यहोसु 2:9 - लिम्बु9 हे़क्क्याङ् खुने़ॽ खे़न् मनाहाॽ मे़त्तुसि, “कन् लाजेन् यहवे दाङ्बे़ल्ले़ खिनिॽ के़बिरिआङ् ने़रो फाॽआङ् आङ्गाॽ निसुङ्ॽ, खे़ब्याङ् आनिगे लुम्मो खे़निॽ के़जोगुम्बाल्ले़ चोगुल्ले़ साॽरिक् किमा यङ्मा पोःक्खे़आङ् वाॽ, हे़क्क्याङ् कॽयो के़युङ्बा मनाहाॽ खिनिॽ के़म्गिरिआङ् यङ्मा मे़हेःक्ते़आङ् मे़वाॽ॥ Gade chapit la |
यहोसु 2:9
39 Referans Kwoze
निनबे ये़क्यक्किन् मे़नाप्तुआङ् खाप्पुथ्यःङ् मे़जोगुरो, हे़क्क्याङ् मुरे़क् खारे़क् मे़जोगुआङ् ने़रो॥ खे़ङ्हाॽरे़ खुन्छिॽ साःङ्गो सक्मा पुॽरो खे़ङ्हाॽरे़ खुन्छिॽ थुङ्बोहाॽ थे़गक्कक्ना यङ्लो॥ हे़क्क्याङ् के़रे़क् नासिङ्गे़न् थक्लाओ तुक्मा याक्लो, के़रे़क् चित्लि नाराहाॽ सअम्याःप्पा पोङ्लो॥
मिस्र लाजेःल्ले़ कुयाःम्बेओ के़दाबा माङ्निङ्वाॽपान्निन् अक्तङ्बा वाॽरो— ओमे़त्ते़म्मे़ॽ, यहवे दाङ्बे़न् खाॽमिःत्तिन् युक्तुआङ् मिस्र लाजेॽओ युर पत्लो॥ खुने़ॽ युःल्ले़ मिस्र लाजेॽबा नावाइत्लाहाॽ मे़गिआङ् थे़गक्कक्ना मे़यङ्लो, हे़क्क्याङ् मिस्र के़युङ्बा मनाहाॽ खुन्छिॽ किमे़ल्ले़ युम्सुङ्मा मे़बोङ्ङाङ् साम्मिक्ले़ ले़रुसिरो॥
थेआङ्भे़ल्ले़ अन्लाधाहाॽ, अन्हाॽ नु यरिक् थक्सुबाहाॽरे़ खुन्छिॽ इक्ला लाइःक्ते़बान् यहवे दाङ्बे़ल्ले़ अरामिहाॽरे़ मे़घे़प्सुर याःन्दुसिआङ् वये़, कल्ले़चोगुल्ले़ खे़ङ्हाॽ खुन्छिॽ लुम्मो अक्खे मे़मे़त्छिङ्, “ओमे़त्ते़म् साॽरे़म्मे़, इस्राइलबा हाङ्ङिल्ले़ग आनिॽ फप्मारे़ लागि हित्ति नु मिस्र लाजेॽबा हाङ्हाॽ याःल्लेक् साङु तारुसिआङ् वाॽ॥”
खे़ब्याङ् नामाने़न् नु खुने़ॽ कुसे़वारोबाहाॽ के़रे़क् निङ्वाॽफुमाङ्ङिल्ले़ कुमनाओ मे़नुःक्खे़ मे़बे॥ खे़ङ्हाॽ के़रे़क् खुने़ॽ कुदगि मे़ये़म्सिङ् हे़क्क्याङ् नामानरे़ पाःत्तु, “इस्राइलओरक् निङ्वाॽफुमाङ् वाॽ के़रे़क् इक्सादिङ् खाम्बेःक्मो हाःत्ताङ् निङ्वाॽफुमाङ् होप् फाॽआङ् आल्ल आङ्गाॽ निङ्वाॽ खोसुङ्॥ चिसाजि आल्ल खे़ने़ॽ के़से़वारोबालाम् कुभा हुक्वा ताःक्ते़ॽओ॥”
खे़ङ्हाॽरे़ यहोसुन् मे़मे़त्तु, “यहवे दाङ्बा खे़ने़ॽ के़निङ्वाॽफुमाङ्ङिल्ले़ कुसे़वारोबा मोसान् पिरुबा कन् लाजेन् के़रे़क् खिनिॽ पिमा नु कन् लाजेॽओ के़युङ्बाहाॽ के़रे़क् मे़ङ्मासि इङ्जाङ् पिरुबा पाःन्निन् खे़ने़ॽ के़योःग्बाहाॽ नुरिक्काङ् मे़मे़त्तिगे़आङ् वये़॥ कल्ले़चोगुल्ले़ साॽरिक् किसिगे़आङ् आनिगे हिङ्मन् से़ःप्मारे़ लागि अक्खे चोगुम्बे़बारो॥
इस्राइलिहाॽरे़ वहःङ्ङिन् मे़ङ्गाःक्के थारिक् खुन्छिॽ तगि यहवे दाङ्बे़ल्ले़ यर्दन वहःङ्ङोबा च्वाःत्तिन् चप्प्रे़क् चबे़र याःन्दु के़लॽबा पाःन्निन् यर्दन कत्नाहाङ्दाङ् नाम्धा पिसाङ्बा एमोरिहाॽरे़ खुनिॽ के़रे़क् हाङ्हाॽ नु खाम्दोःक्लुम् वरःङ्ङिल्ले़ कुबेसाङ्बा कनानिहाॽरे़ खुन्छिॽ के़रे़क् हाङ्हाॽरे़ मे़घे़प्सु, खे़ब्याङ् खे़ङ्हाॽ इस्राइलिहाॽनु मे़गिसे़बाल्ले़ चोगुल्ले़ खुन्छिॽ सिक्लुङ्माॽ यङ्मा हेःक्ते़ हे़क्क्याङ् खे़ङ्हाॽ इस्राइलिहाॽनु थक्मारे़ लागि आःन्छिङ्मा मे़न्छुक्ते़न्लो॥
हाङ्ङिल्ले़ कुइङ्जाङ् के़गे़प्पा, के़रे़क् ते़ङ्गप् नु के़रे़क् ये़क्यक्हाॽओ यहुदिहाॽरे़ खुन्छिॽ लागि निङ्वाॽ तामा नु सिक्सम्मा, साभःङ्जा चामा नु सोसोत्लराङ् चोःक्मा ये़न् पोःक्खे़॥ हे़क्क्याङ् वेॽ सुवाङ्बा यरिक् मनाहाॽ यहुदि मे़बोःक्खे़, थेआङ्भे़ल्ले़ यहुदिहाॽनु खे़ङ्हाॽ मे़गिसे़रो॥
Piblisite