यहोसु 16:10 - लिम्‍बु

¹⁰ कर खे़ङ्‌हाॽरे़ गेजेरओ के़युङ्‌बा कनानिहाॽ मे़न्‍नाःत्तुसिन्॥ आइन्‍बा ये़न् थारिक् कनानिहाॽ एफ्राइमबा मनाहाॽरे़ खुन्‍छिॽ लुम्‍मो मे़युङ्, कर खे़ङ्‌हाॽरे़ योक् पोङ्‌माआङ् याःम्‍बक् चोःक्‍मा के़बोङ्‌बा पोःक्‍खे़आङ् वाॽरो॥

यहोसु 16:10 Referans Kwoze

खासे़न्‍लोःम्‍बा 1:29

गेजेरओ के़युङ्‌बा कनानिहाॽ एफ्राइमरे़ मे़नाःत्तुसिन्, खे़ल्‍ले़चोगुल्‍ले़ कनानिहाॽ गेजेरओ खुन्‍छिॽनु सोरिक् मे़युङे़ मे़गरे़॥

१ हाङ् 9:16

(मिस्र लाजेॽबा हाङ् फारोल्‍ले़ थङ्‌ङो फत्तुआङ् गेजेरे़न् हुक्‍काप् चोगुआङ् ने़स्‍से़॥ खुने़ॽ खे़न् मिधिक्‍खुआङ् खाप्‍पुथ्‍यःङ् चोगु॥ खे़प्‍मोबा कनानि यक्‌युङ्‌बाहाॽ खुने़ॽ से़रुसि, हे़क्‍क्‍याङ् खे़न् ये़क्‌यक्‍किन् कुस्‍सा मे़न्‍छुमा सोलोमनरे़ कुमेःत्तिन् मेःक्‍खिम् पे़वा पिरु॥

यहोसु 17:13

कर मे़युङे़र मे़बेःल्‍ले़ इस्राइलिहाॽ मुक्‍साम्‍बा मे़बोःक्‍खे़आङ् खे़ङ्‌हाॽ योक् चोःक्‍मा याःम्‍बक्‍को फम्‍मा मे़हेःक्‍तुसि, कर खक्‍पे़त् मे़न्‍नाःत्तुन् मे़न्‍देसुसिन्‍लो॥

१ हाङ् 9:21

इग्र खे़न् लाजेॽओ के़दाङ्‌बाआङ् के़वाॽबा खे़ङ्‌हाॽरे़ खुन्‍छिॽ साहाॽ, इस्राइलिहाॽरे़ खे़ङ्‌हाॽ चबे़ःत्‍छिक्‍काङ् मे़ङ्‌मा मे़न्‍छुके मे़गत्तुसि, सोलोमनरे़ खे़ङ्‌हाॽए स्‍याङ्‌मे़न्‍दाङ् याःम्‍बक्‍को फत्‍छुसिआङ् वये़, खे़ङ्‌हाॽ आइन्‍बा ये़न् थारिक्‍काङ् याःम्‍बक् के़जोःक्‍पाए मे़वाॽ॥

यहोसु 15:63

यहुदाःल्‍ले़ कुमुॽइदाङ्‌साहाॽरे़ यरुसले़म के़युङ्‌बा यबुसिहाॽ नाःप्‍मादेमा मे़न्‍छुक्‍तुसिन्॥ खे़न् यबुसिहाॽ आइन्‍बा ये़न् थारिक् यरुसले़मबा यहुदाःल्‍ले़ कुमुॽइदाङ्‌साहाॽनु सोरिक् खे़प्‍मो मे़युङ्‌लो॥

यहोसु 10:33

हाबा खे़न् ये़म्‍मो गेजेरबा होराम हाङ्‌ङिन् लाकिसरे़ कुभाॽसे़ त्‍ये़॥ कर यहोसुःल्‍ले़ आत्तिन्‍हाॽआङ् कुहिङ्‌वे़त् मे़ल्‍ले़त्‍छिङ्‌ङे खे़न् नु खे़ल्‍ले़ कुधक्‍सुबाहाॽ नाःन्‍दुसि॥

यहोसु 16:9

कन्‍नुःल्‍ले़ वेॽ, मनस्‍सेरे़ कुमुॽइदाङ्‌हाॽरे़ खुन्‍छिॽ लक्‍खोमालाम् एफ्राइमरे़ कुमुॽइदाङ्‌साहाॽरे़ खुन्‍छिॽ लागि मे़से़न्‍दुआङ् ने़स्‍से़बान् के़रे़क् ये़क्‌यक्‍हाॽ नु खे़प्‍मोबा पाङ्‌भेॽहाॽआङ् ने़स्‍से़॥

यहोसु 17:12

हे़क्‍केसाङ् मनस्‍सेरे़ कुमुॽइदाङ्‌साहाॽरे़ खे़न् ये़क्‌यक्‍हाॽओबा यक्‌युङ्‌बाहाॽ नाःप्‍मादेमा मे़न्‍छुक्‍तुसिन्, थेआङ्‌भे़ल्‍ले़ खे़न् कनानिहाॽरे़ खे़न् लाजेॽओ युङ्‌मा निङ्‌वाॽ मे़जोगुआङ् वये़॥

१ हाङ् 9:15

सोलोमन हाङ्‌ङिल्‍ले़ यहवे दाङ्‌बे़ल्‍ले़ कुहिम्‍मिन्, खुने़ॽ आप्‍फेक् कुहिम्‍मिन्, कुदक्‍मा लुङ्‌धाक्‍हाॽ, यरुसले़ःम्‍बा लुङ्‌धाक्‍हाॽ, हासोर, मगिद्‌दो नु गेजेरे़न् चोःक्‍मारे़ लागि स्‍याङ्‌मे़न्‍दाङ् याःम्‍बक् के़जोःक्‍पा मनाहाॽ फत्‍छुसिबा ताॽजे़ङ् पाःन्‍निन् हाबा कन्‍लो॥

२ साप्‍मुःन्‍धुम् 8:8

लाजेॽओ के़वाॽबा खे़ङ्‌हाॽरे़ खुन्‍छिॽ थिन्‍दाङ् सायोबोराहाॽ, इस्राइलिहाॽरे़ मे़म्‍मे़ङ्‌सिङ्‌ङे मे़वये़, सोलोमनरे़ खे़ङ्‌हाॽ योःग्‍बा याःम्‍बक्‍को फत्‍छुसि, हे़क्‍क्‍याङ् खे़ङ्‌हाॽ आइन्‍बा ये़न् थारिक् हे़क्‍तङ्‌बाए मे़वाॽ॥