यहोसु 2:10 - लिम्‍बु

¹⁰ मिस्र लाजेॽलाम् खिनिॽ के़लःन्‍दि के़भे़रिल्‍ले़ खिनिॽ तगि निङ्‌वाॽफुमाङ्‌ङिल्‍ले़ हे़ःत्ताङ्‌बा वरःङ्‌ङोबा च्‍वाःत्तिन् चप्‍प्रे़क् चबे़र याःन्‍दुबा नु यर्दन नाङ्‌गे़न् पिसाङ्‌बा एमोरिहाॽरे़ खुन्‍छिॽ ने़प्‍माङ् हाङ्‌हाॽ, सिहोननु ओगे़न् खिनिॽ वरे़ङ्‌ले़ङ् के़मे़क्‍खुम्‍सिम्‍बान्‍नाङ् आनिगे खे़प्‍सुम्‍बे़आङ् वाॽ॥

यहोसु 2:10 Referans Kwoze

साम्‌योथिम् इङ् 2:30

“कर हेस्‍बोनबा हाङ् सिहोनरे़ आनिगे पेःक्‍मा मे़भाःक्‍तिगे़न्, थेआङ्‌भे़ल्‍ले़ यहवे दाङ्‌बा खिनिॽ निङ्‌वाॽफुमाङ्‌ङिल्‍ले़ खिनिॽ हुक्‍को थामारे़ लागि कुनिङ्‌वाॽ के़जिःप्‍पा नु पाःन्‍मे़ङ्‌घे़म्‍मनाबा चोगु पिरुआङ् वये़॥ हे़क्‍क्‍याङ् आइन्‍बा ये़न् थारिक् खे़न् खिनिॽए हुक्‍को वाॽ॥”

खानिःत् 23:22

निङ्‌वाॽफुमाङ्‌ङिल्‍ले़ मिस्रलाम् खे़ङ्‌हाॽ लःत्तु फे़त्तुसिआङ् मे़वाॽरो॥ खुने़ॽग ताम्‍भुङ्‌ङोबा से़गम्‍बान् हे़क्‍के खुन्‍छिॽ लागि ते़न्‍धङ् चोक्‍लो॥

यहोसु 4:24

इक्‍सादिङ् खाम्‍बेःक्‍मोबा के़रे़क् मनाहाॽरे़ यहवे दाङ्‌बे़ल्‍ले़ कुहुक्‍कोबा मुक्‍साम्‍मिन् निङ्‌वाॽ मे़घोसुर, हे़क्‍क्‍याङ् यहवे दाङ्‌बा खिनिॽ निङ्‌वाॽफुमाङ्‌ङिन्‍नु खिनिॽ आभे़ल्‍ले़साङ् किसे़म्‍मे़ॽ फाॽआङ् कन् के़रे़क् पोःक्‍खे़बारो॥”

खानिःत् 20:14

मोसाःल्‍ले़ कादेसलाम् इङ्‌साबाहाॽ अक्‍खे मे़त्तुसिआङ् एदोमबा हाङ्‌ङिन् इङ्‌घङ् हाक्‍तुरो, “खे़ने़ॽ के़गाॽइ इस्राइलबा मनाहाॽरे़ अक्‍खे मे़बाःत्तुॽ, आनिगे तुमुम्‍बे़बा तुक्‍खे़ःन् खे़ने़ॽ के़निसुआङ् वाॽ॥

खानिःत् 24:8

“निङ्‌वाॽफुमाङ्‌ङिल्‍ले़ खे़ङ्‌हाॽ मिस्रलाम् लःत्तु फे़त्तुसिरो॥ खुने़ॽग ताम्‍भुङ्‌ङोबा से़गम्‍बान् हे़क्‍के खुन्‍छिॽ लागि ते़न्‍धङ् चोक्‍लो॥ खे़ङ्‌हाॽरे़ खुन्‍छिॽ निङ्‌मि सुवाङ्‌हाॽ मे़लरु मे़देसुसिरो, हे़क्‍क्‍याङ् खे़ङ्‌हाॽरे़ खुन्‍छिॽ ये़त्‍हाॽ फयःप्‍फयःप् मे़यःप्‍सुरो, खुन्‍छिॽ तोःङ्‌हाॽरे़ खे़ङ्‌हाॽ तिःक्‍खु से़रुसिर॥

यहोसु 5:1

इस्राइलिहाॽरे़ वहःङ्‌ङिन् मे़ङ्‌गाःक्‍के थारिक् खुन्‍छिॽ तगि यहवे दाङ्‌बे़ल्‍ले़ यर्दन वहःङ्‌ङोबा च्‍वाःत्तिन् चप्‍प्रे़क् चबे़र याःन्‍दु के़लॽबा पाःन्‍निन् यर्दन कत्‍नाहाङ्‌दाङ् नाम्‍धा पिसाङ्‌बा एमोरिहाॽरे़ खुनिॽ के़रे़क् हाङ्‌हाॽ नु खाम्‍दोःक्‍लुम् वरःङ्‌ङिल्‍ले़ कुबेसाङ्‌बा कनानिहाॽरे़ खुन्‍छिॽ के़रे़क् हाङ्‌हाॽरे़ मे़घे़प्‍सु, खे़ब्‍याङ् खे़ङ्‌हाॽ इस्राइलिहाॽनु मे़गिसे़बाल्‍ले़ चोगुल्‍ले़ खुन्‍छिॽ सिक्‍लुङ्‌माॽ यङ्‌मा हेःक्‍ते़ हे़क्‍क्‍याङ् खे़ङ्‌हाॽ इस्राइलिहाॽनु थक्‍मारे़ लागि आःन्‍छिङ्‌मा मे़न्‍छुक्‍ते़न्‍लो॥

निङ्‌वाॽफु साम्‍लोसुम् 74:15

खे़ने़ॽए वाबुन्‍दाक्‍हाॽ पुन्‍दे़लःन्‍दे़र के़याःन्‍दुरो हे़क्‍क्‍याङ् यङ्‌घङ्‌हाॽ कुक्‍से़र के़जोगुरो॥ खे़ब्‍याङ् उन्‍छेःन्‍नाङ्‌धोए वागे़गुबा आभे़ल्‍ले़आङ् मे़न्‍जप्‍मनाबा वहःङ्‌हाॽ चप्‍प्रे़क् के़जप्‍सुरो॥

यहोसु 9:10

यर्दन नाधाःम्‍बि एमोरिहाॽरे़ खुन्‍छिॽ ने़प्‍माङ् हाङ्‌हाॽ, हेस्‍बोनबा हाङ् सिहोने़न् नु अस्‍तारोत के़युङ्‌बा बासानबा हाङ् ओगे़न् थे़मा थे़मा मे़त्तुसिआङ् वये़, खे़न् आनिगे खे़प्‍सुम्‍बे़आङ् वयिगे़॥

यहोसु 24:12

आङ्‌गाॽ खिनिॽ तगितगि सावा सक्‌वा थिक् पाङ्‌घुङ्‌देसुङ्, खे़ल्‍ले़ खे़ङ्‌हाॽ, एमोरिहाॽरे़ खुन्‍छिॽ ने़त्‍छि हाङ्‌हाॽआङ् खिनिॽ तगिलाम् नाःत्तुदेसुसि॥ खे़न् खिनिॽ आप्‍फेक् ताभे नु लिःल्‍ले़ चोःक्‍मा मे़बोःक्‍खे़न्॥