यहोसु 21:17
10 Referans Kwoze
हे़क्क्याङ् बेन्यामिनरे़ कुधाःक्कोलाम्—गेबा नु खे़प्मोबा थक्सा चाराम्मादे़न् लाजेॽहाॽ, आले़मेत नु खे़प्मोबा चाराम्मादे़न् लाजेॽहाॽ, अनातोत खे़प्मोबा चाराम्मादे़न् लाजेॽहाॽआङ् मे़बिरुसि॥ कहातिहाॽरे़ खुन्छिॽ थाःक्हाॽ मे़बिरुसिबा कन् ये़क्यक्हाॽ के़रे़क्ले़ थिबोङ्ङाङ् सुम्सि ने़स्से़॥
योसियाहःल्ले़ यहुदाबा पाङ्जुम्हाॽओलाम् के़रे़क् निङ्वाॽफुसाम्बाहाॽ लःत्तुदेसुसि, हे़क्क्याङ् खे़ङ्हाॽरे़ सुक्पा हाःम्मा याःम्बक् मे़जोगुबा गेबालाम् बेर्सेबा थारिक्पा केःम्ब केःम्बादे़न्हाॽओ के़युङ्बा माङ्धाःन्हाॽ खुने़ॽ आसुत्थो चोगु पिरुसि॥ ये़क्यक्कोबा यम्बा लाम्धेःत्तिल्ले़ फे़न्छाङ् ले़प्माङ् ये़क्यक्कोबा हाङ्युक्पा यहोसुःल्ले़ कुलाम्धेत् तगाङ्बा माङ्युक्नाहाॽ खुने़ॽ यन्छु पिरुसि॥
खे़ङ्हाॽ ने़ने़बा ते़न्निन् मे़गाःक्तुआङ् मे़बेःक्लो हे़क्क्याङ् खे़ङ्हाॽरे़ मे़बाःत्तुरो, “से़न्दिक् गेबा मे़प्मनाबा ते़न्नो याङ्धोःक्तिगे़रो॥” रामा ये़क्यक्को के़युङ्बा मनाहाॽ किमे़ल्ले़ थे़गक्कक्ना मे़यङ्लो, हे़क्क्याङ् सावल हाङ्ङिल्ले़ कुये़क्यक् गिबा के़युङ्बा के़रे़क् मनाहाॽ मे़घे़त्छिङ् मे़बेःक्लो॥
यहुदा थाङ्गे़त् गेबालाम् यरुसले़म लाङ्गे़त् रिम्मोन थारिक् के़रे़क् लाजेन् अराबा हे़क्तङ्बा पोङ्ॽ॥ कर यरुसले़ःम्मिन् चाङ्जाङ्बा मे़जोगुॽ, हे़क्क्याङ् बेन्यामिनरे़ कुलाम्धेःप्पोलाम् थिक्सिगेक्पा लाम्धेत् कुसुक्पोबा लाम्धेत् थारिक्, हे़क्क्याङ् हननेलरे़ कुजङ्हिम्मोलाम् हाङ्ङिल्ले़ कुजे़ल्ले़क्सेॽ एःम्मादे़न् थारिक् आप्फेक् कुने़मादे़न्नो ने़रो॥
Piblisite