यहोसु 17:7 - लिम्‍बु

⁷ आल्‍ल मनस्‍सेरे़ कुलक्‍कोबा इःन्‍दोन् आसेरलाम् सकेम नाङ्‌गे़न् पिसाङ्‌बा मिक्‍मतात थारिक् ने़स्‍से़॥ खे़न् इःन्‍दोन् लाङ्‌गे़त् ले़प्‍माङ् पेआङ् एन-तप्‍पुहबा यक्‌युङ्‌बाहाॽरे़ खुन्‍छिॽ ते़न्‍नो थारिक् के़रे़आङ् ने़स्‍से़॥

यहोसु 17:7 Referans Kwoze

यहोसु 21:21

खे़ङ्‌हाॽरे़ खुन्‍छिॽ एफ्राइमबा थे़गु माङ्‌वा लाजेॽओ मना के़से़प्‍पे़ल्‍ले़ लागि से़ःप्‍सिङ्‌मा सकेम ये़क्‌यक्‍किन्, खे़प्‍मोबा थक्‍सा चाराम्‍मादे़न्‍हाॽ सोसोरिक् नु गेजेर,

१ साप्‍मुःन्‍धुम् 6:67

खे़ङ्‌हाॽ एफ्राइमबा कोःक्‍मा लाजेॽओ के़ने़बा सकेम नु खे़प्‍मोबा चाराम्‍मादे़न् लाजेॽहाॽ (लत्‍छा से़ःप्‍सिङ्‌मादे़न् ये़क्‌यक्), गेजेर नु खे़प्‍मोबा चाराम्‍मादे़न् लाजेॽहाॽ,

१ हाङ् 12:25

खे़न् एगाङ् यारोबामरे़ एफ्राइमबा कोःक्‍मा लाजेॽओ के़ने़बा सकेम ये़क्‌यक्‍किन् हाङ्‌यक् चोगुआङ् कम्‍ब्राङ् मे़त्तु, हे़क्‍क्‍याङ् हाबा खे़प्‍मोए खुने़ॽ युङे़ वये़॥ खे़प्‍मोलाम् खुने़ॽ पेआङ् पनिएले़न् ये़क्‌यक् चोगु॥

१ हाङ् 12:1

रहबामे़न् सकेम पे, थेआङ्‌भे़ल्‍ले़ खुने़ॽ हाङ् चोःक्‍मारे़ लागि के़रे़क् इस्राइलिहाॽ खे़प्‍मो मे़बेआङ् मे़वये़॥

खासे़न्‍लोःम्‍बा 9:1

यरुब-बालरे़ कुस्‍सा अबिमेलेके़न् सकेमओ खुने़ॽ कुङ्‌ग्‍वासिरो पे, हे़क्‍क्‍याङ् कुङ्‌ग्‍वासिओबा हिम्‍सयङ्‌हाॽ के़रे़क् खुने़ॽ मे़त्तुसि,

यहोसु 24:32

याकुबरे़ किप् थिक् युप्‍पा कुआःत्‍हाॽरे़ सकेमरे़ कुम्‍बा हमोररे़ कुस्‍साहाॽलाम् इङुबा कुलक् थिक् लाजेॽओ इस्राइलिहाॽरे़ मिस्र लाजेॽलाम् मे़भे़त्तुबा योसेफरे़ कुये़प् कुलुङ्‌सिहाॽ मे़लुप्‍तु॥ खे़न् ते़न्‍निन् योसेफरे़ कुमुॽइदाङ्‌साहाॽरे़ खुन्‍छिॽ लक्‍खोमो थ्‍ये़॥

यहोसु 24:1

खे़ब्‍याङ् यहोसुःल्‍ले़ इस्राइलिहाॽरे़ खुन्‍छिॽ के़रे़क् थाःक्‍हाॽ सकेमओ फुक्‍खुसि हे़क्‍क्‍याङ् इस्राइलबा साम्‌योसिक्‍साम्‍बाहाॽ, थाःक्‍लाम्‍लोबाहाॽ, खासे़न्‍लोःम्‍बाहाॽ नु सुहाङ्‌युक्‍पाहाॽ उःत्तुसि, हे़क्‍क्‍याङ् खे़ङ्‌हाॽ आप्‍फेक् निङ्‌वाॽफुमाङ्‌ङिल्‍ले़ कुदगि मे़दोःन्‍छिङ्॥

यहोसु 20:7

हे़क्‍क्‍याङ् खे़ङ्‌हाॽरे़ यर्दन नाम्‍धा पिसाङ् गालिलओ नप्‍तालिबा कोःक्‍मा फाङ्‌जङ् लाजेॽओ केदेस, एफ्राइमबा कोःक्‍मा फाङ्‌जङ् लाजेॽओ सकेम नु यहुदाबा कोःक्‍मा फाङ्‌जङ् लाजेॽओ किर्यत-अर्बान् (खे़न् हेब्रोन मे़मे़त्तु) मे़दोन्‍दु॥

तोलिङ्‌सोमु 37:14

कुम्‍बारे़ खुने़ॽ मे़त्तु, “के़म्‍भुॽसि नु मे़ल्‍लुक्‍हाॽ आक्‍खे मे़लॽ मे़जाइ पेगे़ॽआङ् ओमे़त्ते़से़ॽ॥ हे़क्‍क्‍याङ् आङ्‌गाॽओ इङ्‌घङ् तारे़ॽओ॥” खे़ब्‍याङ् याकुबरे़ खे़न् हेब्रोनबा ने़ने़बादे़न्‍नोलाम् सकेम्‍मो पाङ्‌घुदेसु, युसुफे़न् सकेम्‍मो के़रे़॥

तोलिङ्‌सोमु 37:12

थिक्‍ले़ङ् युसुफरे़ कुम्‍भुॽहाॽ कुम्‍बारे़ कुमे़ल्‍लुक् कुमे़ःन्‍दा चाराम्‍से़ सकेम कुबेसाङ् मे़बेआङ् मे़वये़॥

तोलिङ्‌सोमु 34:2

खे़न् ते़ङ्‌गप्‍पोबा हाङ् हिब्‍बि हामोरे़ल्‍ले़ कुस्‍सा सकेमे़ल्‍ले़ दिनान् निसु, हे़क्‍क्‍याङ् उःक्‍खु तेॽरुआङ् मेःत्‍मे़त्तु॥

यहोसु 17:6

थेआङ्‌भे़ल्‍ले़ मनस्‍सेरे़ कुधाःक्‍कोबा मे़न्‍छुमा साहाॽरे़आङ् खे़ल्‍ले़ कुस्‍सा ये़म्‍बित्‍छाहाॽरे़ खुन्‍छिॽ लुम्‍मो लक्‍मे़घोसुआङ् ने़स्‍से़॥ गिलाद लाजेन् मनस्‍सेरे़ के़नम्‍बा कुस्‍साहाॽरे़ खुन्‍छिॽ लक्‍को थ्‍ये़रो॥

यहोसु 17:8

तप्‍पुहिहाॽरे़ खुन्‍छिॽ लाजेन् मनस्‍सेरे़ कुलक्‍को थ्‍ये़, कर मनस्‍सेरे़ कुइःन्‍दोओ के़युङ्‌बा तप्‍पुह ये़क्‌यक्‍किन् एफ्राइमरे़ कुलक्‍को थ्‍ये़॥

निङ्‌वाॽफु साम्‍लोसुम् 60:6

निङ्‌वाॽफुमाङ्‌ङिल्‍ले़ कुसेसेदे़न्‍लाम्‍बा पाःत्तुआङ् वाॽरो, “थङ् थक्‍मा नाःन्‍दुङ्‌ङाङ् सेकेम लाजेन् कुभ्रे़ःङ् से़न्‍दुङ्‌लो, हे़क्‍क्‍याङ् सुक्‍कोत लाजेॽबा सेःङ्‌घाःन् सिःक्‍तुङ्‌ङाङ् आमनाहाॽ हाःत्तुङ्‌सिङ्‌लो॥