यहोसु 22:18 - लिम्बु18 थे आइन् याम्मो यहवे दाङ्बे़न् लाम्बा खिनिॽ माःङ्घा के़बोःक्खिर के़बत्छिबि? आइन् यहवे दाङ्बे़ल्ले़ कुदक्ले़ङ्वाओ खिनिॽ पिफ्युङ्बा के़बोक्खिने़भग्र, ताःन्दिक् इस्राइलबा के़रे़क् सङ्जुम्भोहाॽनु खुने़ॽ कुयाःक्ले़ॽ॥ Gade chapit la |
यहोसु 22:18
20 Referans Kwoze
“निङ्वाॽफुमाङ्ङिल्ले़ के़रे़क् कुसङ्जुम्भोहाॽरे़ अक्खे मे़बाःत्तुॽ—‘इस्राइलबा निङ्वाॽफुमाङ्ङिल्ले़ कुदक्ले़ङ्वाओ खिनिॽ आक्खेलॽरिक् अक्तङ्बा ताप्फे़ःम्बा याःम्बक् के़जोगुम्माङ् के़वयिॽ? खिनिॽ आल्लो आक्खेलॽरिक् यहवे दाङ्बे़ल्ले़ कुदक्ले़ङ्वाओ पिफ्युङ्बा के़बोःक्खिॽ हे़क्क्याङ् खुने़ॽ तिम्मा नाःप्मा के़नाॽरुम्माङ् खिनिॽ आप्फेक् लागि कन् ले़त्ति तोःम्मादे़न्निन् के़जोगुम्माङ् युङ्बाबे?
योसियाहःल्ले़ इस्राइलिहाॽरे़ खुन्छिॽ के़रे़क् ते़ङ्गप्हाॽओलाम् याम्गे़सिङ्बा खक्पे़त् नावाइत्लाहाॽ इःक्खुदेसुसि, हे़क्क्याङ् इस्राइलओ के़युङ्बाहाॽ के़रे़क् यहवे दाङ्बे़न् माङ्से़वा मे़प्मा पाङ्घुसि॥ खुने़ॽ कुहिङ्हिङ् यहवे दाङ्बा खे़ङ्हाॽरे़ खुन्छिॽ पाधे़बाहाॽरे़ हुन्छिॽ निङ्वाॽफुमाङ्ङिन् तिम्मा नाःप्मालाम् एगाङ् मे़न्नुःक्से़न्लो॥
यहवे दाङ्बान् खे़निॽ मिङ्सो इङ्धाङ् के़बिरुम्माङ् खुने़ॽ कुसे़वा के़जोगुम्, हे़क्क्याङ् खुने़ॽ पाःत्तुबा पाःन्हाॽरे़ कुदक्ले़ङ्वाओ मे़म्बोःक्के इःप्मा नाःप्मा ते़न्दिङ् के़जोगुम्, हे़क्क्याङ् खे़निॽ हाङ्ङिन् नु खे़निॽ यहवे दाङ्बा निङ्वाॽफुमाङ्ङो नसाःन्साबा के़बोक्खिने़भग्र, खे़निॽ के़नुरि के़दासिॽ॥
आल्ल नाप्मनासिबा याङ्सा कुन्धेहाॽओ बेबिलोनिया लाजेॽओबा लत्छा नुबा लगेःत्, किप् ने़त्छि सेकेल यारिक् के़लिःप्पा युप्पा नु ङाबोङ् सेकेल यारिक् के़लिःप्पा लत्छा साम्म्याङ् तक्कात् थिक् आङ्गाॽ निसुङ्, खे़ब्याङ् आङ्गाॽ आमिक् लासे़आङ् खे़ङ्हाॽ आङ्गाॽ तेॽरुङ्॥ खे़ङ्हाॽ आङ्गाॽ आसाःङ्गाहिम् लुम्मो खाम्बाङ् सिगाङ् लुप्तुङ्ङाङ् याक्, हे़क्क्याङ् के़रे़क्नुःल्ले़ मु युप्पान् याक्॥”
इस्राइलरे़ लायो चोगुआङ् वाॽ॥ आङ्गाॽ इःत्ते़म् नाःत्ते़म्मे़ॽ फाॽआङ् इङ्जाङ् पिरुङ्सिङ्बा माङ्हुप्पिन् खे़ङ्हाॽरे़ मे़भेःन्दुआङ् वाॽ॥ मे़ङ्मारे़ लागि तोःम्मनाबा कुभा पाःन्हाॽ खे़ङ्हाॽरे़ मे़देॽरुआङ् वाॽ॥ खे़ङ्हाॽरे़ मे़घुःत्तुआङ् वाॽ हे़क्क्याङ् इङ्ले़क्पा याःम्बक् मे़जोगुआङ् खे़ङ्हाॽरे़ खे़न् सामाहाॽ खुन्छिॽ आप्फेक् चिगक्वाहाॽनु मे़जिक्खुआङ् वाॽ॥
कर खाप्पुथ्यःङ् मे़जोगुआङ् यहवे दाङ्बाओ मे़दोन्दुबा पाःन्हाॽओ इस्राइलिहाॽरे़ लायो मे़जोगु॥ यहुदा थाःक्कोबा, जेरहरे़ कुस्सा जब्दिरे़ कुमुॽइदाङ्सा कार्मिरे़ कुस्सा आकान मे़प्मनाबा मनाधिक्ले़ कन् मे़दोन्दुबा पाःन्हाॽ कुभा खुःत्तुआङ् वये़, खे़ल्ले़चोगुल्ले़ यहवे दाङ्बे़न् इस्राइलिहाॽनु साॽरिक् कुसिक् पोगे़॥
खे़ब्याङ् मोसाःल्ले़ हारुने़न् नु खे़ल्ले़ कुस्सा एलाजार नु इतामारे़न् मे़त्तुसि, “खिनिॽ थे़गेःक्कोबा थे़गेःक्इःन् ताङ्जिङ्सा मे़ले़रे़म्मिन्ने़ॽ, खिनिॽ चाङ्हाॽ मे़धे़ःक्खे़म्मिन्ने़ॽ, मेःन्ने़भग्र खिनिॽ के़स्ये़ॽइ हे़क्क्याङ् के़रे़क् सङ्जुम्भोहाॽओ यहवे दाङ्बे़ल्ले़ कुसाक्के़न्निन् थाःॽ॥ कर यहवे दाङ्बे़ल्ले़ पाङ्घुबा मिधुङ्दिङ् मिराःक्किल्ले़ खाप्पुथ्यःङ् के़बोङ्बाआङ् के़सिबाहाॽरे़ लागि खिनिॽ काॽइहाॽरे़, इस्राइलबा के़रे़क् हिम्सयङ्हाॽ मे़रिङ् मे़धक्किल्ले़ पोङ्ॽ॥
Piblisite