस्सा ये़म्बित्छाहाॽ नु मे़न्छुमाहाॽ, हे़क्क्याङ् खे़ल्ले़ कुबित्हाॽ, कुअदङ्हाॽ, खम्भ्याङ् कुमे़ल्लुक्हाॽ नु कुसाःङ्गाहिम्मिन् हे़क्क्याङ् खे़ल्ले़ कत्तुबा के़वाॽ मे़न्वाॽ के़रे़क् पाःन्हाॽ आकोरबा ने़ने़बादे़न्नो मे़देॽरु॥
खे़ब्याङ् मोसाःल्ले़ हारुने़न् नु खे़ल्ले़ कुस्सा एलाजार नु इतामारे़न् मे़त्तुसि, “खिनिॽ थे़गेःक्कोबा थे़गेःक्इःन् ताङ्जिङ्सा मे़ले़रे़म्मिन्ने़ॽ, खिनिॽ चाङ्हाॽ मे़धे़ःक्खे़म्मिन्ने़ॽ, मेःन्ने़भग्र खिनिॽ के़स्ये़ॽइ हे़क्क्याङ् के़रे़क् सङ्जुम्भोहाॽओ यहवे दाङ्बे़ल्ले़ कुसाक्के़न्निन् थाःॽ॥ कर यहवे दाङ्बे़ल्ले़ पाङ्घुबा मिधुङ्दिङ् मिराःक्किल्ले़ खाप्पुथ्यःङ् के़बोङ्बाआङ् के़सिबाहाॽरे़ लागि खिनिॽ काॽइहाॽरे़, इस्राइलबा के़रे़क् हिम्सयङ्हाॽ मे़रिङ् मे़धक्किल्ले़ पोङ्ॽ॥