यहोसु 15:2 - लिम्‍बु

² खे़ङ्‌हाॽरे़ खुन्‍छिॽ लाङ्‌गे़त् ले़प्‍माङ्‌बा इःन्‍दोन् युम्‍लाःक्‍खाङ् वरःङ्‌ङिल्‍ले़ लाङ्‌गे़त् ले़प्‍माङ्‌बा योसमा कुयाओनु हेःक्‍सिङ्‌ङाङ् ने़स्‍से़॥

यहोसु 15:2 Referans Kwoze

इजकिएल 47:8

खुने़ॽ आङ्‌गाॽ मे़त्ताङ्, “कन् च्‍वाःत्तिन् नाङ्‌गे़न् पिसाङ् मुरे़क् खारे़क् थेआङ् के़होःप्‍पादे़न् पोङ्‌ल वगु पेःक्‍काङ् युम्‍लाःक्‍खाङ् वरःङ्‌ङोबा ने़ने़बादे़न्‍नो लाःत्॥ वरःङ्‌ङो कन् लाःत्ताङ् खे़प्‍मोबा च्‍वाःत्तिन् सेसेबा चोगुॽ॥

यसैया 11:15

यहवे दाङ्‌बे़ल्‍ले़ हे़ःत्ताङ्‌बा वरःङ्‌ङिन् चप्‍प्रे़क् चप्‍ल याःन्‍दुरो हे़क्‍क्‍याङ् सुरित् केजङ् हुर याःन्‍दुआङ् युफ्रेतिस वहःङ्‌ङिन्‍नाङ् हेर चोगुरो॥ खे़ब्‍याङ् खे़ॽयो चुजुक्‍सा नुसि वहःङ् मे़बोङ्‌लो, खे़न् वहःङ्‌हाॽ आत्तिन्‍हाॽरे़साङ् उसुरु चाःक्‍मा मे़सुक्‍तुरो॥

तोलिङ्‌सोमु 14:3

कन् के़रे़क् हाङ्‌हाॽ थिक्‍हुप् तुरा मे़बोःक्‍खे़आङ् सिद्‌दिम्‍बा (युम् वरःङ्) ते़म्‍बेॽओ मे़भुङ्‌सिङ्॥

इजकिएल 47:18

“तॽइ नाङ्‌गे़न् ले़प्‍माङ्‌बा इःन्‍दोःङ्‌ग हौरानबा नु दमस्‍कसरे़ कुलुम्‍मो, गिलाद नु इस्राइल लाजेॽ कुलुम्‍मो यर्दन वहःङ्‌ङिल्‍ले़ कुया कुया पोङ्‌ल नाङ्‌गे़न् वरःङ् नु तामार थारिक्‍के माःङ्‌लिक् के़त्॥ कन् नाङ्‌गे़न् ले़प्‍माङ्‌बा इःन्‍दो पोङ्‌ॽ॥

यहोसु 3:16

थोलाम्‍बा के़युबा च्‍वाःत्तिन् साॽरिक् नानाक्, सार्तानलाम् निःत्ताङ् आदम मे़प्‍मनाबा ये़क्‌यक्‍कोए कुङ्‌मा नाॽरे़ हे़क्‍क्‍याङ् लुम्‍सिङ्‌ङाङ् ने़स्‍से़ॽ, खम्‍भ्‍याङ् अराबाबा वरःङ्, इग्र युम्‍लाःक्‍खाङ् वरःङ् ले़प्‍माङ् के़गुङ्‌बा के़बेःक्‍पा च्‍वाःत्तिन् स्‍याक् पुॽरे़आङ् चप्‍प्रे़क् चबे़॥ कल्‍ले़चोगुल्‍ले़ मनाहाॽरे़ कत्‍नाहाङ्‌दाङ्‌लाम् यरिहो ले़प्‍माङ् मे़गाःक्‍तुआङ् मे़बे॥

खानिःत् 34:3

“‘लाङ्‌गे़त् ले़प्‍माङ्‌बा इःन्‍दोन् सिनबा मुरे़क् खारे़क् थेआङ् के़होःप्‍पादे़न्‍लाम् एदोमरे़ कुइःन्‍दोःन्‍नु सोसोरिक् पेक्॥ खिनिॽ लाङ्‌गे़त् ले़प्‍माङ् इःन्‍दोन् कुसिवे़त् वरःङ्‌ङिल्‍ले़ यो कुनुप्‍मोलाम् नाङ्‌गे़न् पिसाङ्‌लाम् हेःक्‍सिङ्‌ॽ॥

यहोसु 15:1

यहुदा थाःक्‍कोबाहाॽरे़ खुन्‍छिॽ लक्‍किन् खुन्‍छिॽ हिम्‍सयङ् कुइसिक् एदोमबा इःन्‍दो थारिक्, हे़क्‍क्‍याङ् लाङ्‌गे़त् पिसाङ् सिनबा मुरे़क् खारे़क् थेआङ् के़होःप्‍पादे़न् थारिक् ने़स्‍से़रो॥

यहोसु 15:3

खे़न् अक्रब्‍बिमबा थाम्‍माङ्‌ङो लाङ्‌गे़त् ले़प्‍माङ्‌लाम् पोःक्‍खे़आङ् सिने़न् लस्‍सुर कादेस-बर्ने लाङ्‌गे़त्‍लाम् थाम्‍माङ् हिसिङ् हे़क्‍क्‍याङ् हेस्रोने़न् लस्‍सुर अद्‌दार थारिक् थाम्‍माङ् हिसिङ्‌ङाङ् कर्काओ इरे़र नुःक्‍खे़आङ् ने़स्‍से़॥