यहोसु 17:4 - लिम्‍बु

⁴ निङ्‌वाॽफुसाम्‍बा एलाजार, नुनरे़ कुस्‍सा यहोसु नु लाम्‍लोबाहाॽरे़ खुन्‍छिॽ तगि खे़ङ्‌हाॽ मे़द्‌ये़आङ् अक्‍खे मे़बाःत्तु, “आनिगे फुॽनुसाॽहाॽरे़ खुन्‍छिॽ लुम्‍मोए आनिगे लक्‍खोमान् मे़बिरिगे़र फाॽआङ् यहवे दाङ्‌बे़ल्‍ले़ मोसान् इङ्‌जाङ् पिरुआङ् वये़॥” यहवे दाङ्‌बे़ल्‍ले़ कुइङ्‌जाङ् कुइसिक् यहोसुःल्‍ले़ खे़ङ्‌हाॽ खुन्‍छिॽ फुॽनुसाॽहाॽनु सोरिक् लक्‍खोमा पिरुसि॥

यहोसु 17:4 Referans Kwoze

गलाति 3:28

आल्‍ल यहुदि, थिम्‍मे़न्‍दङ् सुवाङ्, योक् नु चोःक्‌युम्‍भोबा, ये़म्‍बित्‍छाॽ नु मे़न्‍छुमाॽ कुदङ्‌बारो, थेआङ्‌भे़ल्‍ले़ खिनिॽग ख्रिस्‍त ये़सुओ लत्‍छा के़बोःक्‍खिआङ् के़वयिॽरो॥

यहोसु 14:1

निङ्‌वाॽफुसाम्‍बा एलाजार, नुनरे़ कुस्‍सा यहोसुन् नु इस्राइलबा थाःक्‍लाम्‍लोबाहाॽरे़ खे़ङ्‌हाॽ मे़भःक्‍खु मे़बिरुसिबा कुइसिक् इस्राइलिहाॽरे़ कनान लाजेॽओ लक्‍खोमा युक् मे़जोगुबादे़न्‍हाॽ हाबा कन्‍हाॽरो॥

यहोसु 17:5

खे़ब्‍याङ् मनस्‍सेरे़ यर्दन नाधाःम्‍बिबा गिलाद लाजेन् नु बासान लाजेन् सोसोरिक् थिबोङ्‌लक् खोसु,

खानिःत् 27:1

योसेफरे़ कुस्‍सा मनस्‍सेरे़ कुधाःक्‍को के़वाॽबा मनस्‍सेरे़ कुबे़म्‍मे़न्‍छाॽ, माकिररे़ कुजक्‍मे़न्‍छाॽ, गिलादरे़ कुम्‍मे़न्‍छाॽ, हेपेररे़ कुस्‍सा सलोफादरे़ कुस्‍सा मे़न्‍छुमाहाॽ महला, नोआह, होग्‍ला, मिल्‍का नु तिर्सा मे़वये़॥

खानिःत् 27:4

थे कुस्‍सा ये़म्‍बित्‍छा मे़होःप्‍ते़ फाॽआङ् आनिगे पाःल्‍ले़ कुमिङ्‌ङे़न् माबाबि? आनिगे पाःल्‍ले़ कुम्‍भुॽकुन्‍साॽहाॽओ आनिगे़आङ् याङ्‌साकुन्‍धे आबिरे़म्‍मे़ॽ॥”

खानिःत् 36:10

यहवे दाङ्‌बे़ल्‍ले़ मोसान् इङ्‌जाङ् पिरुबा हे़क्‍केए सलोफादरे़ कुस्‍सा मे़न्‍छुमाहाॽरे़ मे़जोगु॥

यहोसु 21:1

खे़न् एगाङ् निङ्‌वाॽफुसाम्‍बा एलाजार, नुनरे़ कुस्‍सा यहोसुन् नु इस्राइलि हिम्‍सयङ्‌बा लाम्‍लोबाहाॽरे़ खुन्‍छिॽ पेसाङ् ले़बिहाॽरे़ खुन्‍छिॽ लाम्‍लोबाहाॽ मे़द्‌ये़आङ्