खिनिॽनु के़बाःप्पा निङ्वाॽफुमाङ्ङिन् मे़न्नाॽमा फाॽआङ् सिङ्सिङ् लॽरे़म्मे़ॽओ॥ थेआङ्भे़ल्ले़ इक्साबा इङ्गे़साबा मोसाःल्ले़ कुसाम्दिङ्ङिन् खे़म्मा मे़न्दे़म्मनाबा इस्राइलिहाॽ ताङ्मे़न्छे़ःप्ते़न्निल्ले़ साङ्ग्राम्पेदाङ्लाम्बा निङ्वाॽफुमाङ्ङिल्ले़ साम्दिङ् आबिःल्ले़ आनिॽ आनाॽरुम्ने़ फाॽग्र आनिॽआङ् आन्दाङ्ने़न्लो॥
यहोसु 22:15 - लिम्बु15 हे़क्क्याङ् रुबेनि, गादि नु मनस्सेरे़ कुभ्रे़ःङ् कुधाःक्हाॽग गिलाद लाजेॽओ मे़बेआङ् खे़ङ्हाॽ अक्खे मे़मे़त्तुसि, Gade chapit la |
यहोसु 22:15
31 Referans Kwoze
हे़क्क्याङ् खे़ङ्हाॽरे़ मे़मे़त्तुसि, “कन् पुङ्लाधाबाहाॽ खिनिॽ कत्थो थाक्मासि मे़नुॽने़न्॥ खिनिॽ च्याज्या चोःक्मा के़इःत्तुम्माङ् के़वयिॽ खे़ल्ले़चोगुल्ले़ यहवे दाङ्बे़ल्ले़ कुनिमो खिनिॽ आप्तिक्साबा के़बोःक्खिॽ॥ थे खिनिॽ लायोन् नु आप्तिक्किन् योॽमा निङ्वाॽ के़जोगुम्मि? थेआङ्भे़ल्ले़ आनिगे़ग आप्तिक्साबा पोःक्खिगे़ चुरिगे़आङ् वयिगे़, हे़क्क्याङ् इस्राइलरे़ कुदक्ले़ङ्वाओ खुने़ॽ साॽरिक् किप्मागे़घुबा कुसाक्के़न्निन् थ्ये़आङ् वाॽ॥”
खे़ङ्हाॽरे़ खुने़ॽ नादुम्दुम्बा मे़मे़त्तु, “उज्जियाहए, यहवे दाङ्बे़ल्ले़ कुलागि सुक्पा हाःम्मा याःम्बक्किन् आदाङ्बारे़न् मेःन्॥ कन् याःम्बक्किल्ले़ लागिग तोःम्मनाबा हारुनरे़ कुधाःक्कोबा निङ्वाॽफुसाम्बाहाॽ मे़वाॽ॥ सेसेदे़न्नोलाम् लःन्दे़आङ् पेगे़ॽ, थेआङ्भे़ल्ले़ आदाङ्बारे़ नसान् के़ले़क्खुआङ् वाॽ॥ यहवे दाङ्बा निङ्वाॽफुमाङ्लाम् आदाङ्बारे़ थे़मा इङ्धाङ्ङाङ् के़ङ्घोसुन्ॽ॥”
योआबरे़ नुगप् पिरु, “यहवे दाङ्बे़ल्ले़ कुधक्सुबाहाॽ किप् थिक् यारिक् फोसुसिर! थे आदाङ्बा आल्लसाङ् खे़ङ्हाॽरे़ खुन्छिॽ दाङ्बा नु हाङ् के़रे़क् मनाहाॽ आदाङ्बारे़ के़से़वारोबा मे़म्बोङ्ने़न्नाङ्बि? आदाङ्बारे़ थेआङ् हे़क्के चोःक्मा पोङ्बाबे? आदाङ्बारे़ इस्राइलओ थेआङ् आप्तिक् के़दारुबाबे?”
खुने़ॽ कुइङ्जाङ् इःप्मा नाःप्मा मे़न्दे़म्माग कित्चाक् चोःक्मा हे़क्तङ्बा लायोरो, हे़क्क्याङ् आङ्दिङ् लॽमाग लुङ् नावाइत्ला से़वा मे़प्नाबान्नुःल्ले़आङ् ताप्फे़ःम्बारो॥ थेआङ्भे़ल्ले़ खे़ने़ॽ यहवे दाङ्बाल्ले़ कुबाःन्जाःक्लाम् माःङ्घा के़बोःक्खे़, खे़ल्ले़चोगुल्ले़ यहवे दाङ्बाल्ले़आङ् खे़ने़ॽ हाङ् पोङ्मालाम् के़ले़रे़आङ् वाॽरो॥”
आङ्गाॽ खे़ङ्हाॽ आत्तिन् लाम्मो लाङ्घेःक्मा इङ्जाङ् पिरुङ्सिङ्ङाङ् वये़, खे़ङ्हाॽरे़ खे़न् लाम्मिन् साॽरिक् हारा मे़ले़रुआङ् थिक्नाहाङ् मे़बेआङ् मे़वाॽ॥ खे़ङ्हाॽरे़ खुनिॽ लागि साम्म्याङ्ङिन् मे़योन्दुआङ् पित्सात्तिल्ले़ कुजइःत्तो नावाइत्ला मे़धगु हे़क्क्याङ् खे़न् माङ्से़वा मे़मे़त्तुआङ् मे़वा, खे़ब्याङ् खे़ल्ले़ए कुलागि सिदुङ्जभा मे़दोन्दुआङ् अक्खे मे़बाःत्तुआङ् मे़वाॽ, ‘इस्राइलिसे, मिस्रलाम् खिनिॽ के़लःप्पा के़भे़प्पा खिनिॽ माङ्ङिन् आम्भा कन्लो॥’”
“निङ्वाॽफुमाङ्ङिल्ले़ के़रे़क् कुसङ्जुम्भोहाॽरे़ अक्खे मे़बाःत्तुॽ—‘इस्राइलबा निङ्वाॽफुमाङ्ङिल्ले़ कुदक्ले़ङ्वाओ खिनिॽ आक्खेलॽरिक् अक्तङ्बा ताप्फे़ःम्बा याःम्बक् के़जोगुम्माङ् के़वयिॽ? खिनिॽ आल्लो आक्खेलॽरिक् यहवे दाङ्बे़ल्ले़ कुदक्ले़ङ्वाओ पिफ्युङ्बा के़बोःक्खिॽ हे़क्क्याङ् खुने़ॽ तिम्मा नाःप्मा के़नाॽरुम्माङ् खिनिॽ आप्फेक् लागि कन् ले़त्ति तोःम्मादे़न्निन् के़जोगुम्माङ् युङ्बाबे?
Piblisite