यहोसु 21:43 - लिम्बु43 कम्भलॽरिक् यहवे दाङ्बे़ल्ले़ इस्राइलिहाॽ पिरुङ्सिङ् फाॽआङ् खे़ङ्हाॽरे़ खुन्छिॽ पाधे़बाहाॽनु माङ्हुप् चोगुबा के़रे़क् लाजेॽहाॽ पिरुसि, हे़क्क्याङ् खे़ङ्हाॽरे़ खे़न् मे़युक्तुआङ् खे़प्मो मे़युङे़॥ Gade chapit la |
यहोसु 21:43
26 Referans Kwoze
के़मनाहाॽरे़ लाजेन् फे़जाःल्ले़ मे़नाःन्दुबा मेःन्लो हे़क्क्याङ् आबाङे मे़धुम्दे़आङ् मे़नाःन्दुबाआङ् मेःन्लो कर के़मुक्साम् नु के़धुम्मिल्ले़ मे़नाःन्दुबारो॥ हे़क्क्याङ् खे़ने़ॽ खुन्छिॽनु के़वाॽ के़लॽबा ने़हिनिङ्वाॽरे़ निःन्धो मे़गत्तुबाल्ले़ चोगुल्ले़ थङ् मे़नाःन्दुबारो, थेआङ्भे़ल्ले़ खे़ङ्हाॽ खे़ने़ॽ लुङ्माॽ के़दुक्तुसिरो॥
कल्ले़चोगुल्ले़ खे़ङ्हाॽ मिस्रिहाॽरे़ खुन्छिॽ हुक्कोलाम् ताङ्से़ःप्मासिरे़ लागि नु मिस्र लाजेॽलाम् लःप्मासिआङ् लत्छा ताम्दाम्बा लाजेॽओ के़प्मासिरे़ लागि आङ्गाॽ थ्याङ्ङाङ् वाॽआ॥ खे़न् लाजेन् पित्नु नु सक्वाघु के़गुङ्बा चोक्, खे़प्मो आल्लो कनानि, हित्ति, एमोरि, परिज्जि हिब्बि नु यबुसिहाॽ मे़युङ्ॽ॥
खे़ब्याङ् यहवे दाङ्बे़ल्ले़ मोसान् मे़त्तु, “कन् लाजेन् आङ्गाॽ अब्राहाम, इसहाक हे़क्क्याङ् याकुबे़न्नु अक्खेलॽरिक् माङ्हुप् चोगुङ्ङाङ् वये़, ‘आङ्गाॽ खिनिॽ मुॽइदाङ्साहाॽ कन् पिरुङ्सिङ्ॽ॥’ आङ्गाॽ कन् लाजेन् हाबा के़मिक्किल्ले़ ओगे़मे़त्तुर याःन्ने़, कर खे़ने़ॽ खे़प्मो पेःक्मा के़ङ्घोने़न्॥”
खुने़ॽ खे़ने़ॽनु आबाङे नसाःन्साबा पोःक्खे़बा के़घोसुरो, हे़क्क्याङ् खे़ने़ॽ खुने़ॽनु लत्छा माङ्हुप् थिक् के़जोगुरो॥ खुने़ॽ कुमुॽइदाङ्साहाॽरे़ मे़युक्तुर फाॽआङ् खे़ने़ॽ कनानि, हित्ति, एमोरि, परिज्जि, यबुसि नु गिर्गासिहाॽ मे़युङे़बा लाजेन् पिमा माङ्हुप् के़जोगुरो, खे़ने़ॽ के़माङ्हुप्पिन् के़रे़क् के़गे़त्तुरो थेआङ्भे़ल्ले़ खे़ने़ॽ साम्योबा के़जोःक्लो॥
खे़ङ्हाॽरे़ खुनिॽ थिन्दाङ् सायोबोराहाॽ खे़प्मो मे़लासे़आङ् कनान लाजेन् मे़नाःन्दुरो, खे़ने़ॽ के़मनाहाॽरे़ खे़प्मोबा मनाहाॽ थङ् मे़नाःन्दुसिर के़याःन्दुसिरो॥ खे़ने़ॽ के़मना इस्राइलिहाॽरे़ खुन्छिॽ आबाङे निङ्वाॽ कुइसिक् चोःक्मारे़ लागि, कनानबा हाङ्ङिन् नु कुमनाहाॽ, के़मनाहाॽ हुक्के़सुप्तुसिरो॥
“याकुबे़न् मिस्रलाजेॽ पेआङ् खुने़ॽ कुस्सा कुम्मे़न्छाॽ इस्राइलिहाॽ के़साक्पा तुक्खेओ मे़ध्ये़॥ हे़क्क्याङ् खे़ङ्हाॽरे़ यहवे दाङ्बान् पेलि मे़भाक्तु, खे़ब्याङ् खुने़ॽ मोसान् नु हारुने़न् पाङ्घुसि॥ खे़न् ने़प्फुहाॽरे़ खे़निॽ पाधे़बाहाॽ मिस्रलाम् लःत्ते़सुआङ् खे़ङ्हाॽ कन् ते़न्नो युक्खुसि॥
खे़ङ्हाॽ कन् लाजेॽओ मे़द्ये़आङ् खे़ङ्हाॽरे़ कन् लाजेन् खुन्छिॽ युक्को मे़जोगु, कर खे़ने़ॽ के़इङ्जाङ्ङिन् खे़ङ्हाॽ इःप्मा नाःप्मा मे़न्दे़न्दे़न् खे़ब्याङ् याम्मो खे़ने़ॽ के़निसाम्मिन् हे़क्के खे़ङ्हाॽरे़ खुन्छिॽ थाःक् मे़न्धासुन्॥ खे़ने़ॽ इङ्जाङ् के़बिरुसिबा लत्छा पाःन्धिक्काङ् खे़ङ्हाॽरे़ मे़न्जोगुन्॥ खे़ल्ले़चोगुल्ले़ कन् के़रे़क् मे़क्मासिमे़न् खे़ने़ॽ खे़ङ्हाॽरे़ खुन्छिॽ सम्धाङ् के़दारु॥
Piblisite