“आङ्गाॽ खिनिॽ इःन्दोन् हे़ःत्ताङ्बा वरःङ्ङोनु पलिस्तिहाॽरे़ खुन्छिॽ लुम्बा वरःङ् थारिक्, हे़क्क्याङ् मुरे़ःक् खे़रे़ःक् थेआङ् के़होःप्पादे़न्नाङ् कत्ना युफ्रेतिस थारिक्के ने़स्सुङ् पिनिङ्ॽ॥ आङ्गाॽ खे़न् लाजेॽबा यक्युङ्बाहाॽ खिनिॽ हुक्को थासुङ्सिङ्ॽ, खे़ब्याङ् खिनिॽ खे़ङ्हाॽ के़नाःत्तुम् के़देसुम्सिम्ॽ॥
यहोसु 2:24 - लिम्बु24 यहोसुन् खे़न्हाॽरे़ मे़त्ते़सु, “से़क्खाए यहवे दाङ्बे़ल्ले़ कन् के़रे़क् लाजेन् आनिॽ हुक्को आबिरे़आङ् ने़रो॥ आनिॽ आजोगुम्मिल्ले़ खे़प्मो के़युङ्बा के़रे़क् यक्युङ्बाहाॽरे़ खुन्छिॽ लुम्मो किमा यङ्मा पोःक्खे़आङ् वाॽरो॥” Gade chapit la |
यहोसु 2:24
16 Referans Kwoze
इस्राइलिहाॽरे़ वहःङ्ङिन् मे़ङ्गाःक्के थारिक् खुन्छिॽ तगि यहवे दाङ्बे़ल्ले़ यर्दन वहःङ्ङोबा च्वाःत्तिन् चप्प्रे़क् चबे़र याःन्दु के़लॽबा पाःन्निन् यर्दन कत्नाहाङ्दाङ् नाम्धा पिसाङ्बा एमोरिहाॽरे़ खुनिॽ के़रे़क् हाङ्हाॽ नु खाम्दोःक्लुम् वरःङ्ङिल्ले़ कुबेसाङ्बा कनानिहाॽरे़ खुन्छिॽ के़रे़क् हाङ्हाॽरे़ मे़घे़प्सु, खे़ब्याङ् खे़ङ्हाॽ इस्राइलिहाॽनु मे़गिसे़बाल्ले़ चोगुल्ले़ खुन्छिॽ सिक्लुङ्माॽ यङ्मा हेःक्ते़ हे़क्क्याङ् खे़ङ्हाॽ इस्राइलिहाॽनु थक्मारे़ लागि आःन्छिङ्मा मे़न्छुक्ते़न्लो॥
साम्योथिम् इङ्जाङ्ङोबा कन् साप्पन्निन् खे़ने़ॽ के़म्ब्राओलाम् मे़माने़न्ल, कर ले़न्दिक् से़न्दिक् से़वा चोगे़ॽ हे़क्क्याङ् खे़प्मो साप्ते़आङ् के़बप्पा के़रे़क् पाःन्हाॽ सिङ्सिङ् ये़क्ये़क्काङ् इःत्ते़ ने़त्तुॽ, खम्भ्याङ् खे़ने़ॽ के़रे़क् के़लाम्मो थो के़बोःक्काङ् कुलिङ्दो के़गे़प्पा के़बोङ्ॽ॥
खे़ब्याङ् यहवे दाङ्बे़ल्ले़ यहोसुन् मे़त्तु, “मे़गिसे़न्ने़ॽ, के़निङ्वाॽ स्रोःन् मे़लॽरे़न्ने़ॽ॥ के़रे़क् थक्सुबाहाॽ सोरिक् तेॽरे़से़ॽ॥ पेगे़ॽ, ऐ ये़क्यक्को थङ् चोगे़ॽ॥ ओमे़त्ते़ॽ, ऐ ये़क्यक्कोबा हाङ्ङिन्, खे़ल्ले़ कुमनाहाॽ, खे़ल्ले़ कुये़क्यक्किन् नु खे़ल्ले़ कुलाजेन् आङ्गाॽ खे़ने़ॽ हुक्सुप्ने़आङ् वाॽ॥
आल्ल खिनिॽ खे़प्मो के़गे़रिल्ले़, खिनिॽ लत्छा यम्बा नु ताम्दाम्बा लाजेॽओ हाङ्हाङ् लॽरिक् के़युङ्बा के़वाॽबा मे़न्छाम् सुवाङ्हाॽ के़निसुम्सिम्ॽ॥ निङ्वाॽफुमाङ्ङिल्ले़ खे़न् लाजेन् खिनिॽ हुक्के़सुप्तिआङ् ने़, खे़न् लाजेॽओ इक्सादिङ् खाम्बेःक्मो खोगे़दे़प्पा के़रे़क् पाःन्हाॽ वाॽ॥”
Piblisite