यहोसु 18:16 - लिम्बु16 खे़न् इःन्दोन् बेन-हिन्नोमबा ने़ने़बादे़न्निल्ले़ कुदगि नु रपाइबा ने़ने़बादे़न्निल्ले़ थाङ्गे़त् ले़प्माङ्बा कोःक्माल्ले़ नासमा कुयाओ थासिङ् हे़क्क्याङ् यबुसि ये़क्यक् लाङ्गे़त् ले़प्माङ्बा हिन्नोमबा ने़ने़बादे़न्नोलाम् यो थासिङ्ल एन-रोगेल थासिङ्ङाङ् ने़स्से़॥ Gade chapit la |
यहोसु 18:16
19 Referans Kwoze
थेआङ्भे़ल्ले़ यरिक् ये़न् तगि अस्सुरबा यम्बा हाङ्ङिन् मिधिङ्मारे़ लागि यम्बा मि तुम्मादे़न्धिक् मे़जोगुआङ् वये़रो॥ खे़न् ते़न्निन् ताम्दाम्बा नु केःम्बा लुम्बात् चोक्लो हे़क्क्याङ् खे़प्मो यरिक् सिङ् मे़लुप्सुआङ् ने़रो॥ यहवे दाङ्बान् सक्मा सोःन्छिङ्ङिल्ले़ मिधुङ्दिङ् मिराःक् लःन्नाङ् खे़प्मो मि हाःन्दुरो॥
खे़ङ्हाॽरे़ आबाङे खुन्छिॽ साहाॽ मोलोख साम्माङ्ङिल्ले़ कुदगि वयागे़न् सिदुङ्जभा तोःम्मासि फाॽआङ् बेन-हिन्नोमबा ने़ने़बादे़न्नो बाल साम्माङ्ङिल्ले़ कुलागि से़वा चोःक्मादे़न्हाॽ मे़जोगुआङ् युङ्॥ खे़ङ्हाॽ खे़न् चोःक्मा इङ्जाङ् मे़बिरुङ्सिङ्ङिन्॥ खे़ङ्हाॽरे़ हे़क्तङ्बा ताप्फे़ःम्बा याःम्बक् मे़जोगु हे़क्क्याङ् यहुदाबा मनाहाॽ लायो चोःक्मा मे़बाङ्घुसि के़लॽबा पाःन्निन् आङ्गाॽ आनिङ्वाॽओ आभे़ल्ले़आङ् त्ये़बा होःप्ते़रो॥”
हे़क्क्याङ् खे़ङ्हाॽ मे़त्ते़से़ॽ, ‘मुक्साम्दाङ्बा यहवे दाङ्बे़ल्ले़ अक्खे पाःत्तु—आङ्गाॽ कन् सुवाङ्हाॽ नु कन् ये़क्यक्किन् थे़युःत् थे़युःत् युःत्तुङ्सिङ्ॽ हे़क्क्याङ् कोःम्भाल्याःल्ले़ के़हे़ःप्पा कुगुःन्दान् हे़क्के खे़ङ्हाॽ याम्मो काम्मा सुक्मे़न्दे़प्मनाबा मे़बोङ्ॽ॥ खे़प्मो मनाहाॽरे़ चेहाॽ लुप्मादे़न् खोमे़न्दे़त्ते थारिक् चेहाॽ मे़लुप्तुसिॽ॥
खुने़ॽ कुस्सा ये़म्बित्छा मे़न्छुमाहाॽ बेन-हिन्नोमबा ने़ने़बादे़न्नो मिओ सिदुङ्जभा चोगुसि॥ खुने़ॽ कित्चाक् चोगुआङ् थुम्या इसु हे़क्क्याङ् खागे़इक्पाहाॽ नु साम्माङ् च्याःङ्हाॽ मुरा के़मे़प्पाहाॽ सुजा नाःक्तुसि॥ खुने़ॽ यहवे दाङ्बे़ल्ले़ कुनिमो साॽरिक् ताप्फे़ःम्बा चोगुआङ् खुने़ॽ कुसाक्के़न् फोःक्खु॥
खुने़ॽ बेन-हिन्नोमबा ने़ने़बादे़न्नो सिदुङ्जभाहाॽआङ् तोःन्दु॥ इस्राइलिहाॽरे़ खुन्छिॽ तगिलाम् यहवे दाङ्बे़ल्ले़ आत्तिन् मे़न्छाम् सुवाङ्हाॽ लाजेॽलाम् लःत्तुदेसुसिआङ् वये़, खे़ङ्हाॽरे़ए खुन्छिॽ याम्गे़सिङ्बा ये़प्ले़क्किन् नाःत्तुआङ् खुने़ॽ कुस्साहाॽ मिओ मिधिक्खुसिआङ् सिदुङ्जभा चोगुसि॥
Piblisite