यहोसु 15:3 - लिम्‍बु

³ खे़न् अक्रब्‍बिमबा थाम्‍माङ्‌ङो लाङ्‌गे़त् ले़प्‍माङ्‌लाम् पोःक्‍खे़आङ् सिने़न् लस्‍सुर कादेस-बर्ने लाङ्‌गे़त्‍लाम् थाम्‍माङ् हिसिङ् हे़क्‍क्‍याङ् हेस्रोने़न् लस्‍सुर अद्‌दार थारिक् थाम्‍माङ् हिसिङ्‌ङाङ् कर्काओ इरे़र नुःक्‍खे़आङ् ने़स्‍से़॥

यहोसु 15:3 Referans Kwoze

खानिःत् 34:4

खे़न् लाङ्‌गे़त् ले़प्‍माङ्‌लाम् अक्रब्‍बिमबा कुभोसाङ् लःन्‍नाङ् जिन थारिक् नु कादेस-बर्नेबा लाङ्‌गे़त् पिसाङ् के़त्‍ल॥ खे़प्‍मोलाम् हसर-अद्‌दर पोङ्‌ल अज्‍मोन थारिक् के़त्‍ल॥

खासे़न्‍लोःम्‍बा 1:36

एदोमिहाॽरे़ खुन्‍छिॽ इःन्‍दोन् अक्रब्‍बिमबा थाम्‍माङ्‌बालाम् सेला थारिक्‍नुःल्‍ले़आङ् ना याङ्‌घुआङ् ने़स्‍से़रो॥

खानिःत् 32:8

कादेस-बर्नेलाम् आङ्‌गाॽ खिनिॽ सुधे़बा थाःक्‍थे़बाहाॽ कन् लाजेन् थोःम्‍से़ पाङ्‌घुङ्‌सिङ्‌ङिल्‍ले़ खिनिॽ सुधे़बा थाःक्‍थे़बाहाॽ हाबा अक्‍खेए मे़जोगुआङ् मे़वये़॥

खानिःत् 20:1

इस्राइलिहाॽरे़ खुन्‍छिॽ के़रे़क् सङ्‌जुम्‍भोःन् थिक्‍सिगेक्‍पा लाओ जिनबा मुरे़क् खारे़क् थेआङ् के़होप्‍पादे़न्‍नो मे़गे़रे़, हे़क्‍क्‍याङ् कादेसओ याङ्‌मे़धोःक्‍ते़॥ खम्‍भ्‍याङ् मिरियम्‍मिन् आम्‍भा खे़प्‍मो मासिङ्, हे़क्‍क्‍याङ् खे़ङ्‌हाॽरे़ खुने़ॽ आम्‍भा खे़प्‍मो मे़लुप्‍तु॥

तोलिङ्‌सोमु 14:7

खे़ब्‍याङ् खे़ङ्‌हाॽ मे़नुःक्‍खे़आङ् एनमिस्‍पातो (कादेस) मे़बेआङ् अमाले़किहाॽरे़ खुनिॽ के़रे़क् लाजेॽहाॽ नु हासेसोन् तामारओ के़युङ्‌बा एमोरिहाॽआङ् मे़नाःन्‍दुसि॥

यहोसु 15:2

खे़ङ्‌हाॽरे़ खुन्‍छिॽ लाङ्‌गे़त् ले़प्‍माङ्‌बा इःन्‍दोन् युम्‍लाःक्‍खाङ् वरःङ्‌ङिल्‍ले़ लाङ्‌गे़त् ले़प्‍माङ्‌बा योसमा कुयाओनु हेःक्‍सिङ्‌ङाङ् ने़स्‍से़॥

यहोसु 15:4

खे़प्‍मोलाम् खे़न् इःन्‍दोन् अज्‍मोने़न् लस्‍सुर मिस्रबा वहःङ्‌ङो लःन्‍दे़आङ् ने़स्‍से़॥ खे़न् इःन्‍दोन् लुम्‍बाङ् वरःङ्‌ङो नुबे़आङ् ने़स्‍से़॥ खे़ल्‍ले़ लाङ्‌गे़त् ले़प्‍माङ्‌बा कुइःन्‍दोन् आम्‍भा कन्‍लो॥